சுப்பராமன் விஜயலட்சுமி
| Subbaraman Vijayalakshmi | |
|---|---|
 | |
| நாடு |  இந்தியா |
| பிறப்பு | 25 மார்ச்சு 1979 Madras |
| பட்டம் | International Master Woman Grandmaster |
| உச்சத் தரவுகோள் | 2485 (October 2005) |
சுப்பராமன் விஜயலட்சுமி (பிறப்பு: மார்ச் 25, 1979) ஒரு இந்திய சதுரங்க வீரர் ஆவார். இவர் சர்வதேச மாஸ்டர் மற்றும் வுமன் கிராண்ட்மாஸ்டர் ஆகியோரின் சர்வதேச சதுரங்க ஆட்டத்திற்கான அமைப்பு வழங்கியுள்ள பல பட்டங்களை பெற்றுள்ளார். இந்த பட்டங்களை அடைந்த இந்திய நாட்டின் முதல் பெண் வீரர் இவர்.[1] செஸ் ஒலிம்பியாட்சில் இந்தியாவுக்காக வேறு எந்த வீரரையும் விட அதிக பதக்கங்களை வென்றுள்ளார். மூத்த ஆட்டக்காரர் உட்பட கிட்டத்தட்ட அனைத்து தேசிய வயதுப் பட்டங்களையும் வென்றுள்ளார்.
இளமை[தொகு]
தமிழ்நாட்டிலுள்ள சென்னையில் 1979- ஆம் ஆண்டு மார்ச்சு 25 ஆம் தேதி பிறந்தவர். [2] அவர் தனது தந்தையிடமிருந்து சதுரங்க விளையாட்டைக் கற்றுக்கொண்டார். அவர் இந்திய கிராண்ட்மாஸ்டர் ஸ்ரீராம் ஜாவை மணந்தார். அவரது சகோதரிகள் சுப்பராமன் மீனாட்சி (பிறப்பு 1981), எஸ். பானுப்ரியா ஆகியோரும் சதுரங்க வீரர்கள் ஆவர்.[1]
தொழில்[தொகு]
அவரது முதல் போட்டி 1986 இல் டால் செஸ் ஓபன் ஆகும். 1988 மற்றும் 1989 இல் யு 10 பெண்கள் பிரிவில் இந்திய வாகைப்பட்டத்தை வென்றார். யு 12 பிரிவிலும் அவர் இரண்டு முறை வென்றார்.
சென்னையில் நடந்த மண்டலப் போட்டியில் (1995) அவர் இரண்டாவது இடத்தைப் பிடித்தார். 1997 ஆம் ஆண்டில் தெஹ்ரானிலும், 1999 இல் மும்பையிலும் நடந்த ஆசிய மண்டல போட்டிகளில் வென்றார். 1996 இல் கொல்கத்தாவில் அவர் காமன்வெல்த் மகளிர் வாகையாளராவார். 2003 இல் மும்பையில் மீண்டும் வென்றார். [3] விஜயலட்சுமி 1995 (மெட்ராஸ்), 1996 (கொல்கத்தா), 1999 ( கோழிக்கோடு ), 2000 (மும்பை), 2001 ( புது தில்லி ) மற்றும் 2002 ( இலக்னோ ) ஆகியவற்றில் இந்திய மகளிர் வாகையாளர் பட்டம் வென்றார். அவர் 1998 இல் இந்திய தேசிய அணியுடன் மகளிர் செஸ் ஒலிம்பியாட் போட்டியில் பங்கேற்றார். 2000 ஆம் ஆண்டில் இஸ்தான்புல்லில் நடந்த 34 வது செஸ் ஒலிம்பியாட் போட்டியில், போர்டு 1 இல் தனது ஆட்டத்திற்கான வெள்ளிப் பதக்கம் பெற்றார்; பிளட் 2002 இல் மீண்டும் இப்பதக்கம் பெற்றார். 2007 ஆம் ஆண்டில், இத்தாலியின் கட்ரோவில் லியோனார்டோ டி போனா நினைவுக் கோப்பையை வென்றார்.
1996 ஆம் ஆண்டில் சென்னையில் நடந்த FIDE மண்டல போட்டியில் அவர் பெற்ற வெற்றிக்கு வுமன் இன்டர்நேஷனல் மாஸ்டர் (WIM) பட்டம் வழங்கப்பட்டது. [4] 2001 ஆம் ஆண்டில், வுமன் கிராண்ட்மாஸ்டர் (WGM) பட்டத்தை அடைந்த முதல் இந்தியரானார். செஸ் ஒலிம்பியாட் 2000 இல் அவர் பெற்ற முடிவுகளுக்கு நன்றிதெரிவித்து, சர்வதேச மாஸ்டர் (ஐஎம்) பட்டத்தை வழங்கியது. ஐ.எம் ஆன முதல் இந்திய வீரர் விஜயலட்சுமியாவார்.
2016 ஆம் ஆண்டில் விஜயலட்சுமி 8 வது சென்னை ஓபனில் ரஷ்ய கிராண்ட்மாஸ்டர் போரிஸ் கிராச்சேவுடன் 2 - 3 வது இடத்தைப் பிடித்தார். [5]
விருதுகள் மற்றும் அங்கீகாரம்[தொகு]
2001 ல் இந்திய அரசு அவருக்கு அர்ஜுனா விருதை வழங்கியது .[2]
குறிப்புகள்[தொகு]
- ↑ Sagar Shah (25 March 2015). "Vijayalakshmi, India's first WGM". ChessBase. பார்க்கப்பட்ட நாள் 6 November 2015.
- ↑ D.K. Bharadwaj (13 May 2003). "A big boom in the brain game". Press Information Bureau, Government of India.
- ↑ Crowther, Mark (28 April 2003). "TWIC 442: Commonwealth Chess Championships". The Week in Chess. பார்க்கப்பட்ட நாள் 22 February 2016.
- ↑ Arvind Aaron (29 July 2000). "Steering women's chess to the fast lane". The Hindu. பார்க்கப்பட்ட நாள் 22 February 2016.
- ↑ "8th Chennai Open International Grandmaster Chess tournament 2016". FIDE. 27 January 2016.