நவம்பர் 15

நவம்பர் 15 (November 15) கிரிகோரியன் ஆண்டின் 319 ஆம் நாளாகும். நெட்டாண்டுகளில் 320 ஆம் நாள். ஆண்டு முடிவிற்கு மேலும் 46 நாட்கள் உள்ளன.

நிகழ்வுகள்

• 565 – மூன்றாம் யசுட்டின் பைசாந்தியப் பேரரசராக தனது மாமா முதலாம் யசுட்டினியனுக்குப்ப் பின்னர் முடிசூடினார்.
• 1505 – போர்த்துக்கேய மாலுமியும் நாடுகாண் பயணியுமான லோரன்ஸ் டி அல்மெய்டா, கொழும்பை வந்தடைந்து ஐரோப்பியக் குடியேற்றத்தை ஆரம்பித்தார்.
• 1533 – எசுப்பானியத் தேடல் வெற்றி வீரர் பிரான்சிஸ்கோ பிசாரோ இன்கா பேரரசின் குசுக்கோ நகரை அடைந்தார்.
• 1864 – அமெரிக்க உள்நாட்டுப் போர்: கூட்டுப்படைத் தளபதி வில்லியம் சேர்மன் அட்லாண்டா நகரைத் தீக்கிரையாக்கி ஜோர்ஜியாவின் சவான்னா துறைமுகம் நோக்கி நகர்ந்தார்.
• 1889 – பிரேசில் குடியரசாகியது. இரண்டாம் பெதரோ ஆட்சியிழந்தான்.
• 1920 – உலக நாடுகள் அவையின் முதல் கூட்டம் ஜெனீவாவில் நடைபெற்றது.
• 1926 – என்பிசி வானொலி 24 நிலையங்களுடன் தனது வானொலி சேவையைத் தொடங்கியது.
• 1933 – தாய்லாந்தில் முதற் தடவையாகப் பொதுத்தேர்தல் இடம்பெற்றது.
• 1941 – நாட்சி ஜெர்மனியில் சில உயர் அதிகாரிகளைத் தவிர்த்து அனைத்து ஓரினச்சேர்க்கையாளர்களையும் வதைமுகாம்களுக்கு அனுப்ப உத்தரவிடப்பட்டது.
• 1942 – இரண்டாம் உலகப் போர்: சொலமன் தீவுகளில் குவாடல்கனல் என்ற இடத்தில் ஜப்பானியப் கடற்படையுடன் இடம்பெற்ற மோதல்களில் கூட்டுப் படைகள் வெற்றி பெற்றன.
• 1943 – பெரும் இன அழிப்பு: நாட்சி ஜெர்மனியில் அனைத்து ஜிப்சிகளையும் யூதர்களுக்கு இணையாக வதமுகாம்களுக்கு அனுப்ப உத்தரவிடப்பட்டது.
• 1948 – இலங்கையில் மலையகத் தமிழரின் வாக்குரிமை பறிக்கப்பட்டது.
• 1949 – நாதுராம் கோட்சே மற்றும் நாராயண் ஆப்டே மற்றும் ஆறு சதிகாரர்களும் மகாத்மா காந்தியைக் கொலை செய்த குற்றத்திற்காக தூக்கிலிடப்பட்டனர்.
• 1966 – ஜெமினி 12 விண்கலம் அட்லாண்டிக் கடலில் பாதுகாப்பாக இறங்கியது.
• 1969 – வியட்நாம் போர்: வாசிங்டன் டிசியில் 250,000-500,000 பேர் போருக்கெதிராக ஆர்ப்பாட்ட ஊர்வலத்தில் பங்குபற்றினர்.
• 1970 – சோவியத்தின் லூனா தானூர்தி சந்திரனில் தரையிறங்கியது.
• 1971 – இன்டெல் நிறுவனம் உலகின் முதலாவது வணிகரீதியிலான 4004 என்ற ஒற்றைச்சில் நுண்செயலியை வெளியிட்டது.
• 1978 – டக்ளஸ் டிசி-8 தனியார் பயணிகள் விமானம் கொழும்புக்கு அருகில் விபத்துக்குள்ளாகியதில் 183 பேர் உயிரிழந்தனர்.
• 1983 – வடக்கு சைப்பிரஸ் துருக்கியக் குடியரசு நிறுவப்பட்டது. துருக்கி மட்டுமே இதனை அங்கீகரித்தது.
• 1988 – சோவியத் ஒன்றியத்தின் ஆளற்ற பியூரான் விண்ணோடம் தனது முதலாவது கடைசியுமான பயணத்தை ஆரம்பித்தது.
• 1988 – இசுரேல்-பாலத்தீனப் பிணக்கு: பாலத்தீனம் தனிநாடாக பாலத்தீன தேசியப் பேரவையினால் அறிவிக்கப்பட்டது.
• 1990 – அட்லாண்டிஸ் விண்ணோடம் எஸ்டிஎஸ்-38 விண்கலத்தை விண்ணுக்குக் கொண்டு சென்றது.
• 2002 – கூ சிங்தாவ் சீனக் கம்யூனிஸ்ட் கட்சியின் பொதுச் செயலாளர் ஆனார்.
• 2000 – இந்தியாவில் ஜார்க்கண்ட் தனிமாநிலமாக உருவாக்கப்பட்டது.
• 2007 – வங்க தேசத்தில் கிளம்பிய பெரும் சூறாவளியினால் 5,000 பேருக்கு மேல் கொல்லப்பட்டனர்.

