சிட்ரிக் அமில சுழற்சி

சிட்ருலின் சுழற்சி ஒரு மீள்பார்வை

சிட்ருலின் சுழற்சி (Citrulline cycle) (அ) டிரை கார்பாக்சிலிக் அமில (TCA) சுழற்சி என்னும் கிரெப்ஸ் சுழற்சியானது நொதிகளால் வினையூக்கப்பட்ட தொடர் வேதி வினைகளாகும். இச்சுழற்சி, உயிர்வளியை உயிரணு சுவாசித்தலுக்கு உபயோகப்படுத்தும் அனைத்து உயிரணுக்களிலும் முக்கியத்துவம் வாய்ந்ததாக உள்ளது.

சிட்ருலின் சுழற்சி நிகழ்முறையின் சுருக்கம்

• சிட்ரிக் அமில சுழற்சியின் முதல் படியில் இரு கார்பன் அசெடைல் தொகுதி, அசெட்டைல் துணைநொதி A - விலிருந்து நான்கு கார்பன் ஏற்புச் சேர்மம் ஆக்சலோஅசெடேட்டுக்கு மாற்றப்பட்டு ஆறு கார்பன் சிட்ரேட் உருவாகிறது.
• சிட்ரேட் பின்னர் தொடர் வேதிமாற்றங்களையடைந்து இரு கார்பாக்சில் தொகுதிகளை (ஆக்சலோஅசெடேட்டிலிருந்து, அசெட்டைல் துணைநொதி A கார்பனிலிருந்து இல்லை) கார்பன் டை ஆக்சைடாக இழக்கிறது. சிட்ரிக் அமில சுழற்சியின் முதல் சுற்றில் அசெட்டைல் துணைநொதி A கார்பன்கள் ஆக்சலோ அசெடேட்டின் கட்டமைப்பு கார்பனாக உள்ளது.
• இச்சுழற்சியில் ஆக்சிஜனேற்றத்தினால் உருவான சக்தியானது, சக்தி-நிறைந்த மின்னணுவாக NAD⁺ க்கு மாற்றம் செய்யப்பட்டு NADH உருவாகிறது. ஒவ்வொரு அசெடைல் தொகுதிக்கும் மூன்று NADH மூலக்கூறுகள் உருவாகிறது.
• மின்னணுகள், மின்னணு ஏற்பி "Q" -க்கும் மாற்றப்பட்டு "QH₂" உருவாகிறது.
• சுழற்சியின் முடிவில், ஆக்சலோஅசெடேட் மீளாக்கப்பட்டு சுழற்சி தொடர்கிறது.

சிட்ருலின் சுழற்சி வினைகள் அட்டவணை

படி	வினைபொருட்கள்	விளைபொருட்கள்	நொதிகள்	வினை வகைகள்	குறிப்புகள்
1	ஆக்சலோ அசெடேட் + அசெட்டைல் துணைநொதி A + H2O	சிட்ரேட்+ துணைநொதி A-SH	சிட்ரேட் தொகுப்பி	அல்டால் ஒடுக்கம்	மீளாநிலை, 4C ஆக்சலோஅசெடேட் - 6C மூலக்கூறாக நீட்டல்
2	சிட்ரேட்	ஒரு பக்க-அகோனிடேட் + H2O	அகோனிடேஸ்	நீரகற்றல்	மீளக்கூடிய மாற்றியமாக்கல்
3	ஒரு பக்க-அகோனிடேட் + H2O	ஐசோசிட்ரேட்		நீரேற்றம்
4	ஐசோசிட்ரேட் + NAD+	ஆக்சலோசக்சினேட் + NADH + H +	ஐசோசிட்ரேட் ஹைட்ரசன் நீக்கி	ஆக்சிஜனேற்றம்	NADH உருவாகிறது (= 2.5 ATP)
5	ஆக்சலோசக்சினேட்	α-கீட்டோ குளூடாரேட் + CO2		கார்பாக்சிலகற்றல்	வினை வீதவரம்பு, மீளாநிலை, 5C மூலக்கூறுகள் உருவாகிறது
6	α-கீட்டோ குளூடாரேட் + NAD+ + CoA-SH	சக்சினைல் துணைநொதி A + NADH + H+ + CO2	α-கீட்டோ குளூடாரேட் ஹைட்ரசன் நீக்கி	ஆக்சிஜனேற்ற கார்பாக்சிலகற்றல்	மீளாநிலை, NADH உருவாகிறது (= 2.5 ATP), 4C தொடரி மீளாக்கம் [துணைநொதி A (Co A) தவிர்க்கப்பட்டது]
7	சக்சினைல் துணைநொதி A + GDP + Pi	சக்சினேட் + CoA-SH + GTP	சக்சினைல் துணைநொதி A இணைப்பி	வினைபொருள் மட்டத்தில் பாஸ்ஃபோ ஏற்றம்	(அ) GDP→GTP-க்கு பதிலாக ADP→ATP ஒரு ATP (அ) அதற்குச் சமமான உருவாக்கம்
8	சக்சினேட் + யுபிகுவினோன் (Q)	ஃபியூமரேட் + யுபிகுவினோல் (QH2)	சக்சினேட் ஹைட்ரசன் நீக்கி	ஆக்சிஜனேற்றம்	நொதி FAD -அய் இணைத் தொகுதியாக பயன்படுத்துகிறது (வினையின் முதல் கட்டத்தில்: FAD→FADH2), = 1.5 ATP உருவாகிறது
9	ஃபியூமரேட்+ H2O	L-மேலேட்	ஃபியூமரேஸ்	நீரேற்றம்
10	L-மேலேட் + NAD+	ஆக்சலோ அசெடேட் + NADH + H+	மேலேட் ஹைட்ரசன் நீக்கி	ஆக்சிஜனேற்றம்	மீளக்கூடியது (வினையின் சமநிலை மேலேட்டிற்கு சாதகமாக உள்ளது), NADH உருவாகிறது (= 2.5 ATP)

கூடுதல் படங்கள்

• 
  சிட்ருலின் சுழற்சி
• 
  சிட்ருலின் சுழற்சி