கல்லூரி

கல்லூரி (College) என்பது மாணவர்கள் படிக்கும் இடத்தைக் குறிக்கும். கல்லூரியில் பல விதமான பாடப் பிரிவுகள் உள்ளது. மாணவர்கள் தாங்கள் விரும்பும் பாடப் பிரிவை தேர்ந்தெடுத்து படிக்கலாம். பாடங்கள் மட்டும் அல்ல விளையாட்டு துறையிலும் மாணவர்கள் தேர்ச்சி பெற செய்கின்றது கல்லூரி. எனவே கல்லூரி என்பது மாணவர்களை பக்குவப்படுத்தும் ஓர் இடம் ஆகும்.

இந்தியா

இந்தியாவில் அனைத்து மாநிலங்களிலும் பல இடங்களிலும் மாணவர்கள் பயன்பெறும் வகையில் கல்லூரிகள் நிறுவப்பட்டுள்ளன. இவை அனைத்தும் அந்தந்தப் பகுதியில் அமைந்துள்ள ஏதாவதொரு பல்கலைக்கழகம் ஒன்றுடன் இணைந்தே செயல்படுகின்றன. இந்தியாவில் நூற்றுக் கணக்கான பல்கலைக்கழகங்களும் ஒவ்வொன்றுக்கும் இணைப்புக் கல்லூரிகள் உள்ளன.

இலங்கை

இலங்கையில் பொதுவாக இரண்டாம் நிலை அல்லது இடைத்தரப் பள்ளிகள் (பாடசாலைகள்) கல்லூரிகள் என அழைக்கப்படுகின்றன. இவற்றைத் தவிர உயர்தரப் படிப்பை அல்லது தொழிற்படிப்பை வழங்கும் சில கல்வி நிறுவனங்களும் கல்லூரி என அழைக்கப்படுகின்றன. இவற்றில் முக்கியமானது இலங்கை சட்டக் கல்லூரி ஆகும்.