உள்ளடக்கத்துக்குச் செல்

ஹூத்திகள்

கட்டற்ற கலைக்களஞ்சியமான விக்கிப்பீடியாவில் இருந்து.
ஹூத்திகள்
Houthis
الحوثيون
ஏமனிய எதிர்ப்புப் போராட்டம், சிரிய உள்நாட்டுப் போர்[1]
இயங்கிய காலம் 1994–இன்று (2004 முதல் ஆயுதப் போராட்டம்)
கொள்கை சயீதி இசுலாமியம்[2]
ஏகாதிபத்திய எதிர்ப்பு[3]
சீயோனிச எதிர்ப்பு
இனம்/பழங்குடி ஹூத்திகள், சாதாவில் உள்ள யீதி இனக்குழுவின் கூட்டு
தலைவர்கள் *உசைன் பத்ரித்தீன் அல்-ஹூத்தி †
  • அப்துல்-மாலிக் அல் ஹூத்தி
தலைமையகம் சாதா, யெமன்
செயற்பாட்டுப்
பகுதி		 *வடக்கு யெமன்
Strength 100,000 போராளிகள்[4]
கூட்டு அரசுக் கூட்டணி

அரசு-சார்பற்ற கூட்டு

எதிராளிகள் அரச எதிர்ப்பாளர்கள்

அரச-சார்பற்ற எதிர்ப்பாளர்கள்

ஹூத்திகள் (Houthis, அரபி: الحوثيون al-Ḥūthiyyūn), எனப் பொதுவாக அழைக்கப்படும் அன்சார் அல்லா (Ansar Allah, anṣār அல்லாஹ் أنصار الله "கடவுளின் ஆதரவாளர்கள்"), என்ற குழுவினர் யெமன் நாட்டில் இயங்கும் ஒரு இசுலாமிய ஆயுதக் குழுவாகும்.[10] 2004 ஆம் ஆண்டில் தீவிரவாதத்தை ஆரம்பித்த உசைன் பத்ருதீன் அல்-ஹூத்தி என்பவரின் பெயரில் இருந்து இக்குழுவினர் ஹூத்திகள் என அழைக்கப்படுகின்றனர். 2004 செப்டம்பரில் இவர் யெமன் இராணுவத்தினரால் கொல்லப்பட்டார்.[11] அப்துல்-மாலிக் அல்-ஹூத்தி என்பவரின் தலைமையில் இயங்கும் இக்குழு 2014-2015 இல் யெமனில் இடம்பெற்ற ஆட்சிக் கவிழ்ப்பை வெற்றிகரமாக முடித்தது. தற்போது இக்குழு யெமன் தலைநகர் சனா மற்றும் யெமனிய நாடாளுமன்றம் ஆகியவற்றைத் தனது கட்டுப்பாட்டுக்குள் வைத்துள்ளது.[12] ஹூத்திகள் ஈரானிடம் இருந்து 2004 ஆம் ஆண்டு முதல் ஆயுதங்கள், நிதியுதவி, மற்றும் பயிற்சிகளைப் பெற்று வருகின்றனர்.[5]

வரலாறு

[தொகு]

சனா பல்கலைக்கழகப் பேராசிரியரான அகமது அத்தாகாசியின் கூற்றுப்படி, ஹூத்திகள் சகிப்புத்தன்மையைப் போதித்த மற்றும் அனைத்து யெமானிய மக்களுக்குமான பரந்த மனப்பான்மையுடைய பார்வையைக் கொண்டிருந்த ஒரு மிதவாத இறையியல் இயக்கமாகத் தொடங்கினர்.[13] இவர்களது முதல் அமைப்பான "நம்பிக்கை கொண்ட இளைஞர்கள்" எனும் அமைப்பானது மொகம்மெது அல்-ஹூத்தி[14]:98 அல்லது அவரது சகோதரர் உசேன் அல்-ஹூத்தியால்[15] சாடா ஆளுநரகத்தில்[16]:1008 1992-இல் தொடங்கப்பட்டது.

சாடாவில் "ஒரு சைதி புத்தெழுச்சியை ஊக்குவிக்கும்" பொருட்டு[15] "நம்பிக்கை கொண்ட இளைஞர்கள்" அமைப்பானது பள்ளி அணிகளையும், கோடைகால முகாம்களையும் நிறுவியது.[14]:98 1994-95 வாக்கில் 15,000-20,000க்கு இடைப்பட்ட மாணவர்கள் இந்த அமைப்பின் கோடைகால முகாம்களில் இணைந்தனர். இந்த முகாம்களில் நடத்தப்பட்ட சமயப் பாடங்களில் மொகம்மெது உசேன் பத்லல்லா (ஒரு லெபனான் சியா அறிஞர்) மற்றும் அசன் நசுரல்லா (ஹிஸ்புல்லாவின் பொதுச்செயலர்) ஆகியோரால் ஆற்றப்பட்ட உரைகளும் உள்ளடங்கியிருந்தன.[14]:99[17]

அயல்நாட்டு உறவுகள் குறித்த ஐரோப்பிய மன்றம் என்ற அமைப்பின் ஆதாம் பாரோன் என்பவரால் விளக்கப்பட்டுள்ளதன் படி, ஹுத்தி அமைப்புகளின் உருவாக்கமானது யெமனில் அயல்நாடுகள் தலையிட்டதன் ஓர் எதிர்வினை ஆகும். யெமனில் சவூதி-தாக்கம் பெற்ற சித்தாந்தங்களால் ஏற்படும் அச்சுறுத்தல்களுக்கு எதிராக சைதி ஆதரவை அதிகரிப்பது, ஐக்கிய அமெரிக்காவுடனான முந்தைய யெமானிய அரசாங்கத்தின் கூட்டணியைப் பொதுவாகக் கண்டிப்பது உள்ளிட்டவை இவர்களது பார்வைகளில் உள்ளடங்கியிருந்தன. அரசாங்கத்தின் இலஞ்ச ஊழல் குறித்த புகார்கள், சாடாவில் ஹூத்திகளின் தாயகப் பகுதிகளில் பெரும்பாலானவை புறக்கணிக்கப்பட்டது உள்ளிட்டவை இக்குழுவின் முதன்மையான பிரச்சனைகளில் உள்ளடங்கியிருந்தன.[18]

