மனீஷ் குமார்
மனிஷ் குமார் | |
|---|---|
| பீகார் சட்டப் பேரவை உறுப்பினர் | |
பதவியில் உள்ளார் | |
| பதவியில் 2009 | |
| முன்னையவர் | பூடியோ சவுத்ரி |
| தொகுதி | தைரையா |
| தனிப்பட்ட விவரங்கள் | |
| பிறப்பு | 22 திசம்பர் 1978 |
| அரசியல் கட்சி | ஐக்கிய ஜனதா தளம் |
| முன்னாள் கல்லூரி | தில்லி பல்கலைக்கழகம் (PGDSA) |
மனிஷ் குமார் (Manish Kumar) (பிறப்பு22 டிசம்பர் 1978) ஒரு இந்திய அரசியல்வாதியும் பீகார் சட்டமன்ற உறுப்பினரும் ஆவார். ஐக்கிய ஜனதா தளம் கட்சியின் உறுப்பினரான இவர், 2009 முதல் பீகார் சட்டப்பேரவையில் தைரையா தொகுதி பிரதிநிதியாக இருந்து வருகிறார்.
தொடக்க கால வாழ்க்கை மற்றும் கல்வி[தொகு]
பீகாரின் பாகல்பூர் மாவட்டத்தில் உள்ள நாத்நகர் நகரில் மணீஷ் குமார் பிறந்தார். இவர் தில்லி பல்கலைக்கழகத்தில் முதுகலை பட்டயக் கல்வி பெற்றுள்ளார்.[1]
அரசியல் வாழ்க்கை[தொகு]
1993 ஆம் ஆண்டில் மாணவராக இருந்தபோது மணீஷ் குமார் அரசியலில் நுழைந்தார். 2009 இந்திய பொதுத் தேர்தலில், ஐக்கிய ஜனதா தளத்தின் பூடியோ சவுத்ரி ஜமுய் தொகுதி இருந்து நாடாளுமன்ற உறுப்பினராகத் தேர்ந்தெடுக்கப்பட்டார்.[2] சவுத்ரி முன்பு பீகார் சட்டமன்றத்தில் தைரையா தொகுதியின் பிரதிநிதியாக இருந்தார், இதனால் அவரது இடத்தை இழக்க நேரிட்டது.[3] மாநில சட்டப்பேரவைத் தொகுதிக்கான இடைத்தேர்தலில், குமார் ஐக்கிய ஜனதா தளத்தின் வேட்பாளராக நின்று பீகார் சட்டமன்றத்திற்குத் தேர்ந்தெடுக்கப்பட்டார்.[4] 2010 பீகார் சட்டப்பேரவைத் தேர்தலிலும், 2015 பீகார் சட்டப் பேரவைத் தேர்தல்களிலும் இரண்டு முறை சட்டமன்றப் தொகுதிக்கு மீண்டும் தேர்ந்தெடுக்கப்பட்டார்.[5][6]
சர்ச்சைகள்[தொகு]
பசபிட்டா கிராமம்[தொகு]
2020 ஜனவரியில், தைரையா தொகுதி உள்ள பசபிட்டா கிராமத்திற்கு விஜயம் செய்தபோது, கிராமத்தில் அடிப்படை வசதிகள் இல்லாததை எதிர்த்து கிராமவாசிகள் மணீஷ் குமாரின் அமைச்சரவை வாகனத்தைச் சுற்றிலும் ஒரு முற்றுகை (சுற்றிவளைப்பு) செய்தனர். 10 ஆண்டுகளுக்கு முன்பு தொடங்கிய பணிகள் முழுமையடையாமல் உள்ளன என்று கிராமவாசிகள் புகார் கூறினர், மேலும் சட்டமன்ற உறுப்பினர் தேர்தலுக்கு முன்பு வரை மட்டுமே தனது தொகுதியை மட்டுமே நினைவில் வைத்திருப்பதாக குற்றம் சாட்டினர். கொண்டு வரப்பட்ட பிரச்சினைகளில், சீரழிந்த நிலையில் இருந்த ஒரே கிராமப் பள்ளியின் நிலை, பள்ளிக்கு