ஹிமா தாசு

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஹிமா தாசு
Hima Das
হিমা দাস
Hima Das Tampere 2018 (cropped).jpg
இமா தாசு 2018 இல்
தனிநபர் தகவல்
தேசியம்இந்தியர்
பிறப்பு9 சனவரி 2000 (2000-01-09) (அகவை 19)
திங், நாகாவோன், அசாம்
விளையாட்டு
நாடு இந்தியா
விளையாட்டுதடகள விளையாட்டு
நிகழ்வு(கள்)400 மீ
பயிற்றுவித்ததுநிப்போன் தாசு
சாதனைகளும் விருதுகளும்
தனிப்பட்ட சாதனை(கள்)400 மீ: 51.13 (குவகாத்தி 2018)

ஹிமா தாசு (Hima Das, பிறப்பு: 9 சனவரி 2000) ஒரு இந்திய விரைவோட்ட வீராங்கனை ஆவார். அவர் IAAF உலக தடகள சாம்பியன்சிப் 20 வயதுக்குட்பட்டோர் போட்டியில் தங்கப்பதக்கம் வென்ற முதல் இந்தியர் ஆவார்.[1]

ஆரம்ப வாழ்க்கை[தொகு]

ஹிமா தாஸ் இந்திய மாநிலம் அஸ்ஸாமில் நாகான் நகரில் பிறந்தார். அவரது பெற்றோர்கள் ரோன்ஜித் மற்றும் ஜோமாலி தாஸ் ஆவர். அவர்களுக்கு ஹிமாவுடன் சேர்த்து மூன்று குழந்தைகள்.[2] ஹிமா சிறுவயதில் மண் தரையில் சிறுவர்களுடன் கால்பந்து விளையாடுவார். அவரது கனவு இந்திய கால்பந்து அணியில் இடம் பெற வேண்டுவதாக இருந்தது.

வாழ்க்கை[தொகு]

ஹிமா தாசு, உலகளாவிய போட்டியில் பதக்கம் வென்ற முதல் இந்திய தடகள விரைவோட்ட வீரர் ஆவார். அவர், பின்லாந்து, தம்பீரேவில் நடந்த 2018 - 20 வயதுக்குட்பட்டோர் உலக சாம்பியன்சிப், 400 மீட்டர் பெண்கள் இறுதி போட்டியில் தங்கம் வென்றார், அவர் எடுத்துக்கொண்ட நேரம் 51.46 விநாடிகள்.[3][4] அவர் கடைசி 80 மீட்டர் தொலைவில் முன்னணியிலிருந்த 3 போட்டியாளர்களை முந்திச் சென்று, தங்கம் வென்று வரலாறு படைத்தார்.

தாஸ் 20 வயதுக்குட்பட்டோர் உலக சாம்பியன்சிப் போட்டியில் பதக்கம் வென்ற இந்தியர்களில் ஒருவரானார். இந்தப் பட்டியலில் உள்ள மற்றவர்கள்: சீமா புனியா (வெண்கலம், வட்டெறிதல்), நவஜித் கவுர் தில்லான்(வெண்கலம், வட்டெறிதல்) மற்றும் நீரஜ் சோப்ரா (தங்கம், ஈட்டி எறிதல்).

செப்டம்பர் 2018 இல் அதிதாஸ் ஹிமா தாசுடன் ஒரு ஒப்பந்த உடன்படிக்கை மேற்கொண்டது.[5]

இவர் போலந்தில் நடைபெற்ற பொன்சான் தடகள கிராண்ட் பிரிக்ஸ் போட்டியில் சூலை 2, 2019 இல் 200 ஓட்டப்பந்தயத்தில் 23.65 வினாடிகளில் முடித்துள்ளார்.[6]

இதற்குப் பிறகு, இவர் போலந்தில் நடைபெற்ற குன்டோ தடகளப் போட்டியில் 200 மீ ஓட்டப்பந்தயத்தில், சூலை 7, 2019 அன்று 23.97 விநாடிகளில் முடித்தார்.[7]

இதே ஆண்டில் செக் குடியரசில், சூலை 13 அன்று நடைபெற்ற 200 மீ ஓட்டப்பந்தயத்தில் 23.43 வினாடிகளில் ஓடி தங்கப் பதக்கம் வென்றார்.[8]

2019, சூலை 17 இல் செக் குடியரசில் நடைபெற்ற டாபார் தடகளப் போட்டியில் 200 மீட்டர் ஓட்டப்பந்தயத்தை 23.25 வினாடிகளில் ஓடி தங்கப்பதக்கம் வென்றார்.[9]

20 சூலை 2019 இல், செக் குடியரசின், நோவ் மெஸ்டோவில் நடைபெற்ற 400 மீட்டர் ஓட்டப்பந்தயத்தில் பந்தய தூரத்தை 52.09 வினாடிகளில் கடந்து தங்கப்பதக்கம் வென்றுள்ளார். [10]

ஹிமா தாசு, சூலை 2019, மாதத்தில் மட்டும் சர்வதேச தடகளப் போட்டிகளில் 5 தங்கப்பதக்கங்களை வென்றுள்ளார்.

விருதுகள் மற்றும் மரியாதைகள்[தொகு]

  • பின்லாந்து, தம்பீரேவில் நடந்த 2018 - 20 வயதுக்குட்பட்டோர் உலக சாம்பியன்ஷிப், 400 மீட்டர் இறுதி போட்டியில் தங்கம் வென்றார்.

மேற்கோள்கள்[தொகு]

  1. "Kohli, Sachin Lead the Way as Cricketers Pay Tribute to Hima Das for Scripting History" (13 July 2018). பார்த்த நாள் 13 July 2018.
  2. http://www.espn.co.uk/athletics/story/_/id/22667482/hima-das-meteoric-rise-assam-village-gold-coast
  3. "Hima Das scripts history, wins gold in 400m". தி டைம்ஸ் ஆஃப் இந்தியா (12 July 2018). பார்த்த நாள் 13 July 2018.
  4. "Hima Wins Historic Gold for India". Hotstar (13 July 2018). பார்த்த நாள் 13-07-2018.
  5. "Adidas signs endorsement deal with athlete Hima Das".
  6. Hima Das wins 200m gold in Poland [1]. Press Trust of India
  7. Hima Das won 200m gold at the Kutno Athletics Meet, Poland [2]. Gulf News Sport
  8. Hima Das won 200m gold at Kladno Athletics Meet, Czech Republic[3]." THE TIMES OF INDIA"
  9. Hima Das won 200m gold at the Tabor Athletics Meet in the Czech Republic [4]."NDTV Sports"
  10. "Hima das won gold in 400m race" https://indianexpress.com/article/sports/sport-others/hima-das-gold-400-metre-5839524/
"https://ta.wikipedia.org/w/index.php?title=ஹிமா_தாசு&oldid=2779386" இருந்து மீள்விக்கப்பட்டது