ஈழப் புரட்சி அமைப்பு

ஈழப்புரட்சி அமைப்பு Eelam Revolutionary Organization
படிமம்:EROS LOGO WIKI.png
சுருக்கக்குறி	ஈரோஸ்
தலைவர்	கூட்டுத்தலைமை
பொதுச் செயலாளர்	வே. பாலகுமாரன்
நிறுவனர்	இ. இரத்தினசபாபதி, வே. பாலகுமாரன், சங்கர் ராஜி, பாலநடராஜ ஐயர்,அருட்பிரகாசம்
குறிக்கோளுரை	நாம் ஈழவர் - நமது மொழி தமிழ் - நமது தேசம் ஈழம்
தொடக்கம்	3 சனவரி 1975 (1975-01-03)
முன்னர்	ஈழ புரட்சிகர மாணவர் இயக்கம்
இணைந்தது	தமிழீழ விடுதலைப் புலிகள்
தலைமையகம்	திருக்கோணமலை
செய்தி ஏடு	தர்க்கீகம்,பொதுமை,ஈழம்
மதியுரையகம்	ஈழவர் இடர்தீர
மாணவர் அமைப்பு	ஈழமாணவர் பொதுமன்றம்(GUES)
இளைஞர் அமைப்பு	மாணவர் இளைஞர் பொதுமன்றம்(GUYS)
அரசியல் பிரிவு	ஈழவர் சனநாயக முன்னணி
ஆய்வு பிரிவு	ஈழ ஆய்வு நிறுவனம்
துணை அமைப்புக்கள்	ஈழ நண்பர் கழகம் ஈழம் குடிபெயர்ந்தோர் அமைப்புச் சங்கம் தமிழர்நல மருத்துவ அமைப்பு(MUST)
கொள்கை	பொதுவுடைமை,மார்க்சியம்
அரசியல் நிலைப்பாடு	இடதுசாரி அரசியல்
தேசியக் கூட்டணி	ஈழ தேசிய விடுதலை முன்னணி
சர்வதேச தொடர்பு	பலஸ்தீன விடுதலை இயக்கம்
பண்	உன்னுள் இருக்கும்! ஓங்கார மாசக்தி ஓங்கி வளரட்டும் விடுதலை தாங்கி அருளட்டும்!
இலட்சியம்	மன்னார் முதல் மட்டகளப்பு வரை, பருத்திதுறை முதல் பதுளை வரை,பொத்துவில் உள்ளடங்கிய பிரதேசத்தில் வாழும் தமிழ் பேசும் மக்களுக்கு சமத்துவ சமதர்ம ஆட்சியை ஏற்படுத்தல்
இணையதளம்
www.eelavarfront.com

ஈரோஸ் எனும் சுருக்கப்பெயரால் பிரபல்யமாக அறியப்படும் ஈழப்புரட்சி அமைப்பு(ஆங்கிலம்:Eelam Revolutionary Organisation சிங்களம்:ඊළම් විප්ලවවාදී සංවිධානය) 1975 ஆம் ஆண்டு தொடக்கம், இலங்கை தமிழ் பேசும் மக்கள் மத்தியில் செயற்பட்டு வரும் இடதுசாரி ஈழ இயக்கமாகும். மார்க்சிய, லெனினிச சிந்தனைகளை வழிக்காட்டியாக கொண்ட இவ் அமைப்பு பருத்திதுறை முதல் பதுளை வரை, மன்னார் முதல் மட்டகளப்பு வரை, பொத்துவில் அடங்கிய தமிழ் பேசும் மக்கள் வாழும் பிரதேசத்தில் ஈழம் எனும் சமத்துவ சமதர்ம ஆட்சியை நிறுவும் நோக்குடன் 1990 ஆம் ஆண்டு விடுதலைப்புலிகளின் அழுத்தங்களினால் அமைப்பின் செயற்பாடுகள் கலைக்கப்படும் வரை அரசியல்,இராணுவ செயற்பாடுகளில் ஈடுப்பட்டது. ஈரோஸ் அமைப்பின் செயற்பாடுகள் கலைக்கப்பட்டதுடன் அமைப்பின் சொத்துக்கள், வளங்கள் விடுதலை புலிகளிடம் ஒப்படைக்கப்பட்டன. பெருமளவிலான உறுப்பினர்கள் வே.பாலக்குாமரின் தலைமையில் விடுதலைபுலிகளுடன் இணைந்து கொண்டனர். ஏனையவர்களில் ஒரு பிரிவினர் அமைப்பின் அரசியல் பிரிவான ஈழவர் சனநாயக முன்னணி என்ற பெயரில் தொடர்ந்தும் அரசியலில் ஈடுப்பட்டனர். மேலும் ஒரு பிரிவினர் பொது வாழ்க்கைக்கு திரும்பினர். 2009 ஆம் மே 19 ஆம் திகதி விடுதலை புலிகளின் அழிவிற்கு பிறகு ஈரோஸ் அமைப்பு மீண்டும் செயற்பட ஆரம்பித்துள்ளது.

வரலாறு

தோற்றமும் வளர்ச்சியும்

1990 ஆம் ஆண்டு சனவரி மாதம் 3ஆம் திகதி லண்டன் நகரில் இ.இரத்தினசபாபதினால் ஈரோஸ் அமைப்பு தாபிக்கப்பட்டது. அமைப்பின் தாபிப்பு பணிகளில் இ.இரத்தினசபாபதியுடன் , வே. பாலகுமாரன், சங்கர் ராஜி, பாலநடராஜ ஐயர்,அருட்பிரகாசம் ஆகியோரும் பங்கெடுத்தனர்.