பிறப்புகள்

• 1738 – வில்லியம் எர்செல், செருமானிய-ஆங்கிலேய வானியலாளர், இசையமைப்பாளர் (இ. 1822)
• 1875 – பிர்சா முண்டா, இந்தியப் புரட்சியாளர், விடுதலைப் போராட்டப் போராளி (இ. 1900)
• 1877 – அரிகேசநல்லூர் முத்தையா பாகவதர், கருநாடக இசைக் கலைஞர் (இ. 1945)
• 1885 – கிஜூபாய் பதேக்கா, இந்தியக் கல்வியாளர் (இ. 1939)
• 1887 – ஜோர்ஜியா ஓ'கீஃப், அமெரிக்க ஓவியர் (இ. 1986)
• 1891 – இர்வின் ரோமெல், செருமானிய இராணுவ அதிகாரி (இ. 1944)
• 1901 – பு. இரா. புருடோத்தமர், தமிழ், வைணவ அறிஞர் (இ. 1976)
• 1914 – வி. ஆர். கிருஷ்ணய்யர், இந்திய உச்சநீதிமன்ற நீதிபதி (இ. 2014)
• 1921 – பூர்ணம் விஸ்வநாதன், தமிழக நாடக, திரைப்பட நடிகர், வானொலி செய்தி வாசிப்பாளர் (இ. 2008)
• 1923 – கே. வீ. நாராயணசுவாமி, கேரள கருநாடக வாய்ப்பாட்டுக் கலைஞர் (இ. 2002)
• 1923 – ராதா பர்னியர், சென்னை பிரம்மஞானசபை தலைவி (இ. 2013)
• 1933 – ஏ. எல். அப்துல் மஜீத், கிழக்கிலங்கை அரசியல்வாதி (இ. 1987)
• 1947 – மால்கம் ரஞ்சித், இலங்கை கத்தோலிக்கக் கருதினால்
• 1986 – சானியா மிர்சா, இந்திய டென்னிசு வீராங்கனை
• 1991 – சைலீன் வூட்லி, அமெரிக்க நடிகை

இறப்புகள்

• 1280 – பெரிய ஆல்பர்ட், செருமானிய இறையியலாளர், மெய்யியலாலர் (பி. 1193)
• 1630 – யோகான்னசு கெப்லர், செருமானிய வானியலாளர், கணிதவியலாளர் (பி. 1571)
• 1856 – மதுசூதன் குப்தா, இந்திய மருத்துவர் (பி. 1800)
• 1908 – டோவாகர் சிக்சி, சீனப் பேரரசி (பி. 1835)
• 1917 – எமில் டேர்க்கேம், பிரான்சிய சமூகவியலாளர், மெய்யியலாளர் (பி. 1858)
• 1937 – ஜெய்சங்கர் பிரசாத், இந்திய எழுத்தாளர் (பி. 1889
• 1949 – நாராயண் ஆப்தே, மகாத்மா காந்தியை சுட்டுக்கொன்ற கொலையாளி (பி. 1911)
• 1949 – நாத்தூராம் கோட்சே, மகாத்மா காந்தியை சுட்டுக்கொன்ற கொலையாளி (பி. 1910)
• 1959 – சார்ல்ஸ் தாம்சன் ரீசு வில்சன், நோபல் பரிசு பெற்ற இசுக்கொட்டிய இயற்பியலாளர் (பி. 1869)
• 1982 – வினோபா பாவே, இந்திய காந்தியவாதி (பி. 1895)
• 2012 – கே. சி. பாண்ட், இந்திய அரசியல்வாதி (பி. 1931)
• 2016 – சோழியான், ஈழத்து எழுத்தாளர் (பி. 1960)

சிறப்பு நாள்

• விடுதலை நாள் (பாலத்தீனம்Palestine 1988)
• அமைதி நாள் (கோட் டிவார்)
• குடியரசு நாள் (பிரேசில்)
• தேசிய மர நடுகை நாள் (இலங்கை)

வெளி இணைப்புகள்

• பிபிசி: இந்த நாளில்
• நியூயோர்க் டைம்ஸ்: இந்த நாளில்
• கனடா: இந்த நாளில்

---