சிறு வயதிலிருந்தே வாய்ப்பாட்டு கற்றுக்கொண்டு பல மேடை கச்சேரிகளில் பாடி அனுபவம் பெற்றவர் அஜீஷ். இவர் கிருஷ்ணஸ்வாமி மெட்ரிகுலேஷன் பள்ளியில் கல்வி கற்று லயோலா கல்லூரியில் விசுவல் கம்யூனிகேஷன் படித்து வந்த போது விஜய் தொலைக்காட்சியின் சூப்பர் சிங்கர் நிகழ்ச்சியில் பங்கேற்று வெற்றி பெற்றார். அதன் மூலமாக 2010-இல் யுவன் ஷங்கர் ராஜா இசையில் "இதுவரை" என்ற பாடலை பாடும் வாய்ப்பு கிடைத்தது. அதன் பிறகு பல திரைப்படங்களில் பாட ஆரம்பித்தார். இடையில் அவர் தனித்துவத்தை காட்ட 2013-இல் ஒரு ஆல்பம் ஒன்றை வெளியிட்டார், இது அவருக்கு பெரிய ஊக்குவிப்பை தருவதாக அமைந்தது . பின்னர் 2017-இல் "பாம்புச்சட்டை" என்ற திரைப்படம் மூலம் ஒரு இசை அமைப்பாளராக அறிமுகம் ஆனார். 2022-இல் வெளிவந்த "விலங்கு" என்னும் வலை தொடரில் அவர் பின்னணி இசை மிகப்பெரிய அளவில் பேசப்பட்டது.