2004-இல் கொல்லப்பட்ட உசேன் அல்-ஹூத்திக்கு நம்பிக்கை கொண்ட இளைஞர்கள் அமைப்புடன் எந்தவித அதிகாரப்பூர்வ உறவுமுறையும் இல்லாதிருந்தாலும், 2003-ஆம் ஆண்டில் ஈராக்கு மீது அமெரிக்கா படையெடுத்து ஆக்கிரமித்ததற்குப் பிறகு, சில சைதிகளை தீவிரப் போக்குடையவர்களாக மாற்றுவதற்கு இவர் பங்களித்தார் என்று சைது என்பவர் குறிப்பிடுகிறார். இந்த அமைப்புடன் தொடர்புடைய இளைஞர்கள் அமெரிக்கா மற்றும் இசுரேலிய எதிர்ப்புச் சொற்றொடர்களை பின்பற்றத் தொடங்கினர். வெள்ளிக் கிழமை தொழுகைகளுக்குப் பிறகு சனாவில் அல் சலே பள்ளிவாசலில் இவர்கள் இதை உரக்கக் கூறினர். சைது என்பவரின் கூற்றுப்படி, இந்த சொற்றொடர்களை உரக்கக் கூறுவது குறித்து ஹூத்தியின் ஆதரவாளர்களுக்கு அறிவுறுத்தப்பட்டதானது யெமானிய அதிகார அமைப்புகளின் கவனத்தை ஈர்த்தது. ஹூத்தி இயக்க தாக்கத்தின் விரிவு குறித்து அரசாங்கத்தின் ஐயங்களை இது மேலும் அதிகரித்தது. தற்போது ஹூத்திகள் 'அமெரிக்கா இறக்க' என்று முழக்கமிட்டால், நாளை '[யெமனின்] அதிபர் இறக்க' என்று முழக்கமிடலாம் என பாதுகாப்பு அதிகார அமைப்புகள் எண்ணியதாகக் குறிப்பிடப்படுகிறது.[19]

2004-இல் நம்பிக்கை கொண்ட இளைஞர்கள் அமைப்பின் ஆதரவாளர்கள் 800 பேர் சனாவில் கைது செய்யப்பட்டனர். சனாவில் சந்திக்கலாம் என உசேன் அல்-ஹூத்திக்கு யெமானின் அதிபர் அலி அப்துல்லா சாலி பிறகு அழைப்பு விடுத்தார். ஆனால், உசேன் இதற்கு மறுப்புத் தெரிவித்தார்.[20] 18 சூன் அன்று உசேனைக் கைது செய்ய அரசாங்கப் படைகளை சாலி அனுப்பினார். மைய அரசாங்கத்துக்கு எதிராக ஒரு கிளர்ச்சியைத் துவக்கியதன் மூலம் உசேன் எதிர்வினையாற்றினார். ஆனால், 10 செப்டெம்பர் அன்று கொல்லப்பட்டார்.[21] 2010-ஆம் ஆண்டு ஒரு சண்டை நிறுத்த ஒப்பந்தம் கையொப்பமிடப்படும் வரை இந்தக் கிளர்ச்சியானது விட்டு விட்டு நடந்தது.[13] இந்த நீண்ட சண்டையின் போது, வடக்கு யெமனில் ஹூத்தி கிளர்ச்சியை ஒடுக்க யெமானிய இராணுவமும், விமானப் படையும் பயன்படுத்தப்பட்டன. ஹூத்திகளுக்கு எதிரான இந்த இராணுவ நடவடிக்கைகளில் சவூதிகள் இணைந்தனர். ஆனால், ஹுத்திகள் சாலி மற்றும் சவூதி அரேபியா ஆகிய இரு பிரிவினரையுமே தோற்கடித்தனர். புரூக்கிங்சு அமைப்பின் கூற்றுப்படி, இது குறிப்பாக சவூதிகளை அவமானமடையச் செய்தது. தங்களது இராணுவத்திற்காக ஆயிரக்கணக்கான கோடி அமெரிக்க டாலர்களை சவூதிகள் செலவழித்திருந்ததே இதற்குக் காரணமாகும்.[22]

2011 யெமானிய எதிர்ப்புப் போராட்டங்களிலும், இதைத் தொடர்ந்து வந்த தேசியப் பேச்சுவார்த்தை மாநாட்டிலும் ஹூத்திகள் பங்கெடுத்தனர்.[23] எனினும், "யெமனை ஏழ்மையான மற்றும் செல்வமான பகுதிகளாகப் பிரிக்கிறது" என்ற அடிப்படையின் கீழும், தேசியப் பேச்சுவார்த்தை மாநாட்டில் தங்களது பிரதிநிதியாக இருந்தவர் அரசியல் கொலை செய்யப்பட்டதற்கு எதிர் வினையாகவும் நவம்பர் 2011-இல் வளைகுடா ஒத்துழைப்பு மன்றத்தால் கொண்டு வரப்பட்ட ஒப்பந்தத்தின் நிபந்தனைகளை இவர்கள் நிராகரித்தனர்.[24][25]

