செலுத்து வாகனம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ருசிய செலுத்து வாகனம்

செலுத்து வாகனம் (Launch vehicle) என்பது செயற்கைக் கோள்களை பூமியிலிருந்து விண்வெளிக்கு எடுத்துச் செல்லும் வாகனம் ஆகும். இவ்வாறு எடுத்துச் செல்லும் செயற்கைக் கோள்கள் பெரும்பாலும் பூமியின் வட்டப்பாதையில் நிறுத்தப்படுகின்றன. இத்தகைய செலுத்து வாகனங்கள் அதற்கென வடிவமைக்கப்பட்ட ஏவுதளத்தில் இருந்து செலுத்தப்படுகின்றன. ஏவுதளத்தில் செலுத்து வாகனத்திற்கென சிறப்புக் கட்டுமான வசதி செய்யப்பட்டிருக்கும்.[1] இந்த செலுத்து வாகனம் பெரும்பாலும் இரண்டு நிலைகளைக் கொண்டதாக இருக்கும். சிலநேரங்களில் நான்கு நிலைகளைக் கொண்டதாகவும் இருக்கும். பெரும்பாலான செலுத்து வாகனங்கள் ஒரு முறை பயன்படுத்துபவையாக இருக்கும். ஏனெனில் செயற்கைக்கோள்களை அதன் வட்டப்பாதையில் உந்தித் தள்ளியபின் கீழே பூமியை நோக்கி விழும் செலுத்து வாகனம் பூமியின் வளிமண்டலத்துடனான உராய்வினால் அதன் பாகங்கள் உடைந்துவிடும். ஆனால் மறுமுறையும் பயன்படுத்தும் வகையிலான செலுத்து வாகனங்களும் வடிவமைக்கப்படுகின்றன. சில செலுத்து வாகனங்களில் உந்துகிகளும் (Boosters) இணைக்கப்பட்டிருக்கும்.

வகைகள்[தொகு]

ஏவுதள அமைவிடம்[தொகு]

ஏவுதள அமைவிடத்தைப் பொறுத்து இத்தகைய செலுத்து வாகனங்களை மூன்றாக வகைப்படுத்தலாம்.

  • நிலத்திலிருந்து ஏவப்படுவது
  • கடலிலிருந்து ஏவப்படுவது
  • வானிலிருந்து ஏவப்படுவது.

உருவத்தைப் பொறுத்து[தொகு]

செனித்-2 எனும் செயற்கைக்கோளை ஏந்திச் செல்லத் தயார் செய்யப்படும் உக்ரேனிய செலுத்து வாகனம்.

செலுத்து வாகனத்தின் உருவத்தைப் பொறுத்தும் இவற்றை வகைப்படுத்துகின்றனர்.

  • ஒலி செலுத்துவாகனம் (Sounding rocket) - இவை மிகக்குறைவான எடையுடைய ஆராய்சிச் செயற்கைக் கோள்களை எடுத்துச் செல்கின்றன.
  • சிறிய செலுத்து வாகனம் (Small lift launch vehicle) - இவை அதிகபட்சமாக 2,000 கிலோகிராம்கள் எடையுள்ள செயற்கைக் கோள்களை பூமியின் தாழ் வட்டப்பாதையில் நிலை நிறுத்தப் பயன்படுகின்றன.[2]
  • நடுத்தர செலுத்து வாகனம் (Medium lift launch vehicle) - இவை 2,000 கிலோகிராம்கள் முதல் 20,000 கிலோகிராம்கள் எடையுள்ள செயற்கைக் கோள்களை பூமியின் தாழ் வட்டப்பாதையில் நிலை நிறுத்தப் பயன்படுகின்றன.[2]
  • திறன் செலுத்து வாகனம் (Heavy lift launch vehicle ) - இவை 20,000 கிலோகிராம்கள் முதல் 50,000 கிலோகிராம்கள் எடையுள்ள செயற்கைக் கோள்களை பூமியின் தாழ் வட்டப்பாதையில் நிலை நிறுத்தப் பயன்படுகின்றன.[2]
  • அதி திறன் செலுத்து வாகனம் (Super-heavy lift vehicle) - இவை 50,000 கிலோகிராம்களுக்கும் அதிகமான எடையுள்ள செயற்கைக் கோள்களை பூமியின் தாழ் வட்டப்பாதையில் நிலை நிறுத்தப் பயன்படுகின்றன.[2][3]

விதிகள்[தொகு]

சர்வதேச விதிகளின் படி செலுத்து வாகனத்தின் உரிமையாளரான நாடு, இச்செலுத்து வாகனத்தால் ஏற்படும் எல்லாவித விபத்துகளுக்குப் பெறுப்பேற்க வேண்டும் என வரையறுக்கப்பட்டுள்ளது.

மேற்கோள்கள்[தொகு]

  1. See for example: "NASA Kills 'Wounded' Launch System Upgrade at KSC". Florida Today. மூல முகவரியிலிருந்து 2002-10-13 அன்று பரணிடப்பட்டது.
  2. 2.0 2.1 2.2 2.3 NASA Space Technology Roadmaps - Launch Propulsion Systems, p.11: "Small: 0-2t payloads, Medium: 2-20t payloads, Heavy: 20-50t payloads, Super Heavy: >50t payloads"
  3. HSF Final Report: Seeking a Human Spaceflight Program Worthy of a Great Nation, October 2009, Review of U.S. Human Spaceflight Plans Committee, p. 64-66: "5.2.1 The Need for Heavy Lift ... require a “super heavy-lift” launch vehicle ... range of 25 to 40 mt, setting a notional lower limit on the size of the super heavy-lift launch vehicle if refueling is available ... this strongly favors a minimum heavy-lift capacity of roughly 50 mt ..."
"http://ta.wikipedia.org/w/index.php?title=செலுத்து_வாகனம்&oldid=1706339" இருந்து மீள்விக்கப்பட்டது