பண்டைக்கால ஒலிம்பிக் விளையாட்டுகள்

பண்டைக்கால ஒலிம்பிக் விளையாட்டுக்கள் (Ancient Olympic Games) பண்டையக் கிரேக்கத்தில் நகர அரசுகளுக்கிடையேயான தொடர்ச்சியான தட கள விளையாட்டு வீரர்களுக்கான போட்டிகளைக் குறிக்கின்றன. இவை ஒலிம்பிக் விளையாட்டுப் போட்டிகள் (கிரேக்க மொழி: Ολυμπιακοί Αγώνες; Olympiakoi Agones) என அழைக்கப்பட்டு வந்தன; தற்காலத்தில் மீளமைவு செய்யப்பட்டிருக்கும் ஒலிம்பிக் விளையாட்டுக்களுக்கு இவையே முதன்மை கருத்துருக்களாக அமைந்தன. பண்டைய ஒலிம்பிக் விளையாட்டுக்கள் கிரேக்கத்தின் ஒலிம்பியாவில் கி.மு 776 இல் துவங்கின. தொடர்ந்து கி.பி 393 வரை இவை நடைபெற்றிருந்தன. போட்டிகளுக்கான பரிசுப் பொருட்களாக சைத்தூன் வளையங்கள், பனைக்கிளைகள் மற்றும் கம்பளி நாடாக்கள் வழங்கப்பட்டன.