ஹன்சிகா மோட்வானி

அன்சிக்கா மோட்வானி
இயற் பெயர்	அன்சிக்கா பிரதீப் மொட்வானி
பிறப்பு	ஆகத்து 9, 1991 (1991-08-09) மும்பை, மகாராட்டிரம், இந்தியா
வேறு பெயர்	சீமா மொட்வானி
தொழில்	நடிகை, வடிவழகி
நடிப்புக் காலம்	2001-இன்று
இணையத்தளம்	http://www.hannsikaa.net/

ஹன்சிகா மோட்வானி (Hansika Motwani, பிறப்பு: ஆகத்து 9, 1991) ஒரு இந்திய நடிகையும் முன்னாள் குழந்தை நடிகையும் ஆவார். முதன்மையாக தமிழ், தெலுங்கு திரைப்படங்களில் தோன்றும் இவர் சில இந்தி, கன்னடத் திரைப்படங்களிலும் தோன்றுகிறார்.

சொந்த வாழ்க்கை

இவர் இந்தியாவில் மங்களூரில் பிறந்தார். இவரது தந்தை பிரதீப் மோட்வானி தொழிலதிபரும், தாயார் மோனா மோட்வானி தோல்நோய் நிபுணரும் ஆவர். ஹன்சிகாவின் தாய்மொழி சிந்தியாக இருந்த போதும் தெலுங்கு, மராத்தி, பெங்காலி, ஆங்கிலம், இந்தி, துளு, தமிழ் ஆகிய மொழிகளை சரளமாக பேசுவார். மும்பையில் போடார் சர்வதேசப் பள்ளியில் கல்வி பயின்றார்.

தொழில் வாழ்க்கை

ஷக்கலக்கா பூம் பூம் என்றழைக்கப்பட்ட தொடரின் மூலம் ஹன்சிகா அவரது தொலைக்காட்சிப் பயணத்தைத் தொடங்கினார் (இது சஞ்சு என்ற பையனைப் பற்றியும் அவனது மந்திரப் பென்சிலைப் பற்றியதுமான கதையாகும்). அதே நேரத்தில் தேஸ் மெய்ன் நிக்லா ஹோகா சானத் என்ற இந்தியத் தொடரில் குழந்தை நட்சத்திரமாக ஹன்சிகா நடித்தார். இதற்காக ஸ்டார் பரிவார் விருதுகளில் விருப்பமான குழந்தை விருதை அவர் பெற்றார். கோய் மில் கயா திரைப்படத்தில் வரும் குழந்தைகளில் ஒருவராகவும் நடித்திருந்தார்.

ஹன்சிகா, பூரி ஜெகனாத்தின் தெலுங்குத் திரைப்படம் தேசமுதுருவில் அல்லு அர்சுனுக்கு ஜோடியாக நடித்து கதாநாயகியாக முதன்முதலில் அறிமுகமானார். இது குற்றப் பத்திரிகை நிருபர் ஒருவர் ஒரு சன்யாசியின் மேல் காதல் கொள்வதைப் பற்றியத் திரைப்படமாகும். இதில் சன்யாசியாக ஹன்சிகா நடித்திருந்தார்.

பாலிவுட்டில் ஒரு முக்கிய நடிகையாக ஆப் கா சரூர் - த ரியல் லவ் ஸ்டோரி யில் இமேஷ் ரெஷிமியாவுடன் ஹன்சிகா அவரது முதல் தொடக்கத்தைத் தந்தார். இதில் இமேஷ் ரெஷிமியாவின் காதலி ரியாவாக பாத்திரம் ஏற்றிருந்தார். 29 ஜூன் 2007 அன்று இத்திரைப்படம் வெளியானது, இத்திரைப்படம் இடைப்பட்ட வெற்றியைக் கொடுத்தது. இதன் பின்னர் ஹீ: த ஒன்லி ஒன் எனத் தலைப்பிடப்பட்ட இந்தித் திரைப்படத்தில் அவரது குடும்பத்திற்காகப் பழிவாங்கும் தயக்கமற்ற ஒரு கொலைகாரி பாத்திரத்தில் நடிக்க கையொப்பமிட்டிருந்தார்,இப்படம் இடைநடுவில் கைவிடப்பட்டது.

