இயற்பியல்

இயற்பியல் அல்லது பௌதீகவியல் (Physics) என்பது அறிவியலின் ஓர் அடிப்படை இயல்பாகும். இயற்பியல் உலகின் இயல்பை, இயற்கையை நோக்கிய அறிவை தேடி நிற்கின்றது. வெவ்வேறான சூழ்நிலைகளில் இயற்கையில் உள்ள பருப்பொருட்களின் பண்புகளை முறையாக அறிந்து கொள்ளுதல் எனவும் இயற்பியலை வரையறுக்கலாம்.

இயற்பியலின் பிரிவுகள்

இயற்பியலுடன் சார்ந்த அல்லது உட்பிரிவுகள் என கருதப்படும் இயல்கள் பின்வருமாறு:

• எந்திரவியல் - Mechanics

• இயக்கவியல் - Dynamics
• நிலையியல் - Statics

• ஒளியியல் - Optics
• ஒலியியல் - Acoustics
• பாய்ம இயக்கவியல் - Fluid Mechanics
• வெப்பஇயக்கவியல் - Thermodynamics
• மின்காந்தவியல் - Electromagnetism
• நிலைமின்னியல் - Electrostatics
• மின்னோட்டவியல் - Current Electricity
• காந்தவியல் - Magnetism
• அணு இயற்பியல் - Atomic/Particle Physics
• அணுக்கரு இயற்பியல் - Nuclear Physics
• மட்டுவ இயற்பியல், குவாண்டம் இயற்பியல், ஒளிச் சொட்டுப் பௌதீகவியல் - Quantum Physics
• வானியல் - Astronomy
• அண்டவியல் - Cosmology
• புவி இயற்பியல் - Geophysics

இயற்பியல் அளவுகளும் பரிமாணங்களும்

நேரடியாகவோ பிற வழிமுறைகளின் மூலமாகவோ அளவிடப்படும் இயற்பியல் அளவுகள் இரு வகைப்படும். ஒரு பொருள் ஒன்றின் நீளம், அகலம், உயரம், நிறை ஆகியவை பொருத்தமான அளக்கும் கருவிகளினால் அளக்கப்படக்கூடியவை. எனவே இவை அடிப்படை அளவுகள் என அழைக்கப்படும். அப்பொருளின் பரப்பளவு, கன அளவு, அடர்த்தி போன்றவற்றை கணித்தல் சமன்பாடுகள் மூலம் பெறக்கூடியவையாகும். இவை வழி அளவுகள் எனவும் அழைக்கப்படும். அடிப்படை அளவுகள் நீளம், காலம், நிறை, மின்னோட்டம், வெப்பநிலை, ஒளிச்செறிவு, பொருளின் அளவு ஆகிய ஏழு ஆகும். வழி அளவுகள் வேகம், முடுக்கம், விசை, வேலை, ஆற்றல், பரப்பளவு மற்றும் பல.

இவற்றையும் பாக்க

• இயற்பியல் கலைச்சொற்கள்
• இயற்பியல் தலைப்புகள் பட்டியல்
• குவாண்டம் இயற்பியல் தலைப்புகள் பட்டியல்
• இயற்பியல் கணியங்கள்
• இலத்திரனியல் கலைச்சொற்கள்