2022 தில்லி மாநகராட்சி தேர்தல்

கட்டற்ற கலைக்களஞ்சியமான விக்கிப்பீடியாவில் இருந்து.
2022 தில்லி மாநகராட்சி தேர்தல்

← 2017 4 டிசம்பர் 2022
 
கட்சி ஆஆக பா.ஜ.க காங்கிரசு
விழுக்காடு 42.05% 39.09% 11.68%



முந்தைய 2017 தேர்தல்களில் பெரும்பான்மை

வடக்கு தில்லி மாநகராட்சி - பாஜக
தெற்கு தில்லி மாநகராட்சி - பாஜக
கிழக்கு தில்லி மாநகராட்சி - பாஜக

2022 தேர்தலில் பெரும்பான்மை

ஆம் ஆத்மி கட்சி

தில்லி மாநகராட்சி தேர்தல், தில்லி மாநகராட்சியின் 250 வார்டு உறுப்பினர்களை நேரடித் தேர்தல் மூலம் வாக்காளர்கள் தேர்வு செய்ய 4 டிசம்பர் 2022 அன்று தேர்தல் நடைபெற்றது. வாக்கு எண்ணிக்கை 7 டிசம்பர் 2022 நடைபெற்றது. தேர்தலில் மின்னணு ஓட்டுப்பதிவு இயந்திரம் பயன்படுத்தப்பட்டது. 1.46 கோடி வாக்காளர்கள் உள்ளனர். 18 மே 2022 அன்று தில்லியின் 3 மாநகராட்சிகளை ஒன்றிணைத்து தில்லி மாநகராட்சியாக அறிவிக்கப்பட்ட பிறகு நடக்கும் இத்தேர்தலே தில்லி மாநகராட்சிக்கு நடைபெறும் முதல் தேர்தல் ஆகும். இத்தேர்தலில் முதன்முறையாக ஆம் ஆத்மி கட்சி 134 வார்டுகளில் வென்று, தில்லி மாநகராட்சியைக் கைப்பற்றியது.

பின்னணி[தொகு]

தெற்கு தில்லி மாநகராட்சி, வடக்கு தில்லி மாநகராட்சி மற்றும் கிழக்கு தில்லி மாநகராட்சிகளின் பதவிக்காலம் 18 மே 2022 அன்றுடன் நிறைவுற்றது. [1] .

மீண்டும் தில்லி மாநகராட்சிகளை ஒன்றிணைத்தல்[தொகு]

இந்திய அரசு 22 மார்ச் 2022 அன்று தெற்கு தில்லி மாநகராட்சி, வடக்கு தில்லி மாநகராட்சி மற்றும் கிழக்கு தில்லி மாநகராட்சிகளின் பகுதிகளை ஒருங்கிணைத்து மீண்டும் ஒரே தில்லி மாநகராட்சியாக நிறுவ சட்ட முன்வடிவத்திற்கு ஒப்புதல் வழங்கியது.[2] ஒருங்கிணைந்த தில்லி மாநகராட்சி 22 மே 2022 அன்று நிறுவப்பட்டது.[3]

வார்டுகள் இட ஒதுக்கீடு[தொகு]

250 வார்டுகளை கொண்ட தில்லி மாநகராட்சியின் 42 வார்டுகள் அட்டவணை சமூகத்தவர்களுக்கும், 50 ச தவீதம் பெண்களுக்கும் ஒதுக்கப்பட்டுள்ளது. தேர்தலில் மின்னணு ஓட்டுப்பதிவு இயந்திரம் பயன்படுத்தப்பட உள்ளது. [4]

தேர்தல் அட்டவணை[தொகு]

தில்லி அரசின் தேர்தல் ஆணையம் 4 நவம்பர் 2022 அன்று தில்லி மாநகராட்சிக்கான தேர்தல் அட்டவணையை வெளியிட்டது.[5]

தேர்தல் நிகழ்வுகள் அட்டவணை
தேர்தல் அறிவிக்கை நாள் 7 நவம்பர் 2022
வேட்பு மனு தாக்கல் இறுதி நாள் 14 நவம்பர் 2022
வேட்பு மனு பரிசீலனை நாள் 16 நவம்பர் 2022
வேட்பு மனுவை திரும்பப் பெறும் இறுதி நாள் 19 நவம்பர் 2022
தேர்தல் நாள் 4 டிசம்பர் 2022
வாக்கு எண்ணிக்கை 7 டிசம்பர் 2022

தேர்தலுக்குப் பிந்தைய கருத்துக் கணிப்புகள்[தொகு]

தில்லி மாநகராட்சித் தேர்தலுக்குப் பிந்தைய கருத்துக் கணிப்பில் ஆம் ஆத்மி கட்சி பெரும்பான்மையாக வார்டுகளை கைப்பற்றி தில்லி மாநகராட்சியை கைப்பற்றும் என்றும், பாரதிய ஜனதா கட்சி இரண்டாம் இடத்திலும்; இந்திய தேசிய காங்கிரசு மூன்றாம் இடத்திலும் வரும் எனக் கூறப்பட்டது.[6]

தேர்தல் முடிவுகள்[தொகு]

வாக்கு எண்ணிக்கை முடிவில் மொத்தமுள்ள 250 வார்களில் ஆம் ஆத்மி கட்சி 134 வார்டுகளையும், பாரதிய ஜனதா கட்சி 104 வார்டுகளையும், காங்கிரஸ் கட்சி 9 வார்டுகளையும், சுயேச்சைகள் 3 வார்டுகளையும் கைப்பற்றினர்.[7]

கட்சிகள் வாக்குகள் மொத்த வார்டுகள் (பெரும்பான்மைக்கு 126 வார்டுகள் தேவை)
வாக்குகள் % ± % போட்டியிட்ட வார்டுகள் வெற்றி பெற்ற வார்டுகள் +/- %
ஆம் ஆத்மி கட்சி 42.05% ஏற்றம் 15.82% 250 134[8] ஏற்றம் 85
பாரதிய ஜனதா கட்சி 39.09% ஏற்றம் 3.01% 250 104 வீழ்ச்சி 77
இந்திய தேசிய காங்கிரசு 11.68% வீழ்ச்சி 9.41% 247 9 வீழ்ச்சி 22
சுயேச்சைகள் 3.46% 3 வீழ்ச்சி 7
பிற கட்சிகள் 1.14% 0 வீழ்ச்சி 6
நோட்டோ 0.78%
மொத்த வார்டுகள் 250 - ±0

குறிப்புகள்[தொகு]

  1. 16 seats in NDMC, 12 seats in SDMC, 3 seats in EDMC

மேற்கோள்கள்[தொகு]

  1. "SEC likely to decide on Delhi civic body polls in second week of April: Sources". The Indian Express (in ஆங்கிலம்). 23 March 2022. பார்க்கப்பட்ட நாள் 23 March 2022.
  2. "Union Cabinet clears Bill to merge three municipal corporations of Delhi". mint (in ஆங்கிலம்). 2022-03-22. பார்க்கப்பட்ட நாள் 2022-03-23.
  3. "Delhi's unified municipal corporation formally comes into existence". Firstpost (in ஆங்கிலம்). 2022-05-22. பார்க்கப்பட்ட நாள் 2022-05-28.
  4. டில்லி மாநகராட்சிக்கு டிச.,4ல் தேர்தல்
  5. "Delhi MCD polls to be held on December 4, results on December 7". The Indian Express (in ஆங்கிலம்). 2022-11-04. பார்க்கப்பட்ட நாள் 2022-11-04.
  6. Delhi MCD Exit Poll Results 2022 LIVE Updates: 3 exit polls predict clear win for Aam Aadmi Party
  7. General Election to Municipal Corporation of Delhi – 2022
  8. Delhi MCD Election Results 2022

வெளி இணைப்புகள்[தொகு]