கூகிள் குரோம்

கூகுள் குரோம்

கூகிள் குரோம் சின்னம்
படிமம்:GoogleChrome TamilWikipedia.png கூகிள் குரோம் உலாவியில் தமிழ் விக்கிபீடியா முதற்பக்கத் திரைக்காட்சி
உருவாக்குனர்	கூகுள்
தொடக்க வெளியீடு	வார்ப்புரு:Initial release
அண்மை வெளியீடு	1.0.154.36 / திசம்பர் 11 2008 (2008-12-11)
Preview வெளியீடு	2.0.170.0 / மார்ச்சு 17 2009 (2009-03-17)
மொழி	சி++,
இயக்கு முறைமை	மைக்ரோசாப்ட் விண்டோஸ், எக்ஸ்பி சேவைப் பொதி2, விஸ்டா; மாக் ஓஎஸ், லினக்ஸ் பதிப்புக்கள் விருத்தியில் உள்ளது.
கோப்பளவு	8.34 மெகாபைட்
கிடைக்கும் மொழி	43 மொழிகள் (தமிழ் மொழி விருத்தியில் உள்ளது)
உருவாக்க நிலை	உறுதியானது
மென்பொருள் வகைமை	இணைய உலாவி
உரிமம்	பி. எஸ். டி. உரிமம்
இணையத்தளம்	கூகிள் குரோம்

கூகிள் நிறுவனத்தால் உருவாக்கப்பட்ட கூகிள் குரோம் ஒரு திறமூல பல் இயங்குதள இணைய உலாவியாகும். பெப்ரவரி 2009 இன் படி பாவிக்கப்படும் உலாவிகளில் 1.15% ஆனவர்கள் இதைப் பாவிக்கின்றனர். வெப்கிட் இன் பாகங்களையும் மொசில்லா பயர்பாக்சின் வசதிகளையும் அடிப்படையாக கொண்டுள்ளது. குரோம், நிலைத்த, வேகமான, பாதுகாப்பு கூடிய, வினைத்திறனும் எளிமையும் மிக்க பயனர் இடைமுகத்தைக் கொண்டுள்ளதாகத் தெரிவிக்கிறது. இதன் விண்டோஸ் வெள்ளோட்டப் (பீட்டா) பதிப்பு, செப்டம்பர் 2, 2008 இல் வெளிவந்தது. இதன் உறுதியான முதலாவது பதிப்பானது11 டிசம்பர் 2008 இல் வெளிவந்தது. குரோம் என்ற பெயரானது உலாவியின் வரைகலை இடைமுகத்தில் Frame இற்குப் பாவிக்கப்படும் பெயராகும். இதன் இடைமுகம் இன்னமும் தமிழில்உட்பட 8 இந்திய மொழிகளுக்கான பதிப்பு விருத்தியில் உள்ளது. தற்பொழுது உலகின் 43 மொழிகளுக்கான ஆதரவுடன் வெளிவந்துள்ளது.

தொழில் நுட்பக் குறிப்புக்கள்

படிமம்:GoogleChromeTaskManager.PNG

கூகுள் குரோம் பணி மேலாளரின் திரைக் காட்சி

• இங்கே ஒவ்வொரு கீற்றுக்கும் அதனுடன் இணைந்த நீட்சிகளையும் தனிப்பட்ட பணியாகவே குரோம் கருதும். இதை குரோம் உலாவியில் Shift+Esc விசைகளை ஒருங்கே அழுத்துவதன் மூலம் பெற்றுக்கொள்ளலாம். தவிர உலாவியின் முகவரியில் about:memory என்பதன் மூலமும் மொத்த நினைவகத்தின் பாவனையை அறிந்து கொள்ளலாம்.

• பக்கம் ஒன்றைப் பார்வையிடும் பொழுது அப்பக்கத்தில் இருக்கும் இணைப்புகளின் IP முகவரிகளை ஆட்களப் பெயர் வழங்கி (DNS) பின்னணியில் பெற்றுக் கொள்ளும். இதன் மூலம் இணைப்பொன்றை சொடுக்கும் போது நேரடியாக உரிய ஐபி முகவரியில் இருந்து பக்கதைப் பெற்றுத் தரும்.