புரட்சி நடந்து கொண்டிருந்த காலத்தின் போக்கில், ஹூத்திகள் இன்னும் அதிகமான நிலப்பரப்பின் கட்டுப்பாட்டைப் பெற்றனர். 9 நவம்பர் 2011 வாக்கில், இரு யெமானிய ஆளுநரகங்கள் (சாடா மற்றும் அல் சவாப்) ஆகியவற்றின் கட்டுப்பாட்டை ஹூத்திகள் கொண்டிருந்ததாகக் கூறப்பட்டது. மூன்றாவது ஆளுநரகத்தை (அஜ்ஜா) பெறும் நிலையை நெருங்கியதாகவும் கூறப்பட்டது.[26] யெமானியத் தலைநகரான சனா மீது ஒரு நேரடி தாக்குதலைத் தொடங்குவதற்கு இது இவர்களுக்கு வாய்ப்பளிக்கும் என்ற நிலை ஏற்பட்டது.[27] மே 2012-இல் சாடா, அல் சவாப் மற்றும் அஜ்ஜா ஆளுநரங்களின் பெரும்பாலான பகுதிகளை ஹுத்திகள் கட்டுப்பாட்டில் கொண்டுள்ளதாகக் குறிப்பிடப்பட்டது. செங்கடலை அடைவதற்கான வழியையும் இவர்கள் பெற்றனர். அதிகரித்த சண்டைக்கு ஆயத்தமாவதற்காக சனாவின் வடக்குப் பகுதியில் தடுப்புகளை இவர்கள் எழுப்பத் தொடங்கினர்.[28]

2014-ஆம் ஆண்டு முதல் 2017-இல் இவர் இறக்கும் வரை ஹூத்திகளுடன் யெமானின் முந்தைய அதிபரான அலி அப்துல்லா சாலி கூட்டணி வைத்திருந்தார். நம்பிக்கை துரோகம் செய்த குற்றச்சாட்டுகளின் அடிப்படையில் ஹூத்திகள் இவரை அரசியல் கொலை செய்தனர்.

செப்டெம்பர் 2014 வாக்கில், அரசாங்கக் கட்டடங்கள் மற்றும் ஒரு வானொலி நிலையம் உட்பட யெமானியத் தலைநகரான சனாவின் பகுதிகளை ஹூத்திகள் கட்டுப்பாட்டில் கொண்டு வந்ததாகக் கூறப்பட்டது.[29] சனாவின் எஞ்சிய பகுதிகளுக்கு ஹூத்திகளின் கட்டுப்பாடானது விரிவடைந்தது. மேலும், இரடா போன்ற பிற பட்டணங்களுக்கும் விரிவடைந்த இதே நேரத்தில், இந்த கட்டுப்பாடானது அல் காயிதாவால் வலிமையாக சவாலுக்கு உள்ளாக்கப்பட்டது. வளைகுடா நாடுகள் ஹூத்திகள் ஈரானிடமிருந்து உதவியை ஏற்றுக் கொண்டதாக நம்பின. அதே நேரத்தில், சவூதி அரேபியாவானது ஹூத்திகளின் யெமானிய எதிரிகளுக்கு வெளிப்படையாக உதவி வழங்கியது.[30]

20 சனவரி 2015 அன்று ஹூத்தி கிளர்ச்சியாளர்கள் தலைநகரத்திலிருந்த அதிபர் மாளிகையைக் கைப்பற்றினர். இந்த கைப்பற்றலின் போது அதிபர் மாளிகையில் அதிபர் அப்தரப்பு மன்சூர் அதி இருந்தார். ஆனால், இவருக்கு எந்த பாதிப்பும் ஏற்படவில்லை.[31] ஹுத்தி இயக்கமானது அதிகாரப்பூர்வமாக யெமானிய அரசாங்கத்தின் கட்டுப்பாட்டை 6 பெப்பிரவரி அன்று பெற்றது. நாடாளுமன்றத்தைக் கலைத்தது. யெமனில் செயல்பாட்டிலுள்ள அதிகார அமைப்பாக இதன் புரட்சிகரக் குழு இருப்பதாக அறிவித்தது.[12] 20 மார்ச்சு அன்று நண்பகல் தொழுகைகளின் போது அல்-பத்ரு மற்றும் அல்-அசூசு பள்ளிவாசல்களானவை தற்கொலைப்படைத் தாக்குதலுக்கு உள்ளாயின. இசுலாமிய அரசானது உடனடியாக இதற்குப் பொறுப்பேற்றது. இந்த குண்டு வெடிப்புகளானவை 142 ஹூத்தி வழிபாட்டாளர்களைக் கொன்றன, 351-க்கும் அதிகமானவர்களைக் காயமடைய வைத்தன. யெமானிய வரலாற்றில் அதிக உயிரிழப்பை ஏற்படுத்திய தீவிரவாதத் தாக்குதலாக இத்தாக்குதல் உருவானது.[32]

27 மார்ச்சு 2015 அன்று இப்பகுதியில் உள்ள சன்னி பிரிவுகளுக்கு ஹூத்திகளால் அச்சுறுத்தல் ஏற்படலாம் என்ற பார்வையின் காரணமாக, பகுரைன், கத்தார், குவைத்து, ஐக்கிய அரபு அமீரகம், எகிப்து, யோர்தான், மொரோக்கோ, சூடான் ஆகிய நாடுகள் சவூதி அரேபியாவின் தலைமையில் யெமனில் ஒரு வளைகுடா கூட்டணி விமானத் தாக்குதலை நடத்தின.[33] இந்த இராணுவக் கூட்டணியில் அமெரிக்காவும் இருந்தது. விமானத் தாக்குதல்களுக்குத் திட்டமிடுவதில் உதவியது. மேலும், போக்குவரத்து மற்றும் உளவியல் ஆதரவையும் வழங்கியது.[34] யெமனில் ஹூத்தி கட்டுப்பாட்டில் உள்ள நிலப்பரப்புகளை கடல் முற்றுகைக்கு உள்ளாக்கிய சவூதி தலைமையிலான நடவடிக்கையில் அமெரிக்கக் கடற்படையும் செயல்பாட்டு ரீதியில் பங்கெடுத்தது.[35] யெமனில் பஞ்சம் பரவியதற்கு முதன்மையாகப் பங்களித்த காரணியாக பல மனித உரிமை அமைப்புகள் இச்செயலைக் குறிப்பிட்டு வாதிடுகின்றன.[36]

நான்கு மாதங்களுக்கு நீடித்த ஏடன் யுத்தமானது (2015) 25 மார்ச்சு மற்றும் 22 சூலை ஆகிய நாட்களுக்கு இடையில் நடைபெற்றது.

