பன்னம்

தெரிடொபைற்றா, பன்னம்
மரப் பன்னம்
அறிவியல் வகைபிரிப்பு
இராச்சியம்: Plantae Division: தெரிடோபைற்றா
வகுப்புகள்
மரத்தியோப்சிடா- Marattiopsida ஒஸ்முண்டொப்சொடா- Osmundopsida கிளீச்செனியொப்சிடா - Gleicheniopsida தெரிடொப்சிடா - Pteridopsida

பன்னம் (அல்லது வித்திலியம், Fern) என்னும் செடி மற்றும் மர வகைகளை அறிவியலில் தெரிடொ-'வைட்டே (Pteridophyte) என்று அழைப்பர். தெரிடொ-ஃபைட்டா (Pteridophyta) என்னும்பிரிவில் வகைப்படுத்தப்பட்டிருக்கும் சுமார் இருபதினாயிரம் நிலைத்திணை வகைகளில் ஒன்றைக் குறிக்கும். இவை பூக்கும் மரங்கள் தோன்றும் முன்னரே மிகு பழங்காலத்தில் தோன்றி இன்றும் வளரும் நிலைத்திணை வகை. பன்னங்கள் அல்லது வித்திலியங்கள் எனப்படுவன, வித்துக்களில்லாது, புதிய பரம்பரையை உருவாக்குவதற்காக நுண்வித்திகள் (spores) மூலம் இனப்பெருக்கம் செய்யும் குழாயுடைத் தாவரம் (vascular plant) என வரைவிலக்கணம் கூறப்படுகின்றது.

பன்னத்தின் (அல்) வித்திலியத்தின் வாழ்க்கை வட்டம்

சாதாரணப் பன்னமொன்றின் வாழ்க்கை வட்டம், இரண்டு வேறுபட்ட உருவாக்கக் கட்டங்களைக் கொண்டுள்ளது. இவை பின்வருமாறு:

1. நுண்வித்திகளை உருவாக்கும் ஸ்போரோபைட்டே கட்டம்.
2. நுண்வித்திகள் கலப்பிரிவு மூலம் ஹப்லொயிட் புரோதலஸ் (haploid prothallus) ஆக வளர்ச்சியடைகின்றன. (கேம்டோபைட்டே கட்டம்)
3. புரோதலஸ் உயிர்வித்தினை (gametes) உருவாக்குகின்றது.
4. ஆண் gamete ஒரு பெண் உயிர்வித்தினைக் (gamete) கருக்கொள்ளச் செய்கிறது.
5. இது கலப்பிரிவு மூலம் திப்லோயிட் ஸ்போரோபைட்டே பன்னமாக வளர்ச்சியடைகின்றது.

வெளியிணைப்புகளும், உசாத்துணைகளும்

• Tree of Life Web Project: Filicopsida
• A classification of the ferns and their allies
• A fern book bibliography