இலயோலாக் கல்லூரி, சென்னை

இலயோலாக் கல்லூரி

படிமம்:Loyola college logo.png
குறிக்கோளுரை	Luceat Lux Vestra
ஆங்கிலத்தில் குறிக்கோளுரை	உங்கள் ஒளி ஒளிரட்டும்
வகை	தன்னாட்சி பெற்றது
உருவாக்கம்	1925
அமைவிடம்	சென்னை , தமிழ்நாடு , இந்தியா
இணையதளம்	loyolacollege.edu

இலயோலாக் கல்லூரி இந்தியாவின் தமிழ்நாடு மாநிலத்தலைநகர் சென்னையில் உள்ள, கிறித்துவின் வீரர்கள் என்றழைக்கப்படும் கிறித்துவின் குமுகாயம் (Jesuit) நடத்தும் ஓர் கல்விக்கூடமாகும். இந்தியாவின் மதிப்புமிக்க உயர்நிலை கல்விக்கூடங்களில் ஒன்றாகக் கருதப்படுகிறது. கல்லூரியில் கலை, அறிவியல்,வணிகம் ஆகியத் துறைகளில் பட்டப்படிப்பு மற்றும் பட்டமேற்படிப்புக்கள் கற்பிக்கப்படுகின்றன. சென்னைப் பல்கலைக்கழகத்துடன் இணைக்கப்பட்ட தன்னாட்சி கல்வி நிறுவனமாக 1978ஆம் ஆண்டு நிலை உயர்த்தப்பட்டுள்ளது.

வரலாறு

இலயோலா தேவாலயம்

இலயோலா கல்லூரி 1925ஆம் ஆண்டு பிரெஞ்ச் ஜெசுட், வணக்கத்திற்குரிய அருட்தந்தை பிரான்சிஸ் பெட்ரம் அவர்களால் துவக்கப்பட்டது. இந்த முயற்சியில் ஆக்சுபோர்டு பல்கலைக்கழகம், கேம்பிரிச் பல்கலைக்கழகம் மற்றும் இலண்டன் பொருளாதாரப் பள்ளி இவற்றில் கல்வி கற்ற கிறித்துவின் குமுகாயத்தினர் சிலர் அவருக்குத் துணையாக இருந்தனர்.