சூன் 25

சூன் 25 (June 25) கிரிகோரியன் ஆண்டின் 176 ஆம் நாளாகும். நெட்டாண்டுகளில் 177 ஆம் நாள். ஆண்டு முடிவிற்கு மேலும் 189 நாட்கள் உள்ளன.

நிகழ்வுகள்

• 1658 – எசுப்பானியப் படையினர் ஜமேக்காவை ஆங்கிலேயர்களிடம் இருந்து கைப்பற்றுவதில் தோல்வியடைந்தனர்.
• 1678 – வெனிசைச் சேர்ந்த எலேனா பிசுகோபியா முனைவர் பட்டம் பெற்ற முதலாவது பெண் என்ற பெருமையைப் பெற்றார்.
• 1741 – ஆத்திரியாவின் மரீயா தெரேசா அங்கேரியின் அரசியாக முடிசூடினார்.
• 1788 – வர்ஜீனியா ஐக்கிய அமெரிக்க அரசியலமைப்பை ஏற்றுக் கொண்ட 10-வது மாநிலமானது.
• 1935 – சோவியத் ஒன்றியத்துக்கும் கொலம்பியாவுக்கும் இடையில் தூதரக உறவு ஏற்படுத்தப்பட்டது.
• 1940 – இரண்டாம் உலகப் போர்: பிரான்சு அதிகாரப்பூர்வமாக செருமனியிடம் சரணடைந்தது.
• 1944 – இரண்டாம் உலகப் போர்: நோர்டிக் நாடுகளின் மிகப் பெரும் சமர் சோவியத் ஒன்றியத்துக்கு எதிராக பின்லாந்தில் ஆரம்பமானது.
• 1950 – வட கொரியாவின் தென் கொரியா மீதான படையெடுப்பை அடுத்து கொரியப் போர் ஆரம்பமானது.
• 1975 – இந்தியப் பிரதமர் இந்திரா காந்தி நாட்டில் நெருக்கடி நிலையைப் பிறப்பித்து தேர்தல்கள், மற்றும் மனித உரிமைப் போராட்டங்களைத் தடை செய்தார்.
• 1975 – போர்த்துகல்லிடமிருந்து மொசாம்பிக் விடுதலை அடைந்தது.
• 1983 – லண்டனில் நடந்த உலகக் கிண்ணத் துடுப்பாட்டப் போட்டிகளின் இறுதி ஆட்டத்தில் இந்தியா மேற்கிந்தியத் தீவுகளை 43 ஓட்டங்களால் வென்றது.
• 1991 – குரோவாசியாவும் சுலோவீனியாவும் யுகோசுலாவியாவிடம் இருந்து விடுதலையை அறிவித்தன.
• 1996 – சவூதி அரேபியாவில் கோபார் கோபுரத்தில் இடம்பெற்ற குண்டுவெடிப்பில் 19 அமெரிக்கப் படையினர் கொல்லப்பட்டனர்.
• 1997 – ஆளில்லா புரோகிரஸ் விண்கலம் உருசிய விண்வெளி நிலையம் மீருடன் மோதியது.
• 1998 – வின்டோஸ் 98 முதற் பதிப்பு வெளியானது.
• 2007 – கம்போடியாவில் விமானம் வீழ்ந்து நொருங்கியதில் அதில் பயணம் செய்த 22 பேரும் கொல்லப்பட்டனர்.
• 2017 – ஏமனில் 200,000 இற்கும் அதிகமானோர் வாந்திபேதியால் பாதிக்கப்பட்டுள்ளதாக உலக சுகாதார அமைப்பு மதிப்பிட்டது.

பிறப்புகள்

• 1896 – சங்கரப்பிள்ளை பரராஜசிங்கம், இலங்கை அரசியல்வாதி
• 1900 – மவுண்ட்பேட்டன் பிரபு, பிரித்தானிய இந்தியாவின் 44வது தலைமை ஆளுநர் (இ. 1979)
• 1900 – சினைதா அக்சென்சியேவா, உக்ரைனிய-சோவியத் வானியலாளர் (இ. 1969)
• 1903 – ஜார்ஜ் ஆர்வெல், பிரித்தானிய எழுத்தாளர் (இ. 1950)
• 1908 – சுசேதா கிருபளானி, உத்தரப்பிரதேச மாநில முதலமைச்சர் (இ. 1974)
• 1925 – ராபர்ட் வெஞ்சூரி, அமெரிக்கக் கட்டிடக் கலைஞர்
• 1931 – வி. பி. சிங், இந்தியாவின் 7வது பிரதமர் (இ. 2008)
• 1933 – அ. மாற்கு, ஈழத்து ஓவியர் (இ. 2000)
• 1935 – ஆர். சிவலிங்கம், இலங்கை-கனடியத் தமிழ் எழுத்தாளர்
• 1961 – ரிக்கி கேர்வைஸ், ஆங்கிலேய நடிகர், இயக்குநர்
• 1962 – நடராஜா ரவிராஜ், இலங்கை அரசியல்வாதி, வழக்கறிஞர், மனித உரிமைச் செயற்பாட்டாளர் (இ. 2006)
• 1972 – சைஃப் அல்-இசுலாம் கதாஃபி, லிபிய அரசியல்வாதி
• 1975 – விளாடிமிர் கிராம்னிக், உருசிய சதுரங்க வீரர்
• 1981 – பூஜா, தென்னிந்திய நடிகை

இறப்புகள்

• 1671 – ஜியோவானி ரிக்கியொலி, இத்தானிய மதகுரு, வானியலாளர் (பி. 1598)
• 1772 – முத்து வடுகநாதர், சிவகங்கை பாளைய மன்னர்
• 1894 – மரீ பிரான்சுவா சாடி கார்னோ, பிரான்சின் 5வது அரசுத்தலைவர் (பி. 1837)
• 1960 – வால்டேர் பாடே, செருமானிய வானியலாளர் (பி. 1893)
• 1965 – பெர்ட்டில் இலிண்ட்பிளாடு, சுவீடிய வானியலாளர் (பி. 1895)
• 1984 – மிஷேல் ஃபூக்கோ, பிரான்சிய வரலாற்றாளர், மெய்யியலாளர் (பி. 1926)
• 2007 – ஜீவா, இந்திய திரைப்பட இயக்குநர், ஒளிப்பதிவாளர் (பி. 1963)
• 2007 – சுஜாதா கிருஷ்ணன், மலேசியத் திரைப்பட நடிகை (பி. 1979)
• 2009 – மைக்கல் ஜாக்சன், அமெரிக்கப் பாடகர், நடிகர் (பி. 1958)

சிறப்பு நாள்

• மர நாள் (பிலிப்பீன்சு)
• விடுதலை நாள் (மொசாம்பிக், 1975)
• ஆசிரியர் நாள் (குவாத்தமாலா)
• உலக தோல் நிறமி இழத்தல் நாள்

வெளி இணைப்புகள்

• பிபிசி: இந்த நாளில்
• நியூ யோர்க் டைம்ஸ் இந்த நாளில்
• கனடா இந்த நாளில்

---