குடும்ப அட்டை

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

குடும்ப அட்டை (Ration card) வழங்கும் திட்டம் ஒரு குடும்பத்தைச் சேர்ந்த உறுப்பினர்களைப் பதிவு செய்து வைத்திருப்பதற்காகப் பல்வேறு நாடுகளிலும் உள்ள ஒரு திட்டமாகும். இத்திட்டம் தெற்கு, தென்கிழக்காசிய நாடுகள், சில அரபு நாடுகள் போன்றவற்றில் நடைமுறையில் இருக்கிறது.

இந்தியா[தொகு]

இந்தியாவில் குடும்பத்துடன் வசித்து வருபவர்களுக்கு அவர்களின் குடும்ப உறுப்பினர் விபரங்களுடன் குடும்ப அட்டை (ரேசன் கார்டு, Ration card) வழங்கப்படுகிறது. இவ்வட்டை அரசின் பொது விநியோக முறையின் மூலம் மக்கள் உணவுப் பொருட்களைப் பெறுவதற்கு உணவுச் சீட்டாகவும், பிற அரசு திட்டங்களில் பங்கேற்க அடையாள அட்டையாகவும் பயனபடுகிறது. வறுமைக் கோட்டுக்கு மேல் உள்ளவர்கள், கீழ் உள்ளவர்கள் என்ற அடிப்படையில் இவ்வட்டைகள் வேறுபடுகின்றன.

தமிழ் நாட்டில் தமிழ்நாடு உணவுப் பொருள் வழங்கல் மற்றும் நுகர்வோர் பாதுகாப்புத் துறையின் வழியாக இந்தக் குடும்ப அட்டை அச்சிட்டு அளிக்கப்படுகிறது. இந்தக் குடும்ப அட்டைகளைக் கொண்டு தமிழ்நாட்டின் நியாயவிலைக் கடைகளில் அரிசி, சர்க்கரை, மண்ணெண்ணெய், கறியெண்ணெய் போன்ற சில அத்தியாவசியப் பொருட்களை அரசின் சலுகை விலையில் பெற்றுக் கொள்ளலாம். மேலும் வருவாய்த்துறையின் அனைத்து சான்றுகளும் இந்த குடும்ப அடையாள அட்டையைக் கொண்டே பெற முடிகிறது. பல இடங்களில் இதனை முகவரிச் சான்றாகவும் பயன்படுத்திக் கொள்ள முடிகிறது.

இந்தோனேசியா[தொகு]

இந்தோனேசியாவில் இது கார்து கெளுவார்கா (Kartu Keluarga) என்று அழைக்கப்படுகிறது. தேர்தலில் வாக்களித்தல், அடையாள அட்டை, கடவுச்சீட்டு என்பவற்றைப் பெறுதல், ஏழை மக்களுக்குச் சலுகைகள் வழங்குதல் போன்றன இடம்பெறுகின்றன.

"http://ta.wikipedia.org/w/index.php?title=குடும்ப_அட்டை&oldid=1375859" இருந்து மீள்விக்கப்பட்டது