முன்னால் ஒரு வடிகால் மீது முறையான பாலம் இல்லாதது மற்றும் ஆற்றின் திசைதிருப்பலுக்கு அருகே ஒரு பாலம் கட்டப்படாமல் இருப்பது, அங்கு தண்ணீரின் ஓட்டத்தை தற்காலிகமாக தடுக்க மண் கொட்டப்பட்டும் பல ஆண்டுகளாக எந்த கட்டுமானமும் தொடங்கப்படாமல் இருப்பது, கொட்டப்பட்ட மண் அடைத்திருப்பதன் காரணமாக வயல்களுக்கும் தோட்டங்களுக்கும் நீரின் வழியை அடைத்து பயிர்களை அழித்தது ஆகியவை அடங்கும்.[7]
ரிக்ஷா ஓட்டுநர் துஷ்பிரயோகம்[தொகு]
2020 செப்டம்பரில், மணிஷ் குமார் ஒரு ரிக்சா ஓட்டுநரை தண்டனையாக மீண்டும் மீண்டும் உட்கார்ந்து எழும்படி கட்டாயப்படுத்தும் படம் சமூக ஊடகங்களில் வைரலாகியது. இந்த படம் அதிகாரத்தை துஷ்பிரயோகம் செய்ததாக குற்றம் சாட்டி சட்டமன்ற உறுப்பினர் மீது சீற்றத்தை ஏற்படுத்தியது. எவ்வாறாயினும், சாலையில் போக்குவரத்து நெரிசலை ஏற்படுத்தியதாக குற்றம் சாட்டிய ஓட்டுநருக்கு நடைமுறை அறிவை வழங்குவதாகவும், சாலையில் கூட்டத்திலிருந்து தனது உயிரைக் காப்பாற்றியதாகவும் சட்டமன்ற உறுப்பினர் கூறினார்.[8][9]
மேற்கோள்கள்[தொகு]
- ↑ "Member profile - 160" (PDF) (in இந்தி). பீகார் சட்டப் பேரவை.
- ↑ Lal Joshi, Girdhari (2019-04-10). "जमुई लोकसभा क्षेत्र: केंद्रीय मंत्री के बेटे चिराग पासवान और महागठबंधन के भूदेव की सीधी लड़ाई". Jansatta (in இந்தி). பார்க்கப்பட்ட நாள் 2020-04-22.
- ↑ Srivastava, Amitabh (2 July 2019). "Bihar set for a mini election". இந்தியா டுடே (in ஆங்கிலம்). பார்க்கப்பட்ட நாள் 2020-04-22.
- ↑ "Bye-Election to the Bihar Legislative Assembly Form 21E". Chief Election Office - Bihar.
- ↑ "Bihar 2010". இந்தியத் தேர்தல் ஆணையம்.
- ↑ "Bihar 2015". இந்தியத் தேர்தல் ஆணையம்.
- ↑ "ग्रामीणों ने धोरैया विधायक का किया घेराव". தைனிக் பாஸ்கர் (in இந்தி). 2020-01-07. பார்க்கப்பட்ட நாள் 2020-04-20.
- ↑ Dwivedi, Aditya (2018-09-28). "बिहारः ऑटो चालक को उठक-बैठक कराते जेडीयू विधायक की दबंगई वायरल, बोले- मॉब लिंचिंग से बचा रहा था". Lokmat (in இந்தி). பார்க்கப்பட்ட நாள் 2020-04-20.
- ↑ "JDU विधायक ने चालक को करवाया उठक-बैठक, तस्वीर सोशल मीडिया में वायरल, कहा- मॉब लिचिंग से बचाया". Prabhat Khabar (in இந்தி). 27 September 2020. பார்க்கப்பட்ட நாள் 2020-04-20.