எசுகுயர் செய்தி இதழின் ஒரு 2015 செப்டெம்பர் அறிக்கையானது, ஒரு நேரத்தில் ஒதுங்கிய நிலையில் உள்ளவர்களாக இருந்த ஹூத்திகள் தற்போது யெமனில் மிகவும் நிலையான மற்றும் ஒருங்கிணைக்கப்பட்ட சமூக மற்றும் அரசியல் இயக்கங்களில் ஒன்றாகத் திகழ்கின்றனர் என்று குறிப்பிட்டது. யெமனின் நிலையற்ற அதிகார மாற்ற காலத்தால் உருவாக்கப்பட்ட அதிகார வெற்றிடமானது ஹூத்திகள் பக்கம் மேலும் அதிகமான ஆதரவாளர்களை இழுத்தது. முன்னர் சக்தி வாய்ந்த கட்சிகளாக இருந்த பல பிரிவினர் தற்போது தெளிவற்ற பார்வையுடன் அமைப்பு சிதைவுற்று உள்ளனர். பொது மக்களின் ஆதரவை இழந்துள்ளனர். அன்சர் அல்லா (கடவுளின் ஆதரவாளர்கள்) என்ற தங்களது புதிய பெயருடன் ஹூத்திகள் மிகவும் ஈர்ப்புத் தன்மையுடையவர்களாக உள்ளனர் என்று குறிப்பிடப்படுகிறது.[37]

ஹூத்தி செய்தித் தொடர்பாளர் மொகம்மெது அப்தெல் சலாம், சாலியின் இறப்பிற்கு மூன்று மாதங்களுக்கு முன்னர் சாலி மற்றும் ஐக்கிய அரபு அமீரகம் ஆகியோருக்கு இடையில் செய்தித் தகவல் பரிமாற்றங்களைத் தங்கள் குழு கண்டறிந்ததாகக் குறிப்பிட்டார். சாலி, ஐக்கிய அரபு அமீரகம், மற்றும் உருசியா மற்றும் யோர்தான் போன்ற குறிப்பிடத்தக்க எண்ணிக்கையிலான பிற நாடுகளுக்கு இடையில் மறையாக்கச் செய்திகளின் மூலமாக தகவல் பரிமாற்றம் நடத்தப்பட்டதாக இவர் அல் சசீரா செய்தி நிறுவனத்திடம் குறிப்பிட்டார்.[38] சாலி மற்றும் ஹூத்திகளுக்கு இடையிலான கூட்டணியானது 2017-ஆம் ஆண்டின் பிந்தைய பகுதியில் முறிந்தது.[39] 28 நவம்பரிலிருந்து சனாவில் ஆயுதச் சண்டைகளானவை நடைபெறத் தொடங்கின.[40] 2 திசம்பர் அன்று தொலைக்காட்சி அறிக்கையில் தான் ஹூத்திகளிடமிருந்து பிரிந்து விட்டதாக சாலி அறிவித்தார். நாட்டைத் திரும்பப் பெறுமாறு தன்னுடைய ஆதரவாளர்களுக்கு அழைப்பு விடுத்தார்.[41] சவூதி தலைமையிலான கூட்டணியுடன் பேச்சுவார்த்தைக்குத் தான் வெளிப்படையாக உள்ளதாகக் குறிப்பிட்டார். [39]4 திசம்பர் 2017 அன்று குடியிருப்புவாசிகளின் கூற்றுப்படி, ஹூத்தி இயக்கத்தின் போராளிகளால் சனாவிலிருந்த சாலியின் வீடானது தாக்குதலுக்குள்ளானது.[42] அதே நாளில், ஹூத்திகளால் சாலி கொல்லப்பட்டார்.[43][44]

சனவரி 2021-இல் அமெரிக்கா ஹூத்திகளை ஒரு தீவிரவாத இயக்கமாக அறிவித்தது. யெமனில் உதவிகளுக்குப் பற்றாக்குறை ஏற்படும் என்ற ஐயங்களை இது உருவாக்கியது.[45] ஆனால், ஜோ பைடன் அதிபராகி ஒரு மாதம் கழித்து இந்த நிலையானது திரும்பப் பெறப்பட்டது.[46] 17 சனவரி 2022-இல் ஐக்கிய அரபு அமீரகத் தொழிற்துறை இலக்குகள் மீது ஹுத்திகளின் ஏவுகணை மற்றும் ஆளில்லா விமானத் தாக்குதல்களானவை எரிபொருள் சரக்குந்துகளைத் தீக்கிரையாக்கி, மூன்று அயல்நாட்டுப் பணியாளர்களின் உயிரிழப்புகளுக்குக் காரணமாயின. ஹூத்திகள் ஒப்புக் கொண்ட முதல் குறிப்பிட்ட தாக்குதலாகவும், உயிரிழப்புகளுக்குக் காரணமான முதல் தாக்குதலாகவும் இது திகழ்ந்தது.[47] சவூதி அரேபியாவால் இதற்கு எதிர் வினையாக நடத்தப்பட்ட தாக்குதல்களில் 21 சனவரி அன்று யெமனிலுள்ள ஒரு தடுப்புக் காவல் மையத்தின் மீது நடத்தப்பட்ட ஒரு விமானத் தாக்குதலும் உள்ளடங்கியிருந்தது. இது குறைந்தது 70 உயிரிழப்புகளுக்குக் காரணமானது.[48]