• இணைப்பில்லாமலே இயங்கும் வசதி. பெரும்பாலான வலைப் பக்கங்கள் இணைய இணைப்பில்லாமலே இயங்கும் வண்ணம் வடிவமைக்கப்படுள்ளது.

• இந்த உலாவியில் புத்தம் புதிகாக வடிவமைக்கப்பட்ட ஜாவாஸ்கிரிப்டைக் கையாளும் வீ8 எஞ்சின் வடிவமைக்கப்பட்டுள்ளது. கூகிள் இது ஏனைய உலாவிகளை விட வேகமாக ஜாவாஸ்கிரிப்டைக் கையாளும் எனக்கூறிய பொழுதும் மொசில்லா நிறுவனமோ தமது டிரேஸ்மங்கி (TraceMonkey) ஜாவாஸ்கிரிப்ட் இயந்திரமே வேகமானது எனக்கூறி வருகின்றனர்.
• about:version என்றவாறு முகவரியில் தட்டச்சுச் செய்வதன் மூலம் கூகிள் குரோம் உலாவியின் பதிப்பை அறிந்து கொள்ளலாம்.

குறைகள்

1. வெப்கிட்டில் பழைய பதிப்பில் உள்ள பாதுகாப்புக் குறைபாட்டினால் ஜாவா ஆவணப்படுத்தப்பட்ட கோப்பு தானியங்கி முறையில் பயனரின் அனுமதி எதுவும் இன்றிக் கணினியில் இயங்கிச் செயற்படக்கூடியதாக உள்ளது. பார்க்க டாம்ஸ் ஹாட்வேர் எடுத்துக்காட்டாக ஜாவா நோட்பாட் இணையமூடாகப் பதிவிறக்கம் செய்துகொள்ளும்.
2. இன்னமும் அச்சுத் தோற்ற வசதியில்லை. எனவே ஒரு வேண்டிய பக்கம் ஒன்றை அச்சிட முன்னர் அது எவ்வாறு வரப்போகின்றது என்பதைப் புரிந்து கொள்ளக்கூடியதாக இல்லை.
3. வலையமைப்பு நிர்வாகிகள் இணையப் விளம்பரப் பகுதிகளை ஹொஸ்ட் கோப்புக்கள் கொண்டு தடுப்பதுண்டு. இவ்வாறு தடுக்கபப்ட்ட பக்கங்களைத் தடுக்கப்பட்ட பக்கங்கள் எனப் புரிந்துகொள்ளாமல் தேவையின்றி கூகிள் குரோம் சின்னத்துடன் கூடிய தகவலைத் தருகின்றது.

தீர்க்கப்பட்ட பிரச்சினைகள்

1. தமிழ் உள்ளீட்டில் எ-கலப்பை ஒலியியல் விசைப்பலகையூடாக ( எ-கலப்பையின் தமிழ்99 விசைப்பலகை வேலை செய்கின்றது பிரச்சினை இருக்கவில்லை) எழுத்துக்களை உள்ளீட்டு செய்யவதில் ஆரம்பத்தில் வெளிவந்த கூகிள் குரோமில் பிரச்சினைகள் இருந்தது. . இதற்கு கூகிள் குரோம் இன்னமும் பயர்பாக்ஸ் நீட்சிகளைகளைப் பயன்படுத்தியும் தமிழை உள்ளீடு செய்ய இயலாது. இதற்கு ஒர் தீர்வாக என்எச்எம் ரைட்டர் மென்பொருளூடாக எந்தவொரு முறையிலும் (அதாவது ஒலியியல் முறை உட்பட) தமிழில் உள்ளீடுகளைச் செய்யலாம்.

வெளியிணைப்பு

• விருத்தியாளர்களுக்கான கூகிள் குரோம் தமிழா எ-கலப்பை ஒலியியல் விசைப்பலகையை ஆதரிக்கும் கூகிள் குரோம் உலாவி.

இவற்றையும் பார்க்க

• வீ8 வினைத்திறன் காண் மதிப்பீடு
• சன்ஸ்பைடர் வினைத்திறன் மதிப்பீடு பக்கத்தின் இறுதியில் உள்ள இணைப்பைப் பயனபடுத்தவும்.
• ஜாவாஸ்கிரிப்ட் வினைத்திறன் மதிப்பீடு