எல்முட் கோல்
ஹெல்முட் கோல் Helmut Kohl | |
|---|---|
 | |
| செருமனியின் அரசுத்தலைவர் (மேற்கு செருமனி 1990 வரை) | |
| பதவியில் 1 அக்டோபர் 1982 – 27 அக்டோபர் 1998 | |
| முன்னையவர் | எல்முட் சிமித் |
| பின்னவர் | கெர்ஃகாத் சுரோடர் |
| ரைன்லாந்து-பலத்தினேட் மாநில முதலமைச்சர் | |
| பதவியில் 19 மே 1969 – 2 திசம்பர் 1976 | |
| முன்னையவர் | பீட்டர் ஆல்ட்மெயர் |
| பின்னவர் | பெர்னார்ட் வோகல் |
| தனிப்பட்ட விவரங்கள் | |
| பிறப்பு | எல்முட் யோசப் மைக்கேல் கோல் 3 ஏப்ரல் 1930 லுத்விக்சாஃபென், செருமனி |
| இறப்பு | 16 சூன் 2017 (அகவை 87) ஒகர்சைம், செருமனி[1] |
| அரசியல் கட்சி | கிறித்தவ சனநாயக ஒன்றியம் |
| துணைவர்(s) | அன்னலோர் ரென்னர் (தி. 1960–2001; மறைவு) மைக் ரிக்டர் (தி. 2008–2017) |
| பிள்ளைகள் | 2 |
| முன்னாள் கல்லூரி | ஐடல்பேர்க் பல்கலைக்கழகம் |
| கையெழுத்து |  |
எல்முட் யோசப் மைக்கேல் கோல் (Helmut Josef Michael Kohl, 3 ஏப்ரல் 1930 – 16 சூன் 2017) செருமானிய அரசியல்வாதியாவார். இவர் 1982 முதல் 1998 வரை மேற்கு செருமனியின் அரசுத்தலைவராகவும், பின்னர் 1990 முதல் 1998 வரை ஒன்றுபட்ட செருமனியின் அரசுத்தலைவராகவும் பதவியில் இருந்தவர். 1972 முதல் 1998 வரை கிறித்தவ சனநாயக ஒன்றியக் கட்சியின் தலைவராகப் பணியாற்றியவர். 1969 முதல் 1976 வரை மேற்கு செருமனியின் ரைன்லாந்து-பலத்தினேட் மாநில முதலமைச்சராகப் பதவியில் இருந்தார்.
ஒட்டோ ஃபொன் பிஸ்மார்க்கிற்குப் பின்னர் அதிக காலம் (16 ஆண்டுகள்) அரசுத்தலைவராகப் பதவி வகித்தவர் கோல் ஆவார். பனிப்போரின் இறுதிக்கட்ட காலத்தில் பதவியில் இருந்த கோல் செருமானிய மீளிணைவிற்குப் பெரும்பங்காற்றியிருந்தார். பிரான்சிய அரசுத்தலைவர் பிரான்சுவா மித்தரானுடன் இணைந்து ஐரோப்பிய ஒன்றியத்தையும் யூரோ நாணயத்தையும் உருவாக்க உதவிய மாஸ்ட்ரிக்ட் ஒப்பந்தத்தில் கையெழுத்திட்ட தலைவர்களில் இவரும் ஒருவர்.[2]
மேற்கோள்கள்[தொகு]
- ↑ "German reunification architect Helmut Kohl dies at 87". 16-06-2017. பார்க்கப்பட்ட நாள் 17-07-2017 – via www.bbc.com.
{{cite web}}: Check date values in:|accessdate=and|date=(help) - ↑ Chambers, Mortimer (2010). The Western Experience (10th ). New York: McGraw-Hill Higher Education. பன்னாட்டுத் தரப்புத்தக எண்:978-0077291174. இணையக் கணினி நூலக மையம்:320804011.