அரவிந்த்சாமி

அரவிந்த் சாமி
இயற் பெயர்	அர்விந்த்சாமி
பிறப்பு	30 சூன் 1967 (1967-06-30) திருச்சிராப்பள்ளி , தமிழ்நாடு
தொழில்	நடிகர், தொழிலதிபர்
நடிப்புக் காலம்	1991 - 2005 2015 - தற்போது வரை
துணைவர்	காயத்திரி

அர்விந்த்சாமி (பிறப்பு: 30 ஜூன் 1967) ஓர் புகழ்பெற்ற இந்தியத் திரைப்பட நடிகர் ஆவார். இவர் தமிழ், தெலுங்கு, மலையாளம் மற்றும் இந்தித் திரைப்படங்களில் நடித்து வருகிறார். ரோஜா, பம்பாய், மின்சார கனவு, இந்திரா, தேவராகம், அலைபாயுதே போன்ற படங்கள் இவரது புகழ்பெற்ற திரைப்படங்கள் ஆகும்.

இளமை வாழ்வு

அர்விந்த்சாமி 30 சூன் 1967 அன்று தமிழ்நாட்டிலுள்ள திருச்சிராப்பள்ளியில் தொலைக்காட்சி நடிகர் டெல்லி குமாருக்கு பிறந்தார். இவர் தமது மாமாவிடம் வளர்ந்தார்.

திரைப்பட வாழ்வு

அவரது திரைப்பட அறிமுகம் மணிரத்னத்தின் தளபதியில் தொடங்கியது. முதன்மை வேடமேற்று நடித்த முதல் படமாக மணிரத்னத்தின் ரோஜா படம் அமைந்தது. இந்தப் படம் மூலம் நாடெங்கிலும் அவருக்கு அறிமுகம் கிடைத்தது. தமது வேடங்களை ஏற்றுக்கொள்வதில் மிகுந்த கவனம் செலுத்தியதால், வெகுசில படங்களிலேயே நடித்திருந்தாலும் அவரது திரைப்படங்கள் வெற்றிப்படங்களாக அமைந்தன. இவர் நடித்த ரோஜா மற்றும் பம்பாய் திரைப்படம் மாநில, தேசிய விருதுகளை பெற்றுத் தந்தது.

2000ஆம் ஆண்டு முதல் நடிப்பதை விட்டு பிற வணிகச் செயல்களைக் கவனிக்கத் தொடங்கினார்.

தனி வாழ்வு

அர்விந்த் சென்னையில் உள்ள சிஷ்யா என்ற பள்ளியிலும் பின்னர் எழும்பூர் டான் பாஸ்கோவிலும் படித்தார். லயோலாக் கல்லூரியில் வணிகவியல் இளங்கலைப்பட்டம் பெற்றார். பின்னர் எம் பி ஏ பட்டமேற்படிப்பை அமெரிக்காவின் வடக்கு கரோலினா மாநில வேக் ஃபாரஸ்ட் பல்கலைக்கழகத்தில் படித்தார். தமது தாயின் உடல்நலம் குன்றியதைத் தொடர்ந்து இந்தியா திரும்பினார்.

அர்விந்த்சாமி 1994ஆம் ஆண்டு காயத்திரியை திருமணம் செய்துகொண்டார். அவர்களுக்கு ஆதிரை, ருத்ரா என இரண்டு குழந்தைகள் உள்ளனர்.

திரைப்படங்கள்

ஆண்டு	பெயர்	வேடம்	இயக்குனர்	நடிகர்கள்	மொழி
1991	தளபதி	அர்ஜூன்	மணிரத்னம்	ரசினிகாந்து, மம்முட்டி, ஷோபனா	தமிழ்
1992	ரோஜா	ரிசிக்குமார்	மணிரத்னம்	மதுபாலா	தமிழ்
1993	மறுபடியும்	கெளரி சங்கர்	பாலு மகேந்திரா	ரோகிணி, நிழல்கள் ரவி, ரேவதி	தமிழ்
1993	டாடி		சங்கீத சிவன்	கௌதமி, சுரேஷ் கோபி	மலையாளம்
1993	பாசமலர்கள்		சுரேஷ் மேனன்	ரேவதி, அஜித் குமார்,	தமிழ்
1995	பம்பாய்	சேகர்	மணிரத்னம்	மனிஷா கொய்ராலா	தமிழ்
1995	மௌனம்		உமா மகேஷ்வர ராவ்	நக்மா, சாரு ஹாசன்	தெலுங்கு
1995	இந்திரா	தியாகு	சுஹாசினி	அனு ஹாசன், நாசர்	தமிழ்
1996	தேவராகம்	விஷ்னு	பரதன்	ஸ்ரீதேவி	மலையாளம்
1997	சாத் ரங் கே சப்னே	மஹிபல்	பிரியதர்சன்	ஜூஹி சாவ்லா	இந்தி
1997	மின்சார கனவு	தாமஸ்	ராஜிவ் மேனன்	கஜோல், பிரபுதேவா	தமிழ்
1997	புதையல்	Koti	செல்வா	மம்முட்டி, சாக்ஷி சிவானந்த்	தமிழ்
1999	என் சுவாசக் காற்றே	அருண்	கே எஸஸ ரவி	இசா கோபிகர்	தமிழ்
2000	அலைபாயுதே	ஐஏஎஸ் அதிகாரியாக	மணிரத்னம்	மாதவன், சாலினி, குஷ்பூ	தமிழ்
2002	ராஜா கோ ராணி சே பியார் ஹோ கயா	மோஹித் குமார்	ராஜிவ் குமார்	மனிஷா கொய்ராலா	இந்தி
2005	சாசனம்	முத்தையா	மகேந்திரன்	கௌதமி	தமிழ்
2012	கடல்	பாதர்	மணிரத்னம்	அர்ஜூன், கௌதம் கார்த்திக், துளசி நாயர்	தமிழ்
2015	தனி ஒருவன்	பழநி (சித்தார்த் அபிமன்யு)	மோகன் ராஜா	ஜெயம் ரவி, நயன்தாரா	தமிழ்

வெளியிணைப்புகள்

• இணையத் திரைப்பட தரவுத்தளத்தில் அரவிந்த்சாமி

|}