மதுமதி பத்மநாதன்
| மதுமதி பத்மநாதன் | |
|---|---|
| பிறப்பு | திருகோணமலை, இலங்கை |
| தேசியம் | இலங்கைத் தமிழர் |
| பணி | தொலைக்காட்சித் தொகுப்பாளினி, திரைப்பட நடிகை, மாடல் |
| செயற்பாட்டுக் காலம் | 2019 - இன்று வரை |
| பெற்றோர் | திருமலை பத்மநாதன் |
மதுமதி பத்மநாதன் (Madhumathi Pathmanadan) தமிழ்த் திரைப்பட நடிகையும், தொலைக்காட்சித் தொகுப்பாளினியும் ஆவார்.
வாழ்க்கைக் குறிப்பு[தொகு]
மதுமதி பத்மநாதன் இலங்கை, திருகோணமலையைப் பிறப்பிடமாகக் கொண்டவர்.[1] மதுமதியின் தந்தை திருமலை பத்மநாதன் ஒரு பிரபலமான ஈழத்து இசையமைப்பாளர் ஆவார்.[2] முறையாக பரதநாட்டியம் பயின்ற மதுமதி,[2] இலங்கையின் அரச ஊடகமான வசந்தம் தொலைக்காட்சியில் இவர் நம்ம ஹில்ஸ் என்ற நிகழ்ச்சியை ஓராண்டிற்கும் மேலாகத் தொகுத்து வழங்கியிருந்தார்.[1][2] இலங்கையில் குறும்படங்கள், மற்றும் விளம்பரப் படங்களில் இவர் நடித்திருக்கிறார். இயக்குநர் விக்ரம் சிறீதரின் இயக்கத்தில் ரெட்ரம் என்ற தமிழ்த் திரைப்படத்தில் இவர் முதன் முதலில் கதாநாயகியாக நடித்தார். அசோக் செல்வன் இதில் கதாநாயகனாக நடித்தார்.[1] இத்திரைப்படத்தின் தயாரிப்புப் பணிகள் முடிவடைந்த நிலையில், திரையிடப்படுவதற்காகக் காத்திருக்கிறது. இவர் நடித்து வெளிவந்த முதல் தமிழ்த் திரைப்படம் ஏலே. இது 2021 பெப்ரவரி 28 இல் விஜய் தொலைக்காட்சியில் முதன்முதலாகத் திரையிடப்பட்டது.[3] இத்திரைப்படம் பின்னர் 2021 மார்ச் 5 இல் நெற்ஃபிளிக்சு மூலம் உலகெங்கும் அறிமுகமானது. அலிதா சமீமின் இயக்கத்தில் வெளிவந்த இத்திரைப்படத்தில் மதுமதி கதாநாயகியாக நடித்திருந்தார். இத்திரைப்படம் பெரும் வரவேற்பைப் பெற்றது.[4]
திரைப்படங்கள்[தொகு]
|
இன்னும் வெளியிடப்படாத படங்களை குறிப்பிடுகின்றன. |
| ஆண்டு | திரைப்படம் | பாத்திரம் | குறிப்புகள் |
|---|---|---|---|
| 2021 | ஏலே | நாச்சியா | |
| ரெட்ரம் | படப்பிடிப்பு |
மேற்கோள்கள்[தொகு]
- ↑ 1.0 1.1 1.2 நம்ம ஹிட்ஸ் மது கோலிவுட் ஹீரோயின் ஆகிறார், லங்காடாக்கீசு, மார்ச் 4, 2019
- ↑ 2.0 2.1 2.2 தென்னிந்திய சினிமாவில் பிரகாசிக்கும் இலங்கை நட்சத்திரம் நடிகை மதுமதி பத்மநாதன், இன்றைய விருந்தினர், ஐபிசி தமிழ், 20 மார்ச் 2019
- ↑ ஈழத்து நடிகை மதுமதி அறிமுகமாகும் ஹலீதா ஷமீமின் ‘ஏலே’ – ரிலீஸ் திகதி அறிவிப்பு[தொடர்பிழந்த இணைப்பு], குவியம், சனவரி 27, 2021
- ↑ சினிமா விகடன்: OTT கார்னர், மார்ச் 11, 2021