மீட் ஐயர்

சார்லட் மீட் ஐயர் 1792 ஆம் ஆண்டு அக்டோபர் மாதம் 1 ஆம் நாள் பிரிஷ்டல் (Bristol) என்னுமிடத்தில் பிறந்தார். 1818 ஆம் ஆண்டு லண்டன் மிஷனரி சங்கத்தின் அருட்பணியாளராக தென் திருவிதாங்கூரிலுள்ள நாகர்கோவிலுக்கு வந்தார். சீர்திருத்தக் கிறித்தவ சமயத் தொண்டரான மீட் கிறித்தவ பெண்கள் தங்கள் மார்பகங்களை மறைக்க வேண்டும் என்று அறிவுறுத்தினார்.கிறித்தவ பெண்கள் தங்கள் மார்பகங்களை மறைக்க மேலாடையை பயன்படுத்தினர். இதனால் மேல் சாதியினர் கலவரம் செய்தனர். மே மாதம் 1822 ஆம் வருடம் கல்குளம் மற்றும் இரணியல் பகுதிகளில் பிரச்சனைகள் உருவாயின. மீட் ஐயர் ஆங்கிலேய தளபதி கார்னல் நேவால் என்பவருக்கு இச் சம்பவங்களைப் பற்றி விரிவாக கடிதம் எழுதினார். இதன் பயனாக ஆங்கிலேய தளபதி கார்னல் நேவால் பத்மநாபபுரம் நீதிமன்ற விசாரனைக்கு உத்தரவிட்டார். 1823 ஆம் ஆண்டு வெளியிடப்பட்ட நீதிமன்ற உத்தரவுப்படி சீர்திருத்தக் கிறித்தவர்களுக்கு மட்டும் குப்பாயம் என்ற உடையை அணியலாம் என்று தீர்ப்ளிக்கப்பட்டது. ஆனால் 1929 ஆம் ஆண்டு மேலாடை அணிய உரிமை மறுக்கப்பட்டது. உயர் சாதியினரால் அநேக பெண்கள் கொடுமைப்படுத்தப்பட்டனர். சார்லட் மீட் ஐயர் வேதனைகளை சகித்த மக்களை உற்சாகப்படுத்தி, அவர்கள் மேலாடை அணிய உரிமை கோரி போராட்டங்கள் நடத்தினார். மேலாடை கலகத்தின் வழியாக 1859 ஆம் ஆண்டு நிரந்தரமான விடுதலை வாங்கி தந்தவர் சார்லட் மீட் ஐயர். 1873 ஆம் ஆண்டு January 19 ஆம் நாள் மரணமடைந்தார்.