மனுபாய் மேத்தா
| மனுபாய் மேத்தா | |
|---|---|
 | |
| பிறப்பு | மனுபாய் நந்தசங்கர் மேத்தா 22 சூலை 1868 |
| இறப்பு | 14 அக்டோபர் 1946 (அகவை 78) |
| தேசியம் | இந்தியன் |
| படித்த கல்வி நிறுவனங்கள் | எல்பின்ஸ்டோன் கல்லூரி., மும்பை |
| பிள்ளைகள் | அன்சா மேத்தா (மகள்) |
சர் மனுபாய் நந்தசங்கர் மேத்தா (Sir Manubhai Nandshankar Mehta) (1868 சூலை 22 - 1946 அக்டோபர் 14) இவர் 1916 மே 19 முதல் 1927 வரை பரோடா அரசின் திவானாகப் பணியாற்றியவராவார். 1927 முதல் 1934 வரை இவர் பிகானேர் ( பிகானேர் இராச்சியம் ) திவானாகவும் இருந்தார்.
வாழ்க்கை[தொகு]
இவர் குசராத்தி மொழி எழுத்தாளரும் மற்றும் சமூக சீர்திருத்தவாதியுமான நந்தசங்கர் மேத்தா என்பவருக்கு 1868 சூலை 22 அன்று பிறந்தார். இவர் மும்பையின் எல்பின்ஸ்டோன் கல்லூரியில் கல்வி பயின்றார்.
வகித்த பதவிகள்[தொகு]
1891-1899 காலப்பகுதியில் பரோடா கல்லூரியில் தர்க்கம் மற்றும் தத்துவத்துறை பேராசிரியராகவும் சட்ட விரிவுரையாளராகவும் பணியாற்றினார். இவர் 1899-1906 காலப்பகுதியில் பரோடா அரசின் மகாராஜா கெய்க்வாட்டின் தனிச் செயலாளராகவும், 1914 முதல்1916 வரை வருவாய் அமைச்சராகவும் இருந்தார். இவர் 1916 மே 9, முதல் 1927 வரை பரோடா அரசின் திவானாகவும் மற்றும் நிர்வாகியாகவும் பணியாற்றியுள்ளார். பின்னர் பிகானேர் இராச்சியத்தைச் சேர்ந்த மகாராஜா கங்கா சிங், பரோடா மாநிலத்திலிருந்து மனுபாய் மேத்தாவைக் அழைத்து வந்து 1927 இல் பிகானேர் மாநிலத்தின் முதல் பிரதமராக ஆக்கினார். இவர் 1934 வரை அங்கு பணியாற்றினார். 1940 வரை பிகானேர் மாநில நிர்வாகியாக தொடர்ந்தார்.
பணிகள்[தொகு]
பிகானேர் மாநில ஊழியர்களுக்கு ஓய்வுபெறும் வயதை 55 வயதிலிருந்து 58 வயதாக நிர்ணயித்தார். இலண்டனில் நடைபெற்ற மூன்று வட்ட மேசை மாநாடுகளுக்கு இவர் இந்திய மாநிலங்கள் சார்பாக பிரதிநிதியாகச் சென்றார். பிகானேரின் மகாராஜா கங்கா சிங் இல்லாத நிலையில் சர் மனுபாய் மேத்தா அவருக்கு மாற்றாக செயல்பட்டார். இதேபோல் இவர் 1933இல் நடந்த உலக சுகாதார மாநாட்டில் கலந்து கொண்டார். மேலும் 1933இல் கூட்டு நாடாளுமன்றக் குழுவிற்கு இந்திய மாநிலங்களின் பிரதிநிதியாக இருந்தார். இவர் குவாலியர் மாநில உள்துறை அமைச்சராக 1937 இல் நியமிக்கப்பட்டார். [1]
பரோடாவின் சீர்திருத்தங்களை கட்டமைத்த முக்கிய கலைஞர்களில் ஒருவராக இவர் கருதப்பட்டார். 1920களில் தொடங்கி பிரிட்டிசு இளவரசரின் அமைப்பின் மூலம் சுதேச இந்தியா முழுவதும் அரசியலமைப்பு, ஜனநாயக சீர்திருத்தங்களை மதமாற்றம் செய்வதற்கான முயற்சியை இவர் வழிநடத்தினார். இதை கோப்லாண்ட் "மேத்தா உத்தி" என்று அழைத்தார். 1940களின் பிற்பகுதியில், கிட்டத்தட்ட அனைத்து முக்கிய மாநிலங்களும் பிகானேர், கோட்டா, ஜெய்ப்பூர், அல்வார், தோல்பூர் மற்றும் குவாலியர் போன்ற மாநிலங்களில் சீர்திருத்த நடவடிக்கைகளை ஏற்றுக்கொண்டன. [2]
இறப்பு[தொகு]
மனுபாய் மேத்தா 1946 அக்டோபர் 14 அன்று இறந்தார். [3] ஒரு சீர்திருத்தவாதியும், சமூக ஆர்வலரும், கல்வியாளரும், சுதந்திர ஆர்வலருமான அன்சா ஜீவராஜின் தந்தையாவார். [4]
குறிப்புகள்[தொகு]
- ↑ Rajgor, Shivprasad (2002). Gujarati Vishwakosh (Gujarati Encyclopedia). Vol. Vol. 15. Ahmedabad: Gujarati Vishwakosh Trust. p. 521-522, 540. இணையக் கணினி நூலக மைய எண் 248968453.
{{cite book}}:|volume=has extra text (help) - ↑ Bhagawan, Manu (Aug. 2008). "Princely States and the Hindu Imaginary: Exploring the Cartography of Hindu Nationalism in Colonial India". The Journal of Asian Studies. 67(3):881–915. doi 10.1017/S0021911808001198. ISSN 0021-9118. OCLC 281188601.
- ↑ Ltd, Durga Das Pvt (1985). Eminent Indians who was who, 1900-1980, also annual diary of events (in ஆங்கிலம்). Durga Das Pvt. Ltd.
- ↑ Rajgor, Shivprasad. Gujarati Vishwakosh (Gujarati Encyclopedia). Gujarati Vishwakosh Trust.
வெளி இணைப்புகள்[தொகு]
| பன்னாட்டு | |
|---|---|
| தேசிய | |
