நெடுவாசல் ஜமீன்
'நெடுவாசல் ஜமீன்' என்பது, தமிழ்நாட்டில் உள்ள புதுக்கோட்டை மாவட்டம், "திருவரங்குளம்" பகுதி 'நெடுவாசல்' என்ற ஊரை தலைமை இடமாகக் கொண்ட ஜமீன் ஆகும். இது "பன்றிகொண்டார்" என்ற பட்டம் பூண்ட கள்ளர் மரபினரால் ஆளப்பட்டது.[1][2]
வரலாறு[தொகு]
1879 ஆம் ஆண்டு, விஜயரகுநாத முத்தையன் பன்றிக்கொண்டாரின் கீழ் 15 கிராமங்கள் இருந்தன (9532 ஏக்கர் பரப்பளவு). அரசாங்கத்திற்கு கொடுத்த இறைப்பகுதி 2037 ரூபாய் 6 அணா 6 பைசா ஆகும்.[3]
புதுக்கோட்டை அரச குடும்பத்துடன் திருமண உறவு மூலம் நெய்வாசல் ஜமீன்கள் இணைந்திருந்தார்கள். அய்யாசாமி பன்றிகொண்டார் அவர்கள், புதுக்கோட்டை மன்னரின் மகள் மங்களாம்பாள் ராஜா அம்மணி சாகிப் அவர்களை திருமணம் செய்துகொண்டார்.[4]
ரகுநாத பன்றிகொண்டார் என்பவர் புதுக்கோட்டை மன்னரின் சாகிர்தார் ஆவார். ஜாகிர் (Jagir) என்பது படைத்தலைவர்களின் சேவை கருதி அவர்களுக்கு வழங்கப்படும் சிறிய ஆட்சிப் பகுதியைக் குறிக்கும்.[5] கட்டக்குறிச்சி பன்றிகொண்டார் மற்றும் முத்துசாமி பன்றிகொண்டார் , புதுக்கோட்டை மன்னருக்கு எதிராக கலகம் செய்தனர். மக்களை கிளர்ச்சிக்கு தூண்டிய முத்துசாமி பன்றிகொண்டார் புதுக்கோட்டை மன்னரின் சொந்த மைத்துனர் ஆவார்.[6]
நெடுவாசல் பன்றிக்கொண்டார் மற்றும் செரியலூர் பன்றிக்கொண்டார் ஜமீன்கள் சகோதரர்கள் ஆவர்.[7]
மேற்கோள்கள்[தொகு]
- ↑ மூவேந்தர் குல தேவர் சமூக வரலாறு. 1976. pp. 319.
- ↑ "நெடுவாசல்". தினமலர்.
- ↑ கள்ளர் சரித்திரம். சென்னை: Jegam & Co, Dodsin Press. 1923. pp. 91.
- ↑ Chiefs And Leading Families. 1923. pp. 14.
- ↑ Gazetter Of Tamil Nadu Pudukkottai District Gopala Krishna Gandhi. 1923. pp. 538.
- ↑ புதுக்கோட்டை சமஸ்தான வரலாறு. 1980. pp. [116].
- ↑ தஞ்சை மராட்டிய மன்னர் மோடி ஆவணத் தமிழாக்கமும குறிப்புரையும் (இரண்டாம் தொகுதி). 1989. pp. 116.