கலாப்ரியா

கலாப்ரியா (பிறப்பு: சூலை 30, 1950) தமிழின் நவீன கவிஞர்களில் குறிப்பிடத்தக்கவர். எழுபதுகளில் எழுதத் தொடங்கியவர்.

கலாப்ரியாவின் இயற்பெயர் சோமசுந்தரம். சிறு வயதில் எம்.ஜி.ஆர் ரசிகனாய் தி. மு. க தொண்டனாக தீவிரமாக இயங்கினார்.

அறிஞர் அண்ணாவின் இரங்கல் கூட்டத்திற்காக முதன்முதலில் கவிதை (இரங்கற்பா) எழுதிய சோமசுந்தரம், வண்ணநிலவனின் கையெழுத்து இதழான பொருநையில் கவிதை எழுதும் போது தனக்குத் தானே 'கலாப்ரியா' என்று பெயர் சூட்டிக்கொண்டார். பின்னர் கசடதபறவில் கவிதைகள் வெளிவரும்போது கூர்ந்து கவனிக்கப்பட்டார். கசடதபறவிற்கு பின் வானம்பாடி, கணையாழி, தீபம் ஆகிய இதழ்களில் எழுதினார். கலாப்ரியாவின் கவிதைகளில் பாலுணர்வு வெளிப்பாடுகளும் சில வேளைகளில் வன்முறையும் கொஞ்சம் தூக்கலாக இருக்கிறது என்று சிலரும், இது அவரது கவிதை மாந்தர்கள் வாழ்வை ஒட்டியது என்று சிலரும் கருதுவதுண்டு{பேராசிரியர் தமிழவன் படிகள் இதழில் எழுதிய கட்டுரை, ஜெயமோகன், கலாப்ரியா கவிதைகள் தொகுப்புக்கு எழுதியுள்ள முன்னுரைகள்}.

நெல்லை மாவட்டம் கடையநல்லூரில் வங்கிப் பணி நிறைவு பெற்றவர். தன்னை சுற்றி நிகழும் விஷயங்களை கவிதைகளில் பதிவு செய்து வருகிறார் 'கலாப்ரியா'.

படைப்புகள்

வரிசை எண்	வெளியான ஆண்டு	நூலின் பெயர்	வகை	பதிப்பகம்	குறிப்புகள்
01	1973	வெள்ளம்	கவிதை
02	1973	தீர்த்தயாத்திரை	கவிதை
03	1980	மற்றாங்கே	கவிதை	வாசகசாலை
04	1082	எட்டயபுரம்	கவிதை	அன்னம், சிவகங்கை	பாரதியார் நூற்றாண்டு வெளியீடு
05	1985	சுயம்வரம் மற்றும் கவிதைகள்	கவிதை
06	1993	உலகெல்லாம் சூரியன்	கவிதை
07	1994	கலாப்ரியா கவிதைகள்	கவிதை		1994 வரை வெளிவந்த கவிதைத்தொகுப்புகளின் தொகுப்பு. இதன் மறுபதிப்பு 2000 ஆம் ஆண்டில் வெளிவந்தது
08	2000	அனிச்சம்	கவிதை
09	2003	வனம் புகுதல்	கவிதை
10	2008	எல்லாம் கலந்த காற்று	கவிதை
11	2009	நினைவின் தாழ்வாரங்கள்	கட்டுரைத் தொகுப்பு
12	2010	ஓடும் நதி	கட்டுரைத் தொகுப்பு
13	2010	கலாப்ரியா கவிதைகள் - பேட்டிகள், திறனாய்வுகள், கருத்துகள் உள்ளடக்கியது
14	2011	உருள் பெருந்தேர்	கட்டுரைத் தொகுப்பு
15	2011	நான் நீ மீன்	கவிதைகள்
16	2013	உளமுற்ற தீ	கவிதைகள்
17	2013	சுவரொட்டி	கட்டுரைத் தொகுப்பு
18	2014	காற்றின் பாடல்	கட்டுரைத் தொகுப்பு
19	2015	மறைந்து திரியும் நீரோடை	கட்டுரைத் தொகுப்பு
20	2015	தண்ணீர்ச் சிறகுகள்	கவிதைகள்

விருதுகள்

• தமிழக அரசின் கலைமாமணி விருது
• கவிஞர் சிற்பி இலக்கியவிருது
• ஜஸ்டிஸ் வி. ஆர். கிருஷ்ணய்யர் விருது, மனோன்மணியம் சுந்தரனார் பல்கலைக் கழகம், நெல்லை
• சிறந்த கட்டுரைத் தொகுப்பு - நினைவின் தாழ்வாரங்கள் - விகடன் விருது, மற்றும் சுஜாதா விருது (2010)
• கண்ணதாசன் இலக்கியவிருது - கோவை - 2012
• திருப்பூர் தமிழ்ச்சங்க விருது - உருள் பெருந்தேர்- உரைநடை/புதினம்- 2012
• கவிஞர் தேவமகள் இலக்கிய விருது
• கவிதைக்கணம் வாழ்நாள் சாதனையாளர் விருது
• வைரமுத்துவின் கவிதைத் திருவிழாவில் சிறப்பிக்கப்பட்டது.