காசாப் போர் வெடித்ததைத் தொடர்ந்து, இசுரேல் மீது ஏவுகணைகளை ஏவுவதையும், செங்கடலில் யெமனின் கடற்கரைக்கு அருகில் வரும் கப்பல்களைத் தாக்கவும் ஹூத்திகள் தொடங்கினர். பாலத்தீனர்களுக்கு ஆதரவாகவும், காசாக் கரைக்குள் மனிதாபிமான உதவிகள் நுழைவதை எளிதாக்குவதைக் குறிக்கோளாகக் கொண்டும் தாங்கள் இத்தாக்குதலை நடத்துவதாக இவர்கள் குறிப்பிட்டனர்.[49][50][51] 31 அக்டோபர் அன்று இசுரேல் தொலைதூர ஏவுகணைகளை ஹூத்தி படைகள் ஏவின. இவை இசுரேலின் ஆரோ ஏவுகணை எதிர்ப்பு அமைப்பால் சுட்டு வீழ்த்தப்பட்டன. ஹூத்திகளுடன் விண்வெளியில் நடந்த முதல் சண்டையாக இதை இசுரேலிய அதிகாரிகள் குறிப்பிட்டனர்.[52] செங்கடலில் தாக்குதல்களை நிறுத்தும் பொருட்டு[53] ஹூத்திகள் காசாவில் போர் நிறுத்தத்திற்கும், காசாக்கரை மீது இசுரேல் நடத்தி வரும் முற்றுகையை முடிவுக்குக் கொண்டு வரவும் கோரிக்கை விடுத்தனர்.[54] சனவரி 2024-இல் அமெரிக்காவும், ஐக்கிய இராச்சியமும் யெமனில் உள்ள பல ஹூத்தி இலக்குகள் மீது விமானத் தாக்குதல்களை நடத்தின.[55] அமெரிக்கா ஹூத்திகளைக் குறிப்பிட்டு அறிவிக்கப்பட்ட உலகளாவிய பயங்கரவாதிகளாக அறிவித்தது.[56]

பெப்பிரவரி 2026-இல் ஈரான் மீதான சமீபத்திய அமெரிக்க மற்றும் இசுரேலிய விமானத் தாக்குதல்களுக்கு எதிர் வினையாக கப்பல்கள் மீதான தங்களது தாக்குதல்களைத் தாங்கள் மீண்டும் தொடங்கியுள்ளதாக ஹூத்திகள் அறிவித்தனர்.[57][58]

2026-ஆம் ஆண்டின் அமெரிக்க-ஈரான் போரின் போது, 28 மார்ச்சு 2026 அன்று ஹூத்திகளின் தலைவர் ஓர் உரையை ஆற்றியதற்குப் பிறகு தெற்கு இசுரேலில் உள்ள பீர்சேபாவை நோக்கி யெமனிலிருந்து ஒரு ஹூத்தி ஏவுகணையானது ஏவப்பட்டது.[59][60][61] சில மணி நேரங்கள் கழித்து இரண்டாவதாக ஓர் ஏவுகணையையும் தாங்கள் ஏவியதை ஹூத்திகள் உறுதிப்படுத்தினர்.[62]

