தேனி - காமராசர் பேருந்து நிலையம்

காமராசர் பேருந்து நிலையம் என்பது தேனி மாவட்டத் தலைநகரான தேனியில், தேனி - அல்லிநகரம் நகராட்சியால் கட்டப்பட்டுப் பராமரிக்கப்பட்டு வந்த பழைய பேருந்து நிலையமாகும். தேனி நகரில் 2014 ஆம் ஆண்டில் தேனி - கர்னல் ஜான் பென்னிகுயிக் பேருந்து நிலையம் என்ற புதிய பேருந்து நிலையம் அமைக்கப்பட்டுத் திறக்கப்பட்ட பின்பு, அனைத்து ஊர்களுக்குமான பேருந்துகள், புதிய பேருந்து நிலையத்திலிருந்து இயக்கப்பட்டதுடன், பழைய பேருந்து நிலையமான காமராசர் பேருந்து நிலையம் செயல்படாமல் முடக்கி வைக்கப்பட்டது.

அதன் பிறகு, தேனியிலிருந்து போடி மற்றும் கம்பம் வழியாகச் செல்லும் பேருந்துகள் பழைய பேருந்து நிலையப் பகுதிக்கு வந்து செல்ல வேண்டியிருந்ததால், பழைய பேருந்து நிலையமான காமராசர் பேருந்து நிலையம், பேருந்து முனையமாக மாற்றம் செய்யப்பட்டது.