கும்பகோணம் ராஜா வேத காவ்ய பாடசாலை
கும்பகோணம் ராஜா வேத காவ்ய பாடசாலை , கும்பகோணம் நகரிலுள்ள பழம்பெருமை வாய்ந்த பாடசாலையாகும்.
அமைவிடம்[தொகு]
ராஜா வேத காவ்ய பாடசாலா என்றும் ராஜா வேத காவ்ய பாடசாலை என்றும் அழைக்கப்படுகின்ற இந்தப் பாடசாலை கும்பகோணம் சக்கரபாணி கோயில் வடக்கு வீதியில் அமைந்துள்ளது.
வரலாறு[தொகு]
கோவிந்த தீட்சிதர் முயற்சியால் வடிவம் பெற்றவற்றில் இப்பாடசாலையும் ஒன்றாகும். அவரது பிற பணிகளில் திருப்பாலைத்துறை கோயில் கோபுரம், திருப்பாலைத்துறை நெற்சேமிப்புக்கிடங்கு, கும்பகோணம் கும்பேசர் கோயிலின் புதிய சன்னதிகள், ராஜகோபுரம், கும்பகோணம் இராமசுவாமி கோயில் உள்ளிட்ட திருப்பணிகள் அடங்கும்.[1] கி.பி.1542இல் இவரால் உருவாக்கப்பட்ட இந்த பாடசாலை பல அறிஞர்களை உருவாக்கியுள்ளது. இப்பாடசாலையை நிர்வகிக்க கி.பி.1972இல் அத்வைத வித்யாசார்ய மகாராஜா சாகிப் ஸ்ரீ கோவிந்த தீட்சிதர் புண்ய ஸ்மரன சமிதி அமைக்கப்பட்டது. [2]
வகுப்புகள்[தொகு]
இப்பாடசாலையில் நான்கு வேதங்களிலும் எட்டு ஆண்டுகள் மற்றும் பத்து ஆண்டுகளுக்கான வகுப்புகள் நடத்தப்பட்டு மாணவர்களுக்கு சான்றிதழ்கள் வழங்கப்படுகின்றன. [2] இப்பாடசாலையில் வேதம் படித்துக் கொண்டே பள்ளிப்படிப்பையும் தொடர வாய்ப்புள்ளது. [3]
புதுப்பித்தல்[தொகு]
1933இல் புதுப்பிக்கப்பட்ட இப்பாடசாலை, நவம்பர் 1, 2015இல் மறுபடியும் புதுப்பிக்கப்பட்டது.[2]
மேற்கோள்கள்[தொகு]
- ↑ பாலாஜி, கோவிந்த தீட்சிதர், கல்கி, 29.2.2004
- ↑ 2.0 2.1 2.2 Kumbakonam Vedic school gets a facelift, The Hindu, 1st November 2015
- ↑ கும்பகோணத்தில் 473 ஆண்டுகள் பழமையான ராஜவேத காவிய பாடசாலை புதுப்பித்து இன்று திறப்பு, தி இந்து, நவம்பர் 1, 2015