சூன் 1

சூன் 1 (June 1) கிரிகோரியன் ஆண்டின் 152 ஆம் நாளாகும். நெட்டாண்டுகளில் 153 ஆம் நாள். ஆண்டு முடிவிற்கு மேலும் 213 நாட்கள் உள்ளன.

நிகழ்வுகள்

• 193 – ரோமப் பேரரசர் டிடியசு யூலியானசு படுகொலை செய்யப்பட்டார்.
• 1215 – மொங்கோலியப் பேரரசன் செங்கிஸ் கான் பெய்ஜிங் நகரைக் கைப்பாற்றினான்.
• 1533 – ஆன் பொலின் இங்கிலாந்தின் அரசியாக முடி சூடினாள்.
• 1535 – புனித உரோமைப் பேரரசர் ஐந்தாம் சார்லசுவின் படைகள் துனிசுவில் உதுமானியரைத் தாக்கி அதனைக் கைப்பற்றினர்.
• 1660 – மேரி டயர் மாசச்சுசெட்சில் குவேக்கர்களைத் தடை செய்யும் சட்டத்தை மீறியமைக்காக தூக்கிலிடப்பட்டார்.
• 1670 – இங்கிலாந்தின் டோவர் நகரில், இங்கிலாந்தின் இரண்டாம் சார்லசு, பிரான்சின் பதினான்காம் லூயி ஆகியோருக்கு இடையில் இரகசிய உடன்பாடு எட்டப்பட்டது. மூன்றாம் ஆங்கில-இடச்சுப் போர் ஆரம்பமானது.
• 1779 – அமெரிக்கப் புரட்சிப் போரின் போது அமெரிக்க விடுதலைப் படையின் தளபதியாக இருந்த பெனடிக்ட் ஆர்னோல்டு மீது சட்டமுரணாக நடந்துகொண்டமைக்காக இராணுவ விசாரணைக்கு உட்படுத்தப்பட்டார்.
• 1792 – கென்டக்கி ஐக்கிய அமெரிக்காவின் 15வது மாநிலமாக இணைந்தது.
• 1796 – டென்னசி ஐக்கிய அமெரிக்காவின் 16வது மாநிலமாக இணைந்தது.
• 1812 – பிரித்தானிய அமெரிக்கப் போர், 1812: அமெரிக்க அரசுத்தலைவர் ஜேம்ஸ் மாடிசன் ஐக்கிய இராச்சியம் மீது போரை அறிவிக்கும்படி காங்கிரசைக் கேட்டுக்கொண்டார்.
• 1831 – யேம்சு கிளார்க் ரொஸ் வட காந்தமுனையை அடைந்த முதலாவது ஐரோப்பியர் ஆனார்.
• 1855 – அமெரிக்க நாடுகாண் பயணி வில்லியம் வோக்கர் நிக்கராகுவாவைக் கைப்பற்றினார்.
• 1913 – கிரேக்க–செர்பிய உடன்பாடு எட்டப்பட்டது. இரண்டாவது பால்க்கன் போர் ஆரம்பமானது.
• 1929 – இலத்தீன் அமெரிக்காவின் பொதுவுடமைக் கட்சிகளின் 1-வது மாநாடு புவெனஸ் ஐரிஸ் நகரில் இடம்பெற்றது.
• 1941 – இரண்டாம் உலகப் போர்: கிரீட் சண்டை முடிவுக்கு வந்தது.
• 1941 – ஈராக், பக்தாத்தில் யூதர்களுக்கெதிராக இடம்பெற்ற கலவரங்களில் 180 யூதர்கள் கொல்லப்பட்டனர்.
• 1943 – இரண்டாம் உலகப் போர்: பிரித்தானிய விமானம் பிஸ்கே விரிகுடாவில் செருமனியால் சுட்டு வீழ்த்தப்பட்டதில் பிரித்தானிய நடிகர் லெசுலி ஹவார்டு உட்பட 17 பேர் உயிரிழந்தனர்.
• 1946 – இரண்டாம் உலகப் போர்க் காலத்தில் ருமேனியாவின் பிரதமராக இருந்த இயன் அந்தனேஸ்கு தூக்கிலிடப்பட்டார்.
• 1947 – சுதந்திரன் இதழ் கொழும்பில் இருந்து வெளியாக ஆரம்பித்தது.
• 1959 – நிக்கராகுவாவில் புரட்சி ஆரம்பமானது.
• 1962 – நாட்சி வதைமுகாம்களை உருவாக்கிய அடோல்வ் ஏச்மென் இசுரேலில் தூக்கிலிடப்பட்டார்.
• 1964 – சிறேதொகோ தேசிய வனம் ஜப்பானில் அமைக்கப்பட்டது.
• 1971 – தமிழ்நாடு வேளாண்மைப் பல்கலைக்கழகம் ஆரம்பிக்கப்பட்டது.
• 1978 – டோக்கியோ பங்குச் சந்தையின் நடவடிக்கைகள் ஆரம்பமாகின.
• 1979 – 90 ஆண்டுகளுக்குப் பின்னர் ரொடீசியாவில் முதற்தடவையாக கறுப்பினத்தவர்களின் அரசு பதவியேற்றது.
• 1990 – பனிப்போர்: ஜார்ஜ் புஷ், மிக்கைல் கொர்பச்சோவ் ஆகியோர் வேதி ஆயுதங்கள் தயாரிப்பை நிறுத்தும் உடன்பாட்டில் கையெழுத்திட்டனர்.
• 1981 – தெற்காசியாவில் சிறந்த நூலகமாக விளங்கிய யாழ் பொது நூலகம் நள்ளிரவில் சிங்களக் காவல் துறையினரால் எரிக்கப்பட்டதில் பல்லாயிரக்கணக்கான பெறுமதி மிக்க நூல்கள் அழிந்தன.
• 1993 – சாரயேவோவில் தொப்ரிஞ்சா ந்கரில் காற்பந்தாட்டப் போட்டி ஒன்றின் மீது மோட்டார் தாக்குதல் நடத்தப்பட்டதில் 13 பேர் கொல்லப்பட்டனர், 133 பேர் காயமடைந்தனர்.
• 1999 – அமெரிக்கன் எயர்லைன்ஸ் 1420 விமானம் டாலசில் இருந்து லிட்டில் ராக் செல்கையில் விபத்துக்குள்ளாகியதில் 11 பேர் உயிரிழந்தனர்.
• 2001 – நேபாள அரசுப் படுகொலைகள்: நேபாளத்தின் முடிக்குரிய இளவரசர் திபெந்திரா தனது தந்தை மன்னர் பிரேந்திரா, தாயார் உட்பட குடும்பத்தினர் ஏழு பேரை சுட்டுக் கொன்றார்.
• 2009 – இரியோ டி செனீரோவில் இருந்து பாரிசு சென்று கொண்டிருந்த ஏர் பிரான்சு ஏஎப் 447 விமானம் பிரேசில் கரைக்கப்பால் வீழ்ந்ததில் அதில் பயணம் செய்த அனைத்து 228 பேரும் உயிரிழந்தனர்.
• 2015 – சீனாவின் ஊபேய் மாகாணத்தில் யாங்சி ஆற்றில் 458 பேருடன் சென்ற பயணிகள் கப்பல் ஒன்று மூழ்கியதில் 400 பேர் உயிரிழந்தனர்.

பிறப்புகள்

• 1675 – பிரான்செஸ்கோ சிப்பியோன் மாஃபி, இத்தாலியத் தொல்லியலாளர் (இ. 1755)
• 1796 – சாடி கார்னோ, பிரான்சிய இயற்பியலாளர், பொறியியலாளர் (இ. 1832)
• 1888 – ஏ. டி. பன்னீர் செல்வம், சென்னை மாகாண அரசியல்வாதி, அமைச்சர் (இ. 1940)
• 1892 – அமனுல்லாகான், ஆப்கானித்தான் அரசுத் தலைவர் (இ. 1960)
• 1926 – மர்லின் மன்றோ, அமெரிக்க நடிகை (இ. 1962)
• 1929 – நர்கிசு, இந்திய நடிகை (இ. 1981)
• 1937 – மார்கன் ஃபிரீமன், அமெரிக்க நடிகர்
• 1942 – பாக்கோ பேன்யா, எசுப்பானிய கித்தார் இசைக்கலைஞர்
• 1970 – மாதவன், இந்திய நடிகர்

இறப்புகள்

• 1660 – மேரி டயர், ஆங்கிலேய-அமெரிக்க தியாகி (பி. 1611)
• 1830 – சுவாமிநாராயண், இந்திய சமயத் தலைவர் (பி. 1781)
• 1846 – பதினாறாம் கிரகோரி (திருத்தந்தை) (பி. 1765)
• 1868 – ஜேம்ஸ் புகேனன், அமெரிக்காவின் 15வது அரசுத்தலைவர் (பி. 1791)
• 1941 – ஹான்ஸ் பெர்கர், செருமானிய நரம்பியலாளர் (பி. 1873)
• 1961 – மெல்வின் ஜோன்ஸ், பன்னாட்டு அரிமாசங்கங்களின் நிறுவனர் (பி. 1879)
• 1968 – ஹெலன் கெல்லர், அமெரிக்க எழுத்தாளர், செயற்பாட்டாளர் (பி. 1880)
• 1987 – கே. ஏ. அப்பாசு, இந்தியத் திரைப்படத் தயாரிப்பாளர், எழுத்தாளர், இதழியலாளர் (பி. 1914)
• 1996 – நீலம் சஞ்சீவ ரெட்டி, இந்தியாவின் 6வது குடியரசுத் தலைவர் (பி. 1913)
• 1999 – கிறிஸ்தோபர் கொக்கரல், காற்றுமெத்தை உந்தைக் கண்டுபிடித்த ஆங்கிலேயர் (பி. 1910)
• 2001 – பிரேந்திரா, நேபாள மன்னர் (பி. 1945)

சிறப்பு நாள்

• பன்னாட்டு குழந்தைகள் நாள்
• உலக பெற்றோர் தினம்
• விடுதலை நாள் (சமோவா, 1962)
• மர நாள் (கம்போடியா)
• உலக பால் தினம்

வெளி இணைப்புகள்

• பிபிசி: இந்த நாளில்
• நியூ யோர்க் டைம்ஸ் இந்த நாளில்
• கனடா இந்த நாளில்

---