வால்

கட்டற்ற கலைக்களஞ்சியமான விக்கிப்பீடியாவில் இருந்து.
ஒரு சிங்கத்தின் வால்

வால் என்பது குறிப்பிட்ட சில வகை விலங்குகளின் உடலில் அவற்றின் முதுகுப் பக்கத்தின் தொடர்ச்சியாக இருக்கும் வளையும் தன்மையுடைய உறுப்பினைக் குறிக்கும். வால் என்பது பெரும்பாலும் முதுகெலும்புள்ள விலங்குகளான பாலூட்டிகள், பறவைகள் போன்றவற்றில் காணப்பட்டாலும் முதுகெலும்பில்லாத தேள் போன்ற சில உயிரினங்களுக்கும் வால் உண்டு.

செயல்பாடு[தொகு]

வாலைப் போர்வை போலப் பயன்படுத்தித் தூங்கும் ஒரு ஆர்க்டிக்கு நரி (Vulpes lagopus)

விலங்குகளின் வால்கள் பல்வேறு விதங்களில் பயன்படுகின்றன. மீன் முதலான நீரில் வாழும் சில உயிரினங்கள் வாலினை நீந்துவதற்குப் பயன்படுத்துகின்றன.[1] மாடு போன்ற விலங்குகளில் அவற்றின் உடலில் அமர்ந்திருக்கும் பூச்சிகளை விரட்ட வால் உதவுகின்றது.[2] பூனை, கங்காரு போன்ற விலங்குகளில் வால் அவ்விலங்குகள் நடக்கையில் விழாமல் இருக்க ஏதுவாக உடல் எடையை நடுநிலையாக வைக்க உதவுகிறது.[3][4] குரங்குகள் போன்ற விலங்குகள் ஒரு மரத்தில் இருந்து இன்னொரு மரத்திற்குத் தாவும் போது கிளைகளைப் பற்றிக்கொள்ள வால் பயன்படுகிறது.[5]

வால்கள் விலங்குக் கூட்டங்களில் சில குறியீடுகளைக் (signal) காட்டவும் உதவுகின்றன. மான்கள் அவற்றின் வாலின் வெண்ணிறமான உட்புறத்தைக் காட்டுவதன் மூலம் மற்ற மான்களுக்கு ஆபத்தினைத் தெரியப்படுத்துகின்றன. நாய்கள் தங்கள் உணர்ச்சிகளை வாலின் மூலமாக வெளிப்படுத்துகின்றன.[6] தேளானது தனது வாலில் நஞ்சினைக் கொண்டுள்ளது.

பறவைகள் பறக்கும் போது திசையை மாற்ற வால்கள் பயன்படுகின்றன. சந்திரவாசி என்றழைக்கப்படும் அழகான வாலினைக் கொண்ட பறவைகள் தங்கள் இணையைத் தேட வால் உதவுகிறது.[7] குதிரை போன்ற மேயும் விலங்குகளின் வால் அவற்றைக் கடிக்கும் பூச்சிகளை விரட்டவும் அவற்றின் உணர்ச்சியினை வெளிப்படுத்தவும் உதவுகிறது.

பல்லி போன்றன தற்காப்புக்காக வாலை தன்னிச்சையாக இழந்து (சுய ஊனம்) எதிரியைத் திசைதிருப்புகின்றன.

படத்தொகுப்பு[தொகு]

மேற்கோள்கள்[தொகு]

  1. Robert W. Blake (26 May 1983). Fish Locomotion. CUP Archive. பக். 143. பன்னாட்டுத் தரப்புத்தக எண்:978-0-521-24303-2. https://books.google.com/books?id=M7E8AAAAIAAJ&pg=PA143. 
  2. Gilbert WALDBAUER; Gilbert Waldbauer (30 June 2009). What Good Are Bugs? Insects in the Web of Life. Harvard University Press. பக். 253. பன்னாட்டுத் தரப்புத்தக எண்:978-0-674-04474-6. https://books.google.com/books?id=Vis8XubJ_-QC&pg=PA253. 
  3. Outwitting Cats: Tips, Tricks and Techniques for Persuading the Felines in Your Life That What You Want Is Also What They Want. Rowman & Littlefield. பக். 21. பன்னாட்டுத் தரப்புத்தக எண்:978-1-59921-625-6. https://books.google.com/books?id=WmuQQXU6EtAC&pg=PA21. 
  4. Byron Dawson (2003). The Heinemann Science Scheme. Heinemann. பக். 125. பன்னாட்டுத் தரப்புத்தக எண்:978-0-435-58332-3. https://books.google.com/books?id=SDm82kL--uoC&pg=PT125. 
  5. Melissa Stewart (1 January 2007). New World Monkeys. Lerner Publications. பக். 11. பன்னாட்டுத் தரப்புத்தக எண்:978-0-8225-6765-3. https://books.google.com/books?id=iUnDmeI3B1IC&pg=PA11. 
  6. Stanley Coren; Sarah Hodgson (15 February 2011). Understanding Your Dog For Dummies. John Wiley & Sons. பக். 250. பன்னாட்டுத் தரப்புத்தக எண்:978-1-118-05276-1. https://books.google.com/books?id=nzAsR5VPXkgC&pg=PA250. 
  7. Exploring Life Science. Marshall Cavendish. 2000. பக். 731. பன்னாட்டுத் தரப்புத்தக எண்:978-0-7614-7145-5. https://books.google.com/books?id=CohEayeiw4sC&pg=PA731. 
"https://ta.wikipedia.org/w/index.php?title=வால்&oldid=2750106" இலிருந்து மீள்விக்கப்பட்டது