கழல் திருப்பம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஓர் கழல் திருப்பம் அல்லது கழல் சுழற்பந்து வீச்சு

கழல் திருப்பம் (leg break) துடுப்பாட்டத்தில் கையாளப்படும் பந்து வீச்சுகளில் ஓர் வகையாகும். இது ஓர் வலது கை கழல் சுழல் பந்துவீச்சாளரின் தாக்கும் வீச்சாகும்.

துடுப்பாட்டப் பந்தின் தையல்கோட்டின் மீது அனைத்து விரல்களும் இருக்குமாறு உள்ளங்கையில் வைத்துக்கொண்டு வீசுகையில் மணிக்கட்டையினைச் சுழற்றி வீசுவதால் கழல் திருப்பம் நிகழ்கிறது. பந்தை வீசும்போது ஓர் வலதுகை வீச்சாளரின் மணிக்கட்டிலிருந்து கொடுக்கப்படும் சுழற்சி தையல்கோட்டின் மேலுள்ள விரல்களைத் தழுவி சுட்டுவிரலை யொட்டி வெளிப்படும்போது இடதுபுறமாக சுழல் கொடுக்கப்படுகிறது. பந்து களத்தில் பட்டெழும்பும்போது இந்தச் சுழல், பந்தை நேர்கோட்டிலிருந்து, வீச்சாளரின் பார்வையில், இடதுபுறம் விலகச்செய்கிறது. ஓர் மட்டையாளரின் பார்வையில் பந்து ஓர் வலக்கை ஆட்டக்காரரின் வலப்புறமாக கால்களிலிருந்து விலகி திரும்புகிறது.

ஓர் வலக்கை மட்டையாளரின் வலதுபுற களம் "புறப்பரப்பு" என்றும் இடதுபுற களம் "கழல் பரப்பு" எனவும் அறியப்படும். பந்து கழல் பரப்பிலிருந்து திரும்பிச் செல்வதால் இது கழல் திருப்பம் எனப்படுகிறது. மணிக்கட்டைச் சுழற்றி வீசுவதால் கழல் சுழற்பந்து வீச்சாளர்கள் மணிக்கட்டு சுழற்பந்து வீச்சாளர்கள் என்றும் அறியப்படுகின்றனர்; மாற்றாக புறத்திருப்ப வீச்சாளர்களை விரல்களைப் பயன்படுத்துகின்றனர்.

"http://ta.wikipedia.org/w/index.php?title=கழல்_திருப்பம்&oldid=1358786" இருந்து மீள்விக்கப்பட்டது