உள்ளடக்கத்துக்குச் செல்

ஸ்ரீவள்ளி பாமிடிபதி

கட்டற்ற கலைக்களஞ்சியமான விக்கிப்பீடியாவில் இருந்து.
ஸ்ரீவள்ளி பாமிடிபதி
முழுப் பெயர்ஸ்ரீவள்ளி பாமிடிபதி
நாடு இந்தியா
பிறப்பு12 திசம்பர் 2001 (2001-12-12) (அகவை 24)
தெலங்கானா, இந்தியா
விளையாட்டுகள்வலது (இரு கைகளால் செய்யப்படும் பேக்ஹேண்ட்)
பரிசுப் பணம்$69,470
ஒற்றையர் போட்டிகள்
சாதனைகள்டென்னிசு சாதனை | வெற்றி=112 | தோல்வி=88
பட்டங்கள்2 ஐடிஎஃப்
அதிகூடிய தரவரிசைஎண் 300 (28 அக்டோபர் 2024)
தற்போதைய தரவரிசைஎண் 396 (26 மே 2025)
இரட்டையர் போட்டிகள்
சாதனைகள்டென்னிசு சாதனை|வெற்றி=86|தோல்வி=61
பட்டங்கள்6 ஐடிஎஃப்
அதியுயர் தரவரிசைஎண் 266 (9 ஜூன் 2025)
தற்போதைய தரவரிசைஎண் 281 (26 மே 2025)
அணிப் போட்டிகள்
கூட்டமைப்புக் கோப்பை7–1
பதக்கத் தகவல்கள்
மகளிர் டென்னிசு
நாடு  இந்தியா
இற்றைப்படுத்தப்பட்டது: 26 மே 2025.

ஸ்ரீவள்ளி ராஷ்மிகா பாமிடிபதி (Shrivalli Bhamidipaty) (பிறப்பு: 12 டிசம்பர் 2001) [1] ஓர் இந்திய தொழில்முறை டென்னிசு வீராங்கனை ஆவார். இவர் இந்திய தேசிய டென்னிசு அணிக்காக விளையாடி வருகிறார். 2025 மே 26 நிலவரப்படி, மகளிர் டென்னிசு சங்கத்தின் ஒற்றையர் தரவரிசையில் 330வது இடத்தில் உள்ளார். மேலும், இந்திய மகளிர் டென்னிசு வீராங்கனைகளில் தரவரிசை அடிப்படையில் மூன்றாவது உயர்ந்த இடத்தில் உள்ள வீராங்கனையாகத் திகழ்கிறார். இந்திய டென்னிசில் வளர்ந்து வரும் திறமையான இளம் வீராங்கனைகளில் ஒருவராக ஸ்ரீவள்ளி பாமிடிபதி அறியப்படுகிறார்.[2]

ஆரம்ப வாழ்க்கை

[தொகு]

ஸ்ரீவள்ளி பாமிடிபதி தெலங்கானா மாநிலத்தின் ஹைதராபாத்தைச் சேர்ந்தவர். இவர் பட்டயக் கணக்காளரான பி.ஆர்.என். பிரசாத், பி. ராஜ்ஷ்ரீ ஆகியோருக்கு மகளாகப் பிறந்தார். ஹைதராபாத்தின் நாச்சாரத்தில் அமைந்துள்ள டெல்லி பப்ளிக் பள்ளியில் தனது பள்ளிக் கல்வியை முடித்தார்.[3] பின்னர் வணிகவியலில் பட்டப்படிப்பை முடித்த இவர், லண்டனில் பட்டயக் கணக்கியல் படிப்பை மேற்கொள்ளத் திட்டமிட்டுள்ளார். டென்னிசு வீரர்கள் அணியும் கவர்ச்சிகரமான விளையாட்டு உடைகளால் ஈர்க்கப்பட்டு, தனது 11 வயதில் டென்னிசு விளையாடத் தொடங்கினார்.[4] ஹைதராபாத்தில் பயிற்சியாளர் ஆனந்த் குமாரின் வழிகாட்டுதலின் கீழ் பயிற்சி பெற்று வருகிறார். மேலும், தனது ஆட்டத் திறனை மேம்படுத்துவதற்காக டெல்லியைச் சேர்ந்த முன்னாள் டேவிஸ் கோப்பை வீரர் விஷால் உப்பாலின் பயிற்சