அக்டோபர் 2

அக்டோபர் 2 (October 2) கிரிகோரியன் ஆண்டின் 275 ஆம் நாளாகும். நெட்டாண்டுகளில் 276 ஆம் நாள். ஆண்டு முடிவிற்கு மேலும் 90 நாட்கள் உள்ளன.

நிகழ்வுகள்

• 829 - தியோஃபிலோஸ் (813-842) தனது தந்தையை தொடர்ந்து பைசாந்தியப் பேரரசர் ஆனார்.
• 1187 - 88 ஆண்டுகள் சிலுவைப் போரின் பின்னர் எகிப்திய சுல்தான் சலாதீன் ஜெருசலேமைக் கைப்பற்றினான்.
• 1263 - நோர்வேக்கும் ஸ்கொட்லாந்துக்கும் இடையே லார்க்ஸ் என்ற இடத்தில் போர் இடம்பெற்றது.
• 1535 - ஜாக் கார்ட்டியே மொண்ட்றியாலைக் கண்டுபிடித்தார்.
• 1864 - அமெரிக்க உள்நாட்டுப் போர்: ஐக்கிய அமெரிக்கப் படையினர் வேர்ஜீனியாவின் சால்ட்வில் நகரைத் தாக்கினர். ஆனாலும் அவர்கள் கூட்டமைப்பினரால் விரட்டப்பட்டனர்.
• 1870 - ரோம் மீண்டும் இத்தாலியுடன் இணைவதற்கு ஆதரவாக மக்கள் பெரும்பான்மையாக வாக்களித்தனர்.
• 1903 - யாழ்ப்பாணத்தில் Jaffna Steam Navigation Company என்ற நிறுவனத்துக்குச் சொந்தமான "SS Jaffna" என்ற பயணிகள் கப்பல் தனது வெள்ளோட்டத்தை ஆரம்பித்தது.
• 1935 - இத்தாலி அபிசீனியாவைக் கைப்பற்றியது.
• 1941 - இரண்டாம் உலகப் போர்: நாசி ஜெர்மனிப் படைகள் மாஸ்கோவுக்கு எதிரான தமது மூன்று மாதத் தாக்குதலை ஆரம்பித்தனர்.
• 1946 - பல்கேரியா கம்யூனிஸ்டுகளின் வசமாகியது.
• 1958 - கினி பிரான்சிடம் இருந்து விடுதலையை அறிவித்தது.
• 1968 - மெக்சிகோவில் இடம்பெற்ற மாணவர்களின் அமைதிப் போராட்டத்தின் முடிவில் நூற்றக்கணக்கானோர் கொல்லப்பட்டனர்.
• 1990 - சீனாவின் போயிங் விமானம் கடத்தப்பட்ட பின்னர் அது குவாங்சூ விமானநிலையத்தில் தரையிறங்கும் போது தரையில் நின்ற இரு விமானங்களுடன் மோதியதில் 132 பேர் கொல்லப்பட்டனர்.
• 1992 - பிரேசிலில் சிறைக்கைதிகளின் போராட்டம் ஒன்றின் போது 111 கைதிகள் சுட்டுக் கொல்லபட்டனர்.
• 1996 - பெருவில் விமானம் ஒன்று பசிபிக் பெருங்கடலில் வீழ்ந்ததில் 70 பேர் கொல்லப்பட்டனர்.
• 2005 - நியூயோர்க்கில் படகு ஒன்று கவிழ்ந்ததில் 22 பேர் கொல்லப்பட்டனர்.
• 2006 - பென்சில்வேனியாவில் பாடசாலை ஒன்றில் இடம்பெற்ற துப்பாக்கிச் சூட்டு நிகழ்வில் 5 மாணவிகள் கொல்லப்பட்டனர்.

பிறப்புகள்

• 1452 – இங்கிலாந்தின் மூன்றாம் ரிச்சர்டு (இ. 1485)
• 1538 – சார்லஸ் பொரோமெயோ, இத்தாலியப் புனிதர் (இ. 1584)
• 1800 – நாட் டர்னர், அமெரிக்க அடிமை, கிளர்ச்சித் தலைவர் (இ. 1831)
• 1866 – சுவாமி அபேதானந்தர், சுவாமி இராமகிருஷ்ணரின் நேரடிச் சீடர் (இ. 1939)
• 1869 – மோகன்தாசு கரம்சந்த் காந்தி, இந்திய விடுதலைப் போராட்ட வீரர் (இ. 1948)
• 1904 – கிரஃகாம் கிரீன், ஆங்கிலேய எழுத்தாளர் (இ. 1991)
• 1904 – லால் பகதூர் சாஸ்திரி, இந்தியாவின் 2வது பிரதமர் (இ. 1966)
• 1904 – அ. சிவசுந்தரம், இலங்கைத் தமிழ் அரசியல்வாதி
• 1908 – டி. வி. இராமசுப்பையர், தமிழகப் பத்திரிகையாளர் (இ. 1984)
• 1913 – எல். கே. பி. லகுமையா, காந்தியவாதி (இ. 2013)
• 1916 – ப. நீலகண்டன், தமிழ்த் திரைப்பட இயக்குனர் (இ. 1992)
• 1925 – ஆன் றணசிங்க, ஆங்கிலேய யூதப் பெண் எழுத்தாளர்
• 1933 – சான் பி. குர்தோன், நோபல் பரிசு பெற்ற ஆங்கிலேய உயிரியலாளர்
• 1945 – மார்ட்டின் எல்மேன், அமெரிக்க குறியாக்கவியலாளர்
• 1965 – டொம் மூடி, ஆத்திரேலியத் துடுப்பாளர்

இறப்புகள்

• 1588 – பெர்னாடினோ தெலெசியோ, இத்தாலிய மெய்யியலாளர், இயற்கை அறிவியலாளர் (பி. 1509)
• 1906 – ராஜா ரவி வர்மா, இந்திய ஓவியர் (பி. 1848)
• 1927 – சுவாந்தே அறீனியசு, நோபல் பரிசு பெற்ற சுவீடிய வேதியியலாளர் (பி. 1859)
• 1975 – காமராசர், தமிழகத்தின் முன்னாள் முதலமைச்சர் (பி. 1903)
• 1980 – ஜோன் கொத்தலாவலை, இலங்கைப் படைத்துறை அதிகாரி, அரசியல்வாதி (பி. 1895)
• 2014 – பொள்ளாச்சி நா. மகாலிங்கம், தமிழகத் தொழிலதிபர், மக்கள் சேவையாளர் (பி. 1923)

சிறப்பு நாள்

• காந்தி ஜெயந்தி (இந்தியா)
• அனைத்துலக வன்முறையற்ற நாள்
• விடுதலை நாள் (கினி, 1958)

வெளி இணைப்புகள்

• பிபிசி: இந்த நாளில்
• நியூ யோர்க் டைம்ஸ் இந்த நாளில்
• கனடா இந்த நாளில்

---