பிரான்சு பெக்கென்போவர்
.jpg) 1975 இல் பெக்கன்பாவர் | |||
| சுய தகவல்கள் | |||
|---|---|---|---|
| முழுப் பெயர் | பிரான்சு அந்தோன் பெக்கென்போவர் | ||
| பிறந்த நாள் | 11 செப்டம்பர் 1945 | ||
| பிறந்த இடம் | மியூனிக், செருமனி | ||
| இறந்த நாள் | 7 சனவரி 2024 (அகவை 78) | ||
| இறந்த இடம் | சால்சுபூர்க், ஆத்திரியா | ||
| உயரம் | 1.81 மீ | ||
| ஆடும் நிலை(கள்) | தடுப்பாட்டம் | ||
| இளநிலை வாழ்வழி | |||
| 1951–1959 | 1906 மியூனிக் | ||
| 1959–1964 | பயர்ன் மியூனிக் | ||
| முதுநிலை வாழ்வழி* | |||
| ஆண்டுகள் | கழகம் | தோற். | (கோல்) |
| 1964–1977 | பயர்ன் மியூனிக் | 427 | (60) |
| 1977–1980 | நியூயார்க் கொசுமசு | 80 | (17) |
| 1980–1982 | ஆம்பர்கர் | 28 | (0) |
| 1983 | நியூயர்க் கொசுமசு | 25 | (2) |
| மொத்தம் | 560 | (79) | |
| பன்னாட்டு வாழ்வழி | |||
| 1964 | மேற்கு செருமனி இளையோர் | 3 | (3) |
| 1965 | மேற்கு செருமனி பி | 2 | (0) |
| 1965–1977 | மேற்கு செருமனி | 103 | (14) |
| மேலாளர் வாழ்வழி | |||
| 1984–1990 | மேற்கு செருமனி | ||
| 1990–1991 | மர்சேல் | ||
| 1993–1994 | பயர்ன் மியூனிக் | ||
| 1996 | பயர்ன் மியூனிக் | ||
| *கழக உள்ளூர் சுற்றுப் போட்டிகள் தோற்றங்களும் கோல்களும் அன்று சேகரிக்கப்பட்டது. | |||
பிரான்சு பெக்கென்போவர் (Franz Anton Beckenbauer, டாய்ச்சு ஒலிப்பு: [fʁants ˈʔantoːn ˈbɛkn̩ˌbaʊɐ] (
கேட்க); 11 செப்டம்பர் 1945 – 7 சனவரி 2024) என்பவர் செருமனியத் தொழில்முறை காற்பந்தாட்ட வீரரும், மேலாளரும் ஆவார். "டெர் கைசர்" ("பேரரசர்") என்ற புனைபெயர் கொண்ட பெக்கென்போவர், வரலாற்றில் சிறந்த கால்பந்து வீரர்களில் ஒருவராகக் கருதப்படுகிறார்.[1][2] பெக்கென்போவர் ஒரு பல்துறை வீரராக இருந்தார், தொடக்கத்தில் நடுக்கள வீரராக விளையாடியவர், பின்னர் நடுத் தடுப்பாட்ட வீரராக மாறினார்.[3] உள்ளூர் மற்றும் பன்னாட்டு அளவில் வெற்றிகளை ஈட்டியதுடன், உலகக்கோப்பை காற்பந்து, யூஈஎஃப்ஏ வாகையர் கூட்டிணைவு, பலோன் டி'ஓர் ஆகியவற்றை வென்ற ஒன்பது வீரர்களில் இவரும் ஒருவராகத் திகழ்ந்தார்.[4]
சிறந்த ஐரோப்பிய வீரருக்கான வருடாந்திர விருதினை இரண்டு முறை இவர் வென்றுள்ளார். மேற்கு ஜெர்மனி தேசிய அணிக்காக 103 போட்டிகளில் விளையாடியுள்ளார். மேலும் மூன்று முறை உலகக் கோப்பை கால்பந்து தொடர்களிலும் விளையாடியுள்ளார். இவர் உலகக்கோப்பையை அணி தலைவராகவும் அணியின் மேலாளராகவும் வென்றுள்ளார். 1974 ஆம் ஆண்டு ஜெர்மனியில் நடந்த உலக கோப்பை போட்டியில் அணித்தலைவராக விளையாடி இவர் கோப்பையை வென்றுள்ளார். 1990ஆம் ஆண்டு மேற்கு ஜெர்மனி அணியின் மேலாக பணியாற்றி மேலும் ஒரு முறை உலகக்கோப்பையை வென்றார். தேசிய அணிக்காக விளையாடி உலக கோப்பை, ஐரோப்பிய கோப்பை மற்றும் குழும அணிக்காக விளையாடி ஐரோப்பிய கோப்பை ஆகியவற்றை வென்ற முதல் அணித்தலைவர் இவரே ஆவார்.
இவர் குழும அளவில் பேயர்ன் முனிச் அணிக்காக 1967ம் ஆண்டு, 1974 முதல் 1976 வரை ஆகிய நான்கு ஆண்டுகளில் ஐரோப்பிய கோப்பையை வென்றுள்ளார். பிற்காலங்களில் பேயர்ன் முனிச் அணியின் மேலாளராக பணியாற்றி, மேலும் அக்குழுவின் தலைமைப் பொறுப்பிலும் இவர் பணியாற்றியுள்ளார்.
தற்போது ஜெர்மனிய மற்றும் உலக கால்பந்து அரங்கில் செல்வாக்கு மிகுந்த நபராக இவர் கருதப்படுகிறார். 2006 ஆம் ஆண்டு ஜெர்மனியில் நடந்த உலக கோப்பை போட்டிகளுக்கான ஒருங்கிணைப்புக் குழுவின் தலைவராகவும் இவர் செயல்பட்டார்.
இளமைக்காலம்[தொகு]
ஃப்ரான்ஸ் பெக்கன்பேவர் இரண்டாம் உலகப்போருக்கு பிந்தைய முனிச் நகரில் ஃப்ரான்ஸ் பெக்கன்பேவர் சீனியருக்கும் ஆண்டோனி என்பவருக்கும் மகனாக 1945ஆம் ஆண்டு பிறந்தார். இவர் பிறந்த பகுதியில் உழைக்கும் வர்க்கத்தினர் அதிகமாக இருந்தனர். இவரது தந்தைக்கு கால்பந்து விளையாட்டின் மீது வெறுப்பு இருந்தபோதிலும் இவர் தனது 9 வயது முதல் கால்பந்து போட்டிகளில் விளையாட ஆரம்பித்தார். 1964 ஆம் ஆண்டு முதல் பேயர்ன் முனிச் அணிக்கு விளையாட ஆரம்பித்தார்.
பேயர்ன் முனிச்[தொகு]
இவர் சேர்ந்த ஆண்டு முதல் பேயர்ன் முனிச் அணி சிறப்பாக விளையாட ஆரம்பித்தது. இரண்டாம் நிலையில் இருந்து முதல்நிலை போட்டிகளுக்கு அந்த அணி தேர்வானது. 1967 ஆம் ஆண்டு ஜெர்மனிய கோப்பையும் ஐரோப்பிய அளவிலான கோப்பையையும் இந்த அணி வென்றது. 1968 ஆம் ஆண்டு இவர் அந்த அணிக்கு தலைவராக அறிவிக்கப்பட்டார். 1972 முதல் 1974 வரை ஜெர்மனிய கோப்பைகளையும், 1974 முதல் 1976 வரை ஐரோப்பிய அளவிலான கோப்பைகளையும் அணித் தலைவராக இருந்து வெற்றி பெற்றார். இவரைப் பெருமைப்படுத்தும் விதமாக ரசிகர்களும் ஊடகங்களும் 1968ஆம் ஆண்டு முதல் "பேரரசர்' எனும் புனைப் பெயர் இட்டு இவரை கொண்டாடினர்.
1977ம் ஆண்டு மிகவும் லாபகரமான ஒப்பந்தத்தின் மூலம் அமெரிக்காவில் உள்ள நியூயார்க் அணிக்காக விளையாடினார். அந்த அணியிலும் சிறப்பான ஆட்டத்தை வெளிப்படுத்தி 1978 முதல் 1980 வரை மூன்று ஆண்டுகளுக்கு அந்த அணி கோப்பையை வெல்வதற்கு உறுதுணையாக இருந்தார். அதன்பிறகு ஜெர்மனியைச் சேர்ந்த ஹாம்பர்க் அணிக்காக 2 ஆண்டுகள் விளையாடினார். 1982 ஆம் ஆண்டு அந்த அணி ஜெர்மனிய கோப்பையை வென்றது. மொத்தம் 587 குழும ஆட்டங்களில் விளையாடி உள்ளார். அவைகளில் 81 கோல்களை இவர் அடித்துள்ளார்.
ஜெர்மனிய தேசிய அணி[தொகு]
தேசிய அணிக்காக இவர் 103 ஆட்டங்களில் விளையாடி உள்ளார். அதில் 1966, 1970 மற்றும் 1974 ஆம் ஆண்டு நடந்த உலக கோப்பை போட்டிகளும் அடங்கும். 1966 உலகக்கோப்பையில் ஜெர்மனி அணி இரண்டாம் இடத்தை பிடித்தது. 1970ஆம் ஆண்டு நடந்த உலக கோப்பையில் ஜெர்மனிய அணி மூன்றாம் இடத்தை பிடித்தது. 1974-ஆம் ஆண்டு நடந்த உலகக் கோப்பையை ஜெர்மனி அணி இவரின் தலைமையில் வெற்றி பெற்றது. இந்த 3 உலகக் கோப்பை போட்டிகளிலும் இவர் சிறந்த வீரர்களுள் ஒருவராக கருதப்பட்டார். மேலும் ஐரோப்பிய அளவிலான சர்வதேச போட்டிகளில் 1972 ஆம் ஆண்டு ஜெர்மனி அணி வெற்றி பெற்றது. 1976 ஆம் ஆண்டு ஜெர்மனி அணி இரண்டாம் இடத்தை பிடித்தது.
கால்பந்து அணி மேலாளர்[தொகு]
ஜெர்மனி தேசிய அணியின் மேலாளராக பணியாற்றி 1986ஆம் ஆண்டு நடந்த உலக கோப்பை போட்டியில் இரண்டாம் இடமும் 1990ஆம் ஆண்டு நடந்த உலக கோப்பை போட்டியில் வெற்றியும் பெறுவதற்கு இவர் பங்களிப்பு நல்கினார். பிறகு குழும அளவில் பிரான்ஸ் நாட்டைச் சேர்ந்த மார்ஸைல் அணிக்கு மேலாளராக பணியாற்றி 1991 ஆம் ஆண்டு அந்த அணி பிரான்ஸ் நாட்டின் கோப்பையை வெல்வதற்கு துணை புரிந்தார். 1994 மற்றும் 1996 ஆண்டுகளில் பேயர்ன் முனிச் அணிக்கு இவர் மேலாளராக பணியாற்றிய காலத்தில் அந்த அணி ஒரு ஜெர்மனிய கோப்பையும் ஒரு ஐரோப்பிய அளவிலான கோப்பையையும் வென்றது. அதன்பிறகு பேயர்ன் முனிச் குழு மற்றும் ஜெர்மனிய கால்பந்து சங்கத்தின் தலைமை பொறுப்புகளிலும் இவர் பணியாற்றினார்.
மேற்கோள்கள்[தொகு]
- ↑ "Der Kaiser, the brains behind Germany". பன்னாட்டுக் காற்பந்துச் சங்கங்களின் கூட்டமைப்பு. Archived from the original on 9 April 2016. பார்க்கப்பட்ட நாள் 24 July 2009.
- ↑ Lawton, James (3 June 2006). "Franz Beckenbauer: The Kaiser". The Independent (UK) இம் மூலத்தில் இருந்து 27 February 2010 அன்று. பரணிடப்பட்டது.. https://web.archive.org/web/20100227094958/http://www.independent.co.uk/news/people/profiles/franz-beckenbauer-the-kaiser-480839.html.
- ↑ "Franz Beckenbauer bio". ifhof.com – International Football Hall of Fame. Archived from the original on 20 May 2012. பார்க்கப்பட்ட நாள் 29 March 2008.
- ↑ Chakraborty, Sushan (2022-12-21). "9 legends who have won the FIFA World Cup, UEFA Champions League, and Ballon d'Or". www.sportskeeda.com (in பிரிட்டிஷ் ஆங்கிலம்). பார்க்கப்பட்ட நாள் 2024-01-08.
வெளி இணைப்புகள்[தொகு]
| பன்னாட்டு | |
|---|---|
| தேசிய | |
| கல்விசார் | |
| கலைஞர் | |
| மக்கள் | |
| மற்றவை | |
