ஜி. வி. பிரகாஷ் குமார்

ஜி. வி. பிரகாஷ் குமார் (பிறப்பு: ஜூன் 13, 1987), தமிழ்த் திரைப்பட இசையமைப்பாளர் ஆவார். இவர் புகழ் பெற்ற இசையமைப்பாளர் ஏ. ஆர். ரஹ்மானின் அக்கா மகனும் ஆவார்.

எஸ். சங்கரின் தயாரிப்பிலும், வசந்தபாலனின் இயக்கத்திலும் உருவானதும், விமர்சகர்களால் பாராட்டப்பட்டதுமான வெயில் என்னும் திரைப்படத்தின் மூலம் இவர் இசையமைப்பாளராக அறிமுகமானார். இப் படத்தில் பாடல்கள் அனைத்தும் மக்களிடையே நல்ல வரவேற்பைப் பெற்றன. அண்மையில் இவர் இசையமைத்த கிரீடம் திரைப்படப் பாடல்களும் பலத்த வரவேற்புப் பெற்றவையாகும். தமிழ்த் திரைப்படத்துறையில் இவர் ஒரு கடின உழைப்பாளியாக விளங்கிகுறார்.

ஏ. ஆர். ரஹ்மானின் இசையமைப்பில் உருவான ஜெண்டில்மேன் தமிழ்த் திரைப்படத்தில் ஒரு பாடகனாக இவர் திரைப்படத் துறையில் காலடி வைத்தார். ரஹ்மானின் வேறு படங்களிலும் இவர் பணியாற்றியுள்ளார்.

இசையமைத்த திரைப்படங்கள்

• வெயில் (2006)
• கிரீடம் (2007)
• பொல்லாதவன் (2007)
• ஓரம் போ (2007)
• எவனோ ஒருவன் (2007)
• காளை (2007)
• குசேலன் (2008)
• ஆனந்த தாண்டவம் (2008)
• நான் அவள் அது (2008)
• சேவல் (2008)
• அங்காடி தெரு (2009)
• ஆயிரத்தில் ஓருவன் (2009)
• இரும்புக்கோட்டை முரட்டு சிங்கம் (2009)
• மதராஸப்பட்டினம் (2010)
• வ (2010)
• ஆடுகளம் (2011)
• தெய்வத்திருமகள் (2011)