புனித் ராஜ்குமாருடன் பிந்தாஸ் எனும் கன்னடத் திரைப்படத்தில் நடித்தார். இத்திரைப்படம் 15 பிப்ரவரி 2008 அன்று வெளியானது, இது ஹன்சிகா இதுவரை நடித்த ஒரேயொரு கன்னடத் திரைப்படமாக இருக்கிறது. 2008 ஆம் ஆண்டு மே மாதம் வெளியான காண்ட்ரி திரைப்படத்தில் அவர் ஜூனியர் என்டிஆர் உடன் இணைந்து நடித்தார். இத்திரைப்படம் மிதமான வெற்றியைப் பெற்றது. மேலும் மஸ்கா எனும் தெலுங்குத் திரைப்படத்தில் ராமுடன் ஒரு முக்கியப் பாத்திரத்தில் நடித்தார்.

நடிகர் தனுஷ் உடன் மாப்பிள்ளை திரைப்படத்தில் நடித்ததன் மூலம் தமிழில் அறிமுகமானார். பின்னர் எங்கேயும் காதல், வேலாயுதம், ஒரு கல் ஒரு கண்ணாடி போன்ற தமிழ்த் திரைப்படங்களிலும் நடித்திருக்கிறார்.

திரைப்பட விவரங்கள்

திரைப்படம்
ஆண்டு	தலைப்பு	பாத்திரம்	மொழி	குறிப்புகள்
2003	எஸ்கேப் ஃப்ரம் தாலிபான்	கன்சா	இந்தி	குழந்தை நட்சத்திரம்
2003	ஹவா	சஞ்சனாவின் மகள்	இந்தி	குழந்தை நட்சத்திரம்
2003	கோயி...மில் கயா	பிரியா சிக்ஸ்	இந்தி	குழந்தை நட்சத்திரம்
2003	ஆப்ரா கா டாப்ரா	பிங்கி	இந்தி	குழந்தை நட்சத்திரம்
2004	ஜாகோ	சுருதி	இந்தி	குழந்தை நட்சத்திரம்
2004	ஹம் கோன் ஹே	சாரா வில்லியம்ஸ்	இந்தி	குழந்தை நட்சத்திரம்
2007	தேசமுதுரு	வைசாலி	தெலுங்கு	வெற்றியாளர் , ஃபிலிம்பேரின் சிறந்த அறிமுக நாயகி (தெற்கு)
2007	ஆப் கா சரூர்	ரியா	இந்தி	பரிந்துரைக்கப்பட்டார், ஃபிலிம்பேரின் சிறந்த அறிமுக நாயகி விருது
2008	பிந்தாஸ்	பிரீத்தி	கன்னடம்
2008	கந்திரி	வரலக்‌ஷ்மி	தெலுங்கு
2008	மனி ஹே தோ ஹனி ஹே	ஆஷிமா கபூர்	இந்தி
2009	மஸ்கா	மீனு	தெலுங்கு
2009	பில்லா	பிரியா	தெலுங்கு	கேமியோ பாத்திரம்
2009	ஜெயீபவா	அஞ்சலி நரசிம்கா	தெலுங்கு
2010	சீதாராமுல கல்யனம்	நந்தினி	தெலுங்கு
2011	மாப்பிள்ளை		தமிழ்
2011	எங்கேயும் காதல்		தமிழ்
2011	வேலாயுதம்	வைதேகி	தமிழ்
2011	ஓ மை பிரண்ட்	ரிடு	தெலுங்கு
2012	ஒரு கல் ஒரு கண்ணாடி	மீரா	தமிழ்
2012	தேனிகைனா ரெடி	ஷர்மிலா	தெலுங்கு
2013	சேட்டை		தமிழ்
2013	வாலு		தமிழ்	படப்பிடிப்பில்
2013	வேட்டை மன்னன்		தமிழ்	படப்பிடிப்பில்
2013	சிங்கம் 2		தமிழ்
2013	பிரியாணி		தமிழ்
2013	தீயா வேலை செய்யனும் குமாரு		தமிழ்
2013	அரண்மனை		தமிழ்	படப்பிடிப்பில்
2013	மான் கராத்தே		தமிழ்	படப்பிடிப்பில்

தொலைக்காட்சி
ஆண்டு	தலைப்பு	பாத்திரம்	மொழி	குறிப்புகள்
2003	கியான்கி சாஸ் பி கபி பாகு தி	பாவ்ரி விரானி	இந்தி
2003	தேஸ் மெய்ன் நிக்கிலா ஹோகா சந்த்	டினா	இந்தி
2003	கரிஷ்மா கா கரிஷ்மா		இந்தி
2003	ஷாகலகா பூம் பூம்	கருணா	இந்தி
2004	ஹம் 2 ஹெயின் நா	கரீனா / கோல்	இந்தி
2004	சிராஸ்	ஹனி	இந்தி

புற இணைப்புகள்

• இணையத் திரைப்பட தரவுத்தளத்தில் ஹன்சிகா மோட்வானி
• ஹன்சிகா மோட்வானி ஆல்பம்