இலங்கை சனாதிபதி

{{{body}}} இலங்கை சனாதிபதி
இலங்கையின் சின்னம்
இலங்கையின் தேசியக்கொடி
தற்போது மைத்திரிபால சிறிசேன 9 சனவரி 2015 முதல்
வாழுமிடம்	சனாதிபதி மாளிகை
பதவிக் காலம்	ஆறு ஆண்டுகள், புதுப்பிக்கத்தக்கது
முதலாவதாக பதவியேற்றவர்	வில்லியம் கொபல்லாவ 22 மே 1972
உருவாக்கம்	22 மே 1972 (1972-05-22)
இணையதளம்	சனாதிபதி Presidential Secretariat

இலங்கை மக்களாட்சி சோசலிசக் குடியரசின் அரசுத்தலைவர் (President of Democratic Socialist Republic of Sri Lanka) அல்லது இலங்கை சனாதிபதி இலங்கை அரசின் தலைவரும் முக்கிய அரசியல் தலைவருமாவார். இப்பதவி 1978 இல் உருவாக்கப்பட்டது. அது முதல் இப்பதவிக்கான அதிகாரங்கள் அதிகரிக்கப்பட்டுள்ளன. அரசுத்தலைவர் பதவி நிறைவேற்றதிகாரம் கொண்ட பதவியாக காணப்படுவதனால் அதன் அதிகாரங்கள் குறைக்கப்பட வேண்டும் என்ற கருத்தும் வலுத்து வருகின்றது. தற்போதய இலங்கை அரசுத்தலைவர் மைத்திரிபால சிறிசேன ஆவார்.

இலங்கையின் நிறைவேற்றதிகாரம் கொண்ட சனாதிபதி முறைமை

இலங்கை சுதந்திரம் அடைந்தபோது சனாதிபதியொருவர் காணப்படவில்லை. நிறைவேற்றதிகாரம் பிரதமரிடமும் titular அதிகாரம் ஆளுனரிடமும் காணப்பட்டது. 1972 அரசியலமைப்பு சட்டம் ஆளுனரை சனாதிபதி பதவிக்கு மாற்றியது எனினும் சனாதிபதி பதவி அதிகாரங்கள் அற்ற பதவியாகவே காணப்பட்டது. 1978 அரசியலமைச் சட்டத்தில் வெஸ்மினிஸ்டர் முறை பிரெஞ்சு முறையால் மாற்றீடு செய்யப்பட்டது. தனி தேர்தல் மூலம் தெரிவு செய்யப்படும், பாராளுமன்றத்தைச் சாராத நீண்ட ஆட்சிக்காலத்தைக் கொண்ட, அதிகாரம் கொண்ட சனாதிபதி முறை உருவாகப்பட்டது. சனாதிபதி முப்படைகளினதும் கட்டளைத்தளபதியாகவும் நியமிக்கப்பட்டார். பிரதமரை தெரிவு செய்யும் அதிகாரமும், பாராளுமன்றத்தை களைக்கும் அதிகாரமும் வழங்கப்பட்டது.

இலங்கையின் சனாதிபதி முறைமை பிரான்சின் சனாதிபதி முறைமையைவிட அதிகாரம் கூடியதாக காண்ப்படுகிறது. இலங்கையின் சனாதிபதி இலங்கை அரசின் எல்லா நடைமுறைகளிலும் ஈடுபடக்கூடியதாக உள்ளது. அமைச்சரவை அதிகாரங்களை சனாதிபதி செயளாலருக்கு வழங்குவதன் மூலம் கடந்துச் செல்ல முடியும்.

சனாதிபதிக்கு எதிராக வழக்குத் தொடரமுடியாது. ஆனால் பாராளுமன்றத்தின் மூன்றில்-இரண்டு பெரும்பான்மையினரின் அதிகாரத்தால் பதவி விழக்க முடியும். நாட்டில் அவசரகாலசட்டத்தை பிரப்பிக்க முடியும் இதன் பொது சனாதிபதிக்கு பாராளுமன்றத்தின் சட்டங்களுக்கு கட்டுப்பட வேண்டிய அவசியமில்லை. 1994 சனாதிபதி தேர்தலின் போது சந்திரிகா பண்டாரநாயக குமாரதுங்க நிறைவேற்றதிகாரம்　கொண்ட　சனாதிபதவியை　நீக்குவதாக வாக்களித்தார், எனினும் இது நடைமுறை படுத்தவில்லை. இலங்கையில் சனாத்பதிமுறைமை நீக்கபட வேண்டும் என்ற கருத்து வலுத்து வருகின்றது. 2015.01.08 ஆம் திகதி நடைபெற்ற சனாதிபதித் தேர்தலில் இலங்கையின் 7ஆவது சனாதிபதியாக 51.28% வாக்குகளைப் பெற்று மைத்திரிபால சிரிசேன சனாதிபதியாக 2015.01.09 இல் தெரிவுசெய்யப்பட்டார்.

அதிகாரங்களும் விதிமுறைகளும்

• முதன்மைக் கட்டுரை: இலங்கை சனாதிபதிப் பதவி வறிதாதல், பதவியிறக்கல் மற்றும் மீள்நிரப்பல்

சனாதிபதிகளின் பட்டியல்

இலங்கையின் சனாதிபதிகளின் பட்டியல்.

• வில்லியம் கொபல்லாவ (மே 22, 1972 - பெப்ரவரி 4, 1978)
• ஜூனியஸ் ரிச்சட் ஜயவர்தனா (பெப்ரவரி 4, 1978 - சனவரி 2, 1989)
• ரணசிங்க பிரேமதாசா (சனவரி 2, 1989 - மே 1, 1993)
• டிங்கிரி பண்டா விஜயதுங்கா (மே 2, 1993 - நவம்பர் 12, 1994)
• சந்திரிகா குமாரதுங்க (நவம்பர் 12, 1994 - நவம்பர் 19, 2005)
• மகிந்த ராஜபக்ச (நவம்பர் 19, 2005 - சனவரி 9, 2015)
• மைத்திரிபால சிறிசேன (சனவரி 9, 2015 - இன்று வரை)

கடைசித் தேர்தல்

8 சனவரி 2015 இலங்கை அரசுத் தலைவர் தேர்தல் முடிவுகள்

வேட்பாளர்		கட்சி	வாக்குகள்	%
	மைத்திரிபால சிறிசேன	புதிய சனநாயக முன்னணி	6,217,162	51.28%
	மகிந்த ராசபக்ச	ஐக்கிய மக்கள் சுதந்திரக் கூட்டணி	5,768,090	47.58%
	ஆராச்சிகே இரத்நாயக்கா சிறிசேன	தேசப்பற்றுள்ள தேசிய முன்னணி	18,174	0.15%
	நாமல் அஜித் ராஜபக்ச	நமது தேசிய முன்னணி	15,726	0.13%
	இப்ராகிம் மிஃப்லார்	ஐக்கிய அமைதி முன்னணி	14,379	0.12%
	ருவான்திலக்க பேதுரு	ஐக்கிய இலங்கை மக்களின் கட்சி	12,436	0.10%
	ஐத்துருசு எம். இலியாசு	சுயேட்சை	10,618	0.09%
	துமிந்த நகமுவ	முன்னிலை சோசலிசக் கட்சி	9,941	0.08%
	சிறிதுங்க ஜெயசூரியா	ஐக்கிய சோசலிசக் கட்சி	8,840	0.07%
	சரத் மனமேந்திரா	புதிய சிங்கள மரபு	6,875	0.06%
	பானி விஜயசிறிவர்தன	சோசலிச சமத்துவக் கட்சி	4,277	0.04%
	அனுருத்த பொல்கம்பொல	சுயேட்சை	4,260	0.04%
	சுந்தரம் மகேந்திரன்	நவ சமசமாஜக் கட்சி	4,047	0.03%
	முத்து பண்டார தெமினிமுல்ல	அனைவரும் குடிகள், அனைவரும் அரசர்கள் அமைப்பு	3,846	0.03%
	பத்தரமுல்லே சீலாரத்தன	ஜன செத்த பெரமுன	3,750	0.03%
	பிரசன்னா பிர்யங்காரா	சனநாயக தேசிய இயக்கம்	2,793	0.02%
	ஜெயந்தா குலதுங்க	ஐக்கிய இலங்கை பாரிய பேரவை	2,061	0.02%
	விமால் கீகனகே	இலங்கை தேசிய முன்னனி	1,826	0.02%
செல்லுபடியான வாக்குகள்			12,123,452	100.00%
நிராகரிக்கப்பட்டவை			140,925
மொத்த வாக்குகள்			12,264,377
பதிவு செய்த வாக்காளர்கள்			15,044,490
வாக்களிப்பு வீதம்			81.52%

வெளியிணைப்புகள்

• இலங்கை சனாதிபதியின் இணையதளம்
• நிறைவேற்றதிகார சனாதிபதி பற்றிய இந்தியன் எக்ஸ்பிரசின் செய்தி