விசயகாந்து

விஜயகாந்த்
படிமம்:விஜய காந்த்.JPG தலைவர் தேசிய முற்போக்கு திராவிடக் கழகம்
பிறப்பு	25 ஆகத்து 1952 மதுரை, தமிழ்நாடு, இந்தியா
தொழில்	திரைப்பட நடிகர்
துணைவர்	பிரேமலதா
பிள்ளைகள்	விஜய பிரபாகரன், சண்முக பாண்டியன்

விஜயகாந்த் எனப்படும் அ. விஜயராஜ் நாயுடு ஒரு திரைப்பட நடிகர். தேசிய முற்போக்கு திராவிடக் கழகம் என்னும் அரசியல் கட்சியின் தலைவர். தமிழ்நாடு சட்ட மன்ற உறுப்பினர்; எதிர்க்கட்சித் தலைவர்.

இளமைக்காலம்

விஜயகாந்த் என்னும் விஜயராஜ், விருதுநகர் மாவட்டம், அருப்புக்கோட்டைக்கு அருகில் உள்ள இராமானுசபுரம் என்னும் சிற்றூரில் பிறந்தவர். சிறுவயதிலேயே அவரது குடும்பம் மதுரைக்கு இடம்பெயர்ந்தது. இதனால், விஜயகாந்த் மதுரையில் வளர்ந்தார். தன் தந்தையின் மேற்பார்வையில் இயங்கிய அரிசி ஆலையில் விஜயகாந்த் தனது பதின்ம வயதில் சிறுசிறு பணிகளைச் செய்துவந்தார்.

திரைப்பட உலகில்

விஜயராஜ் தன் பெயரை, அப்பொழுது வெற்றிப்பட நாயகனாக இருந்த ரஜினிகாந்த் பெயரின் சாயலில், விஜயகாந்த் என மாற்றிக்கொண்டார். திரைப்படத்தில் நடிக்கும் நோக்கத்தோடு சென்னைக்கு வந்தார். தொடர் முயற்சிக்குப் பின்னர் 1978 ஆம் ஆண்டிலிருந்து தமிழ்த் திரைப்படங்களில் நடிக்கத் தொடங்கிய இவர், தமிழ்நாட்டின் முன்னணி நடிகர்களுள் ஒருவராக இருந்தார். இவர் இதுவரை 153 படங்களில் நடித்திருக்கிறார்.

மண வாழ்க்கை

படிமம்:பிரேமலதா.jpg

பிரேமலதா

விஜயகாந்த், பெற்றோர் தேர்ந்தெடுத்த பிரேமலதா என்னும் பெண்ணை திருமணம் செய்துகொண்டார்.

அரசியல் உலகில்

திரையுலகில் புகழ்பெறத் தொடங்கியதும் தனது பிறந்த நாளின்பொழுது, ஏழைகளுக்கு நலஉதவிகள் வழங்கி அவற்றை விளம்பரம் செய்து, தன்னை ம. கோ. இரா.வின் வாரிசு என்னும் தோற்றத்தை உருவாக்கினார். அதன் தொடர்ச்சியாக 1993 ஆம் ஆண்டில் தமிழ்நாட்டில் நடைபெற்ற உள்ளாட்சித் தேர்தலில் இவரது ரசிகர் மன்றத்தினர் சுயேச்சையாகப் போட்டியிட்டனர். அவர்களில் பலர் வெற்றிபெற்றனர். இப்பின்புலத்தில் விஜயகாந்த் தானும் அரசியலில் ஈடுபடும் எண்ணங்கொண்டார். அதனை அவ்வப்பொழுது வெளியிட்டும் வந்தார்.

அரசியல் கட்சி

2005ம் ஆண்டு தேசிய முற்போக்கு திராவிடக் கழகம் என்ற பெயரில் புதிய அரசியல் கட்சி ஒன்றைத் தொடங்கினார். இவர் கட்சியின் நிறுவனத் தலைவராகப் பொறுப்பேற்றார். இரசிகர் மன்றத்தின் மாநிலத் தலைவராக இருந்த ராமு வசந்தன், கட்சியின் பொதுச் செயலாளராகப் பொறுப்பேற்றார். விஜயகாந்த் ஒவ்வொரு தேர்தலிலும் மக்களோடும் மகேசனோடும் மட்டும் கூட்டணி; வேறு யாரோடும் கூட்டணி கிடையாது என முழங்கினார்.

சட்டமன்ற உறுப்பினர்

2006ஆம் ஆண்டு தமிழ்நாடு மாநில சட்டமன்றத் தேர்தலில் விருத்தாச்சலம் தொகுதியிலிருந்து வெற்றி பெற்று தமிழக சட்டபேரவை உறுப்பினராக பணியாற்றி்னார். இத்தேர்தலில் மற்ற தொகுதிகளில் போட்டியிட்ட இக்கட்சியைச் சேர்ந்த மற்ற வேட்பாளர்கள் தோல்வி அடைந்தனர்.

எதிர்க்கட்சித் தலைவர்

2011லில் அ.இ.அ.தி.மு.கவுடன் கூட்டணி அமைத்து இரிஷிவந்தியம் தொகுதியிலில் போட்டியிட்டு வெற்றி பெற்றார். இத்தேர்தலில் அவரது கட்சிக்கு எதிர்க்கட்சித் தகுதி கிடைத்தது. இவர் எதிர்க்கட்சி தலைவராக தேர்ந்தெடுக்கப்பட்டுள்ளார்.

வெளி இணைப்பு

• விஜயகாந்த் - ஜெயலலிதா மோதல்