காந்தி படித்துறை மேடை
காந்தி படித்துறை மேடை (Gandhi Ghat) (Hindi: गांधी घाट) என்பது பாட்னாவில் கங்கை நதிக்கரையில் அமைந்த ஒரு முக்கியமான படித்துறை மேடை ஆகும். இப்படித்துறை இந்திய விடுதலை இயக்கத்தினை வழிநடத்திச் சென்ற மகாத்மா காந்தியின் பெயரால் அழைக்கப்படுகிறது. இந்த படித்துறையானது மாலை நேர கங்கை ஆரத்தி வழிபாட்டிற்குப் பெயர் பெற்றது ஆகும். மகாத்மா காந்தியின் அஸ்தி கங்கை நதியில் கரைக்கப்பட்ட இடமும் இதுவேயாகும்.
அமைவிடம்
[தொகு]காந்தி படித்துறை மேடையானத கங்கைக் கரையில் அமைந்துள்ளது. இது பாட்னாவின் <i>நேஷனல் இன்ஸ்டிடியூட் ஆஃப் டெக்னாலஜி</i> நிறுவனத்திற்குப் பின்புறத்தில் அமைந்துள்ளது. பாட்னா சந்திப்பு தொடருந்து நிலையத்திலிருந்து வடகிழக்கே 5 கிலோமீட்டர் தொலைவில் உள்ளது. [1]
கங்கா ஆரத்தி
[தொகு]காந்தி படித்துறை மேடை மீது கங்கா ஆரத்தி 51 விளக்குகளுடன், காவி உடை அணிந்த பூசாரிகள் குழுவால் செய்யப்படுகிறது. ஆரத்தி சங்கு ஊதுவதில் தொடங்கி, விரிவான வடிவங்களில் தூபக் குச்சிகளின் அசைவு மற்றும் இருண்ட வானத்திற்கு எதிராக பிரகாசமான சாயலை உருவாக்கும் பெரிய எரியும் விளக்குகளை வட்டமிடுவதன் மூலம் தொடர்கிறது. 2011 ஆம் ஆண்டு வாரணாசி மற்றும் ஹரித்வாரில் கங்கா ஆரத்தி முறைப்படி இந்த சடங்கு தொடங்கப்பட்டது.
சுற்றுலா
[தொகு]பீகார் மாநில சுற்றுலா வளர்ச்சிக் கழகம் (BSTDC) காந்தி படித்துறை மேடையில் இருந்து எம்வி கங்கா விஹாரை இயக்குகிறது. கங்கா விஹார் என்பது மிதக்கும் உணவகம் என்றும் அழைக்கப்படும் உணவகத்துடன் கூடிய ஆற்றில் இயங்கும் சொகுசுக் கப்பலாகும். இது சன்செட் க்ரூஸ் மற்றும் லெஷர் க்ரூஸ்/கார்ப்பரேட் க்ரூஸ் ஆகியவற்றில் பயணிப்பவர்களுக்கான உணவக வசதியுடன் இயங்குகிறது. [2] மற்றொரு கப்பலான எம்.வி. கௌடில்யா 2016 ஆம் ஆண்டில் சேர்க்கப்பட்டது, இது காந்தி படித்துறை மேடையில் இருந்து கங்கை நதியில் பயணிக்க விரும்பும் சுற்றுலாப் பயணிகளுக்கான பயணப் படகு ஆகும். இரண்டு கப்பல்களும் இயங்கும் காந்தி படித்துறைப் பகுதியில் மிதக்கும் இறங்குதுறையை வைக்க சுற்றுலாத்துறை திட்டமிட்டுள்ளது.
காத்தாடித் திருவிழா
[தொகு]மாநில சுற்றுலாத் துறை மகர சங்கராந்தியை முன்னிட்டு ஆற்றின் குறுக்கே சப்பல்பூர் டயாரா தீவில் காத்தாடித் திருவிழாவை நடத்துகிறது. இவ்வகையான திருவிழா முதன்முதலில் 2011 ஆம் ஆண்டில் தொடங்கியது. ஒவ்வொரு ஆண்டும் ஏற்பாடு செய்யப்பட்டுள்ளது. [3]
மேற்கோள்கள்
[தொகு]- ↑ Location of Gandhi Ghat in Patna
- ↑ "Set Sail on" (PDF). Bihar State Tourism Development Corporation (pdf). Archived from the original (PDF) on 10 October 2017. பார்க்கப்பட்ட நாள் 22 June 2017.
- ↑ Nishant Sinha (14 January 2017). "Look-up-at-the-sky days". The Telegraph. https://www.telegraphindia.com/1170114/jsp/bihar/story_130190.jsp.[தொடர்பிழந்த இணைப்பு]