ஜனா கிருஷ்ணமூர்த்தி
ஜனா கிருஷ்ணமூர்த்தி | |
|---|---|
 | |
| முன்னாள் மத்திய சட்ட அமைச்சர் | |
| பிரதமர் | அடல் பிகாரி வாஜ்பாய் |
| முன்னாள் தலைவர் பாரதிய ஜனதா கட்சி | |
| முன்னையவர் | பங்காரு லக்ஷ்மண் |
| பின்னவர் | வெங்கையா நாயுடு |
| தனிப்பட்ட விவரங்கள் | |
| பிறப்பு | 24 மே 1928 மதுரை, தமிழ்நாடு இந்தியா  |
| இறப்பு | செப்டம்பர் 25, 2007 சென்னை, தமிழ்நாடு, இந்தியா |
| அரசியல் கட்சி | பாரதிய ஜனதா கட்சி |
| தொழில் | வழக்குரைஞர் |
ஜனா கிருஷ்ணமூர்த்தி தமிழ்நாட்டைச் சேர்ந்த ஒரு அரசியல் பிரமுகர். இவர் 2001-2002-ம் ஆண்டு காலத்தில் பாரதிய ஜனதா கட்சியின் தலைவராக இருந்தார். நாடாளுமன்ற உறுப்பினராகவும், மத்திய சட்ட அமைச்சராகவும் இருந்திருக்கிறார். காமராசருக்கு அடுத்து இதுவரை தேசியக் கட்சி ஒன்றிற்கு தலைவராக இருந்த தமிழர் ஜனா கிருஷ்ணமூர்த்தி மட்டுமே.
ஆரம்பகால வாழ்க்கை[தொகு]
கிருஷ்ணமூர்த்தி மதுரையில் பிறந்தவர், இவரது தாய்மொழி தமிழாகும். சென்னை சட்டக்கல்லூரியின் மாணவரான இவர் தனது சட்டப் பயிற்சியை மதுரையில் 1965-ல் மேற்கொண்டார். ஆர்எஸ்எஸ்-ன் அப்போதைய தலைவரான எம். எஸ். கோல்வால்கார் இவரை அரசியலுக்கு அழைத்து வந்தார்[சான்று தேவை].