மேற்கோள்கள்

[தொகு]
  1. ↑ Solomon, Ariel Ben (31 மே 2013). "Report: Yemen Houthis fighting for Assad in Syria". The Jerusalem Post. Retrieved 6 சூன் 2013.
  2. ↑ "What is the Houthi Movement?". 25 செப்டம்பர் 2014. Archived from the original on 2014-10-06. Retrieved 2015-04-02. {{cite web}}: Check date values in: |date= (help)
  3. ↑ "Houthis fighting 'Western imperialism". 13 January 2014. Archived from the original on 28 ஜூலை 2014. Retrieved 2 ஏப்ரல் 2015. {{cite web}}: Check date values in: |archive-date= (help); Unknown parameter |= ignored (help)
  4. ↑ "Thousands Expected to die in 2010 in Fight against Al-Qaeda". Yemen post. http://yemenpost.net/Detail123456789.aspx?ID=3&SubID=1749&MainCat=2. பார்த்த நாள்: 23 சனவரி 2013.
  5. 1 2 "Iranian support seen crucial for Yemen's Houthis". Reuters. 15 December 2014. Archived from the original on 22 ஏப்ரல் 2015. Retrieved 31 March 2015. {{cite web}}: Unknown parameter |= ignored (help)
  6. ↑ "Syrian regime coordinates military training with Yemeni Houthis". ARA News. 9 March 2015. http://aranews.net/2015/03/syrian-regime-coordinates-military-training-with-yemeni-houthis/. பார்த்த நாள்: 9 March 2015.
  7. ↑ "Source: Hezbollah, Iran helping Hawthi rebels boost control of Yemen's capital". Haaretz. 27 September 2014. Retrieved 31 March 2015.
  8. ↑ Al-Qaeda Announces Holy War against Houthis
  9. ↑ "Islamic State leader urges attacks in Saudi Arabia: speech". Reuters. Archived from the original on 25 டிசம்பர் 2018. Retrieved 26 February 2015. {{cite web}}: Check date values in: |archive-date= (help); Unknown parameter |= ignored (help)
  10. ↑ "Ansar Allah vows to defeat al-Qaeda in Yemen". அக். 2014. Retrieved 2015. {{cite web}}: Check date values in: |accessdate= and |date= (help)
  11. ↑ Deaths in Yemeni mosque blast. அல் ஜசீரா. 2 மே 2008. Press TV Saudi soldier, Houthi leaders killed in north Yemen பரணிடப்பட்டது 2011-07-15 at the வந்தவழி இயந்திரம், 19 November 2009.
  12. 1 2 "Yemen's Houthis form own government in Sanaa". அல் ஜசீரா. 6 பெப்ரவரி 2015. http://www.aljazeera.com/news/middleeast/2015/02/yemen-houthi-rebels-announce-presidential-council-150206122736448.html. பார்த்த நாள்: 7 பெப்ரவரி 2015.
  13. 1 2 Al Batati, Saeed (21 August 2014). "Who are the Houthis in Yemen?". Al Jazeera இம் மூலத்தில் இருந்து 23 August 2014 அன்று. பரணிடப்பட்டது.. https://web.archive.org/web/20140823035209/http://www.aljazeera.com/news/middleeast/2014/08/yemen-houthis-hadi-protests-201482132719818986.html.
  14. 1 2 3 "Regime and Periphery in Northern Yemen: The Huthi Phenomenon" (PDF). RAND. 2010. Archived (PDF) from the original on 6 January 2012. Retrieved 23 January 2013.
  15. 1 2 "Yemen's Abd-al-Malik al-Houthi". BBC News. 3 October 2014 இம் மூலத்தில் இருந்து 2 March 2015 அன்று. பரணிடப்பட்டது.. https://web.archive.org/web/20150302202714/http://www.bbc.co.uk/monitoring/yemens-abd-almalik-alhouthi.
  16. ↑ Freeman, Jack (2009). "The al Houthi Insurgency in the North of Yemen: An Analysis of the Shabab al Moumineen". Studies in Conflict & Terrorism 32 (11): 1008–1019. doi:10.1080/10576100903262716.
  17. ↑ "Profile: The crisis in Yemen". thenational.scot. 23 March 2015. Archived from the original on 15 April 2015. Retrieved 11 April 2015.
  18. ↑ Adam Baron (25 March 2015). "What Went Wrong with Yemen". Politico இம் மூலத்தில் இருந்து 12 August 2015 அன்று. பரணிடப்பட்டது.. https://web.archive.org/web/20150812213233/http://www.politico.com/magazine/story/2015/03/yemen-intervention-116396.html.
  19. ↑ "Yemen: The conflict in Saada Governorate – analysis". ReliefWeb. 24 July 2008. Retrieved 3 June 2025.
  20. ↑ பிழை காட்டு: செல்லாத <ref> குறிச்சொல்; "IRIN2" என்னும் பெயரில் உள்ள ref குறிச்சொல்லுக்கு உரையேதும் வழங்கப்படவில்லை
  21. ↑ பிழை காட்டு: செல்லாத <ref> குறிச்சொல்; "BBC-News-2004a" என்னும் பெயரில் உள்ள ref குறிச்சொல்லுக்கு உரையேதும் வழங்கப்படவில்லை
  22. ↑ Bruce Riedel (18 December 2017). "Who are the Houthis, and why are we at war with them?". Brookings Institution இம் மூலத்தில் இருந்து 12 June 2018 அன்று. பரணிடப்பட்டது.. https://web.archive.org/web/20180612163411/https://www.brookings.edu/blog/markaz/2017/12/18/who-are-the-houthis-and-why-are-we-at-war-with-them/.
  23. ↑ "The Huthis: From Saada to Sanaa". Middle East Report N°154. International Crisis Group. 10 June 2014. Archived from the original on 9 April 2015. Retrieved 29 November 2014.
  24. ↑ "Yemen Al Houthi rebels slam federation plan as unfair". Gulf News. 11 February 2014 இம் மூலத்தில் இருந்து 12 March 2014 அன்று. பரணிடப்பட்டது.. https://web.archive.org/web/20140312050925/http://gulfnews.com/news/gulf/yemen/yemen-al-houthi-rebels-slam-federation-plan-as-unfair-1.1289512.
  25. ↑ al-Hassani, Mohammed (6 February 2014). "Houthi Spokesperson Talks to the Yemen Times". Yemen Times இம் மூலத்தில் இருந்து 16 March 2014 அன்று. பரணிடப்பட்டது.. https://web.archive.org/web/20140316103201/http://yementimes.com/en/1753/intreview/3454/Houthi-spokesperson-talks-to-the-Yemen-Times.htm.
  26. ↑ "Houthis Close to Control Hajjah Governorate, Amid Expectations of Expansion of Control over Large Parts of Northern Yemen". Islam Times. 29 November 2011 இம் மூலத்தில் இருந்து 5 April 2012 அன்று. பரணிடப்பட்டது.. https://web.archive.org/web/20120405064347/http://www.islamtimes.org/vdcirrazyt1azq2.ilct.html.
  27. ↑ "Al-Houthi Expansion Plan in Yemen Revealed". Yemen Post. 9 November 2011 இம் மூலத்தில் இருந்து 9 November 2011 அன்று. பரணிடப்பட்டது.. https://web.archive.org/web/20111109115052/http://yemenpost.net/Detail123456789.aspx?ID=3&SubID=4288&MainCat=3.
  28. ↑ "New war with al-Houthis is looming". Yemen observer இம் மூலத்தில் இருந்து 20 May 2012 அன்று. பரணிடப்பட்டது.. https://web.archive.org/web/20120520160942/http://www.yobserver.com/front-page/10022057.html.
  29. ↑ "Houthis seize government buildings in Sanaa". Al Jazeera இம் மூலத்தில் இருந்து 22 September 2014 அன்று. பரணிடப்பட்டது.. https://web.archive.org/web/20140922084435/http://www.aljazeera.com/news/middleeast/2014/09/houthis-control-government-buildings-sanaa-2014921141611393880.html.
  30. ↑ Kareem Fahim (7 January 2015). "Violence Grows in Yemen as Al Qaeda Tries to Fight Its Way Back". The New York Times இம் மூலத்தில் இருந்து 8 January 2015 அன்று. பரணிடப்பட்டது.. https://web.archive.org/web/20150108151459/http://www.nytimes.com/2015/01/08/world/violence-grows-in-yemen-as-al-qaeda-tries-to-fight-its-way-back.html.
  31. ↑ "Yemen Houthi rebels 'seize presidential palace'". BBC News. 20 January 2015 இம் மூலத்தில் இருந்து 28 May 2018 அன்று. பரணிடப்பட்டது.. https://web.archive.org/web/20180528095042/http://www.bbc.co.uk/news/world-middle-east-30903516.
  32. ↑ "Death toll hits 142 from attacks in Yemen mosques". Al Bawaba. 20 March 2015 இம் மூலத்தில் இருந்து 22 March 2015 அன்று. பரணிடப்பட்டது.. https://web.archive.org/web/20150322235853/http://www.albawaba.com/news/two-mosques-yemen-attacked-suicide-bombers-during-friday-prayers-many-injured-671470.
  33. ↑ "Saudi 'Decisive Storm' waged to save Yemen". Al Arabiya News. 26 March 2015 இம் மூலத்தில் இருந்து 27 March 2015 அன்று. பரணிடப்பட்டது.. https://web.archive.org/web/20150327054325/http://english.alarabiya.net/en/News/middle-east/2015/03/26/GCC-states-to-repel-Houthi-aggression-in-Yemen-statement-.html.
  34. ↑ Keane, Angela Greiling (26 March 2015). "U.S. Backs Saudi-Led Yemeni Bombing With Logistics, Spying". Bloomberg News இம் மூலத்தில் இருந்து 29 March 2015 அன்று. பரணிடப்பட்டது.. https://web.archive.org/web/20150329214914/https://www.bloomberg.com/news/articles/2015-03-26/yemeni-bombing-led-by-saudis-is-backed-by-u-s-logistics-spying.
  35. ↑ "U.S. carrier moving off the coast of Yemen to block Iranian arms shipments" பரணிடப்பட்டது 25 திசம்பர் 2019 at the வந்தவழி இயந்திரம். USA Today. 20 April 2015.
  36. ↑ McKernan, Bethan (7 November 2018). "Battle rages in Yemen's vital port as showdown looms". The Guardian இம் மூலத்தில் இருந்து 7 November 2018 அன்று. பரணிடப்பட்டது.. https://web.archive.org/web/20181107073244/https://www.theguardian.com/world/2018/nov/07/yemen-hodeidah-airstrikes-saudi-led-coalition-ceasefire-calls. "The port has been blockaded by the Saudi-led coalition for the past three years, a decision aid organizations say has been the main contributing factor to the famine that threatens to engulf half of Yemen's 28 million population."
  37. ↑ Plotter, Alex (4 June 2015). "Yemen in crisis". Esquire இம் மூலத்தில் இருந்து 23 July 2018 அன்று. பரணிடப்பட்டது.. https://web.archive.org/web/20180723004015/https://www.esquireme.com/brief/news/is-yemen-on-the-brink-of-economic-meltdown-and-civil-war.
  38. ↑ "الحوثيون: رصدنا رسائل بين صالح وأبوظبي قبل 3 شهور" (in அரபிக்). Al Khaleej. 4 December 2017. Archived from the original on 15 June 2018. Retrieved 5 December 2017.
  39. 1 2 Edroos, Faisal (4 December 2017). "How did Yemen's Houthi-Saleh alliance collapse?". Al Jazeera இம் மூலத்தில் இருந்து 19 May 2019 அன்று. பரணிடப்பட்டது.. https://web.archive.org/web/20190519214826/https://www.aljazeera.com/news/2017/12/yemen-houthi-saleh-alliance-collapse-171204070831956.html.
  40. ↑ Leith Fadel (2 December 2017). "Violence escalates in Sanaa as Saleh loyalists battle Houthis". Al Masdar News. Archived from the original on 19 May 2019. Retrieved 2 December 2017.
  41. ↑ Yemen: Conflict intensifies between former rebel allies பரணிடப்பட்டது 25 திசம்பர் 2019 at the வந்தவழி இயந்திரம், 0:24, அல் ஜசீரா ஆங்கிலம் (3 December 2017)
  42. ↑ "Yemen's Houthis blow up ex-president Saleh's house". Reuters. 4 December 2017 இம் மூலத்தில் இருந்து 25 November 2018 அன்று. பரணிடப்பட்டது.. https://web.archive.org/web/20181125000314/https://uk.reuters.com/article/uk-yemen-security-house/yemens-houthis-blow-up-ex-president-salehs-house-idUKKBN1DY15Y.
  43. ↑ "Yemen's former President Ali Abdullah Saleh killed trying to flee Sanaa". CNN. 4 December 2017 இம் மூலத்தில் இருந்து 11 December 2017 அன்று. பரணிடப்பட்டது.. https://web.archive.org/web/20171211225323/http://edition.cnn.com/2017/12/04/middleeast/yemen-former-president-ali-abdullah-saleh-killed-intl/index.html.
  44. ↑ "Yemen's ex-president Saleh shot dead after switching sides in civil war". Reuters. 4 December 2017 இம் மூலத்தில் இருந்து 4 December 2017 அன்று. பரணிடப்பட்டது.. https://web.archive.org/web/20171204171345/https://www.reuters.com/article/us-yemen-security/yemens-ex-president-saleh-shot-dead-after-switching-sides-in-civil-war-idUSKBN1DY12V.
  45. ↑ McKernan, Bethan (11 January 2021). "'Diplomatic vandalism': aid groups' fury as US puts Houthis on terror list". தி கார்டியன் இம் மூலத்தில் இருந்து 11 January 2021 அன்று. பரணிடப்பட்டது.. https://web.archive.org/web/20210111113404/https://www.theguardian.com/world/2021/jan/11/us-designation-of-yemen-houthis-as-terrorists-will-worsen-humanitarian-crisis.
  46. ↑ Nick Schifrin; Ali Rogin (16 February 2021). "In foreign policy shift, Biden lifts terrorist designation for Houthis in Yemen". PBS. Archived from the original on 12 April 2021. Retrieved 12 April 2021.
  47. ↑ Marcus, Jonathan (22 January 2022). "Yemen rebel attack on UAE throws challenge to the region". பிபிசி இம் மூலத்தில் இருந்து 23 January 2022 அன்று. பரணிடப்பட்டது.. https://web.archive.org/web/20220123031552/https://www.bbc.com/news/world-middle-east-60082786.
  48. ↑ "Scores killed in Yemen prison air strike carnage". BBC. 21 January 2022 இம் மூலத்தில் இருந்து 17 March 2022 அன்று. பரணிடப்பட்டது.. https://web.archive.org/web/20220317134931/https://www.bbc.com/news/world-middle-east-60082788.
  49. ↑ "US warship intercepts missiles fired from Yemen 'potentially towards Israel'" (in en-GB). BBC News. 20 October 2023 இம் மூலத்தில் இருந்து 18 July 2024 அன்று. பரணிடப்பட்டது.. https://web.archive.org/web/20240718015902/https://www.bbc.com/news/world-middle-east-67166863.
  50. ↑ Mannes, Marie; Saul, Jonathan; Baertline, Lisa (19 December 2023). "Companies rush to avert disruption from Red Sea attacks as shipping rates rise". Reuters. Retrieved 20 December 2023.
  51. ↑ "Who are the Houthis, the group attacking ships in the Red Sea?". The Economist. 12 December 2023 இம் மூலத்தில் இருந்து 1 January 2024 அன்று. பரணிடப்பட்டது.. https://web.archive.org/web/20240101234442/https://www.economist.com/the-economist-explains/2023/12/12/who-are-the-houthis-the-group-attacking-ships-in-the-red-sea. பார்த்த நாள்: 2 January 2024. "Since the bombardment of Gaza began, the Houthis, a Yemeni rebel group, have launched a series of attacks on cargo ships. The insurgents, who are backed by Iran, say they are acting in solidarity with Palestinians. They have threatened to attack any ship bound for or leaving Israel without delivering humanitarian aid to Gaza."
  52. ↑ "The deadly missile race in the Middle East". தி எக்கனாமிஸ்ட். 7 November 2023 இம் மூலத்தில் இருந்து 8 November 2023 அன்று. பரணிடப்பட்டது.. https://web.archive.org/web/20231108001801/https://www.economist.com/middle-east-and-africa/2023/11/07/the-deadly-missile-race-in-the-middle-east.
  53. ↑ "By bombing Yemen, the west risks repeating its own mistakes". The Guardian. 12 January 2024 இம் மூலத்தில் இருந்து 14 January 2024 அன்று. பரணிடப்பட்டது.. https://web.archive.org/web/20240114171527/https://www.theguardian.com/commentisfree/2024/jan/12/yemen-houthi-militia-israel-gaza-red-sea.
  54. ↑ "Yemen's Houthis say Red Sea attacks do not threaten peace with Riyadh". Reuters. 11 January 2024. https://www.reuters.com/world/middle-east/yemens-houthis-say-un-resolution-navigation-red-sea-is-political-game-2024-01-11/.
  55. ↑ Bland, Archie; McKernan, Bethan (12 January 2024). "Who are the Houthis and how did the US and UK strikes on Yemen come about?". தி கார்டியன். https://www.theguardian.com/world/2024/jan/12/yemen-houthi-rebels-who-are-they-what-attacking-us-uk-airstrikes-red-sea-crisis.
  56. ↑ "U.S. designates Houthi rebels as specially designated global terrorists". Public Broadcasting Service. 17 January 2024 இம் மூலத்தில் இருந்து 30 January 2024 அன்று. பரணிடப்பட்டது.. https://web.archive.org/web/20240130180319/https://www.pbs.org/newshour/world/u-s-designates-houthi-rebels-as-specially-designated-global-terrorists.
  57. ↑ 김지연. "[美 이란 공격] 예멘 반군 "홍해·이스라엘 공격 재개할 것"". Yonhap (in கொரியன்). Retrieved 1 March 2026.
  58. ↑ "후티 반군, 이란 공습에 "홍해 공격 재개" 선언". OceanPress (in கொரியன்). Retrieved 1 March 2026.
  59. ↑ "후티 "신에 대한 의지로 대응"…석유 위기 증폭". Channel A. 27 March 2026. Retrieved 28 March 2026.
  60. ↑ "예멘 후티, 미국에 경고…"홍해로 이란 공격시 군사 개입"(상보)". Yonhap. Retrieved 28 March 2026.
  61. ↑ "예멘 후티 반군 "중동 전황 따라 군사 대응"". YTN. 27 March 2026. Retrieved 28 March 2026.
  62. ↑ "Yemen's Houthis launch second missile attack on Israel and vow to continue over coming days". BBC News (in பிரிட்டிஷ் ஆங்கிலம்). 2026-03-29. Retrieved 2026-03-29.

வெளி இணைப்புகள்

[தொகு]
"https://ta.wikipedia.org/w/index.php?title=ஹூத்திகள்&oldid=4659393" இலிருந்து மீள்விக்கப்பட்டது