கீரவாணி
கீரவாணி (Keeravani) என்பது கருநாடக இசையில் 21வது மேளகர்த்தா இராகம். அசம்பூர்ண மேள பத்ததியில் இந்த இராகத்தின் பெயர் கிரணாவளி. விரிவான ஆலாபனைக்கு இடம் கொடுப்பதுடன், பக்தி சுவையையும் வெளிப்படுத்தும். எப்போதும் பாடலாம்.[1][2]
இலக்கணம்[தொகு]
| ஆரோகணம்: | ஸ ரி2 க2 ம1 ப த1 நி3 ஸ் |
| அவரோகணம்: | ஸ் நி3 த1 ப ம1 க2 ரி2 ஸ |
- வேத என்றழைக்கப்படும் 4வது சக்கரத்தில் 3வது மேளம்.
- இந்த இராகத்தில் ஷட்ஜம், சதுஸ்ருதி ரிஷபம்(ரி2), சாதாரண காந்தாரம்(க2), சுத்த மத்திமம்(ம1), பஞ்சமம், சுத்த தைவதம் (த1) , காகலி நிஷாதம் (நி3) ஆகிய சுரங்கள் வருகின்றன.
சிறப்பு அம்சங்கள்[தொகு]
- பிரதியாகத கமகம் இந்த இராகத்தின் சாயலை நன்கு வெளிப்படுத்தும்.
- இதன் மத்திமத்தை பிரதி மத்திமாக மாற்றினால் இராகம் சிம்மேந்திரமத்திமம் ஆகும்.
- இது ஒரு மூர்ச்சனாகாரக மேளம். இதன் மத்திமம், பஞ்சமம், தைவதம் முறையே கிரக பேதத்தின் வழியாக ஹேமவதி (58), வகுளாபரணம் (14), கோசலம் (71) இராகங்கள் கொடுக்கும்.
- மேல்நாட்டு இசையில் ஹார்மோனிக் மைனர் (Harmonic Minor Scale) என்பது கீரவாணி இராகமே.
உருப்படிகள்[தொகு]
- கிருதி : கலிகியுண்டேகதா : ஆதி : தியாகராஜ சுவாமிகள்.
- கிருதி : இன்னமும் சந்தேக :மிஸ்ர சாபு : கோபாலகிருஷ்ண பாரதியார்
- கிருதி : தேவி நீயே : ஆதி : பாபநாசம் சிவன்.
- கிருதி : வேலவா வினை தீர : மிஸ்ர ஜம்பை : கோடீஸ்வர ஐயர்.
- கிருதி : உனை நம்பினேன் ஐயா : ஆதி : முத்துத் தாண்டவர்.
ஜன்ய இராகங்கள்[தொகு]
கீரவாணியின் ஜன்ய இராகங்கள் இவை.
- குலபூஷணி
- சாமந்தசாளவி
- கல்யாணவசந்தம்
- நாகதீபரம்
- ரிஷிப்பிரியா
- உகவாணி
- சந்திரிகா
- சிவிகா
- பானுப்பிரியா
- ஸ்ரோத்தஸ்வினி
- கதரம்
திரையிசைப் பாடல்கள்[தொகு]
கீரவாணி இராகத்தில் அமைந்த சில திரையிசைப் பாடல்கள்:
- " பாட்டு பாடவா பாடம் சொல்லவா... " -
- " போவோமா ஊர்கோலம்... " - சின்னத்தம்பி
- " என்னைத் தாலாட்ட வருவாளா... " - காதலுக்கு மரியாதை
- " நெஞ்சுக்குள்ளே இன்னாரென்று... "- பொன்னுமணி
- " கீரவாணி... "- பாடும் பறவைகள்
- " மாங்குயிலே... "- கரகாட்டக்காரன்
- எவனோ ஒருவன்-அலைபாயுதே