புத்தமத கண்டன நூல்

புத்த மதக் கருத்துகளைக் கண்டித்து மாறுபட்ட விளக்கங்களைத் தரும் நூல்களை மு. அருணாசலம் புத்தமத கண்டன நூல் என்னும் தலைப்பின் கீழ் விளக்குகிறார். நீலகேசி உரை, குண்டலகேசி உரை என்னும் இரண்டு உரை நூல்களும் புத்த சமயக் கருத்துக்களை மறுப்பதற்கு என்றே எழுதப்பட்டவை.

நீலகேசி உரையில் புத்த சமயக் கருத்துக்களைக் கண்டிக்கும் வெண்பாக்கள் 19 உள்ளன.

எடுத்துக்காட்டு

1

விதியால வருவது அல்லால் மேதக்கோர் தங்கள்

மதியினால் வாழ்வது ஒன்று உண்டோ - பதிதொறும்

சங்கரனும் ஐயம் மேற்கொண்டு உண்டான் தடம் கடல் சூழ்

மங்கையுடன் காடு உறைந்தான் மால்.

2

தனக்கும் பிறர்க்கும் பயனின்றிப் புத்தன்

எனைத்துத் துயரும் உழத்தல் - கணப் பிணியின்

நீங்கித் தன் கூத்தி குலத்தான் என ஆதல்

தூங்கத் தலை அரிந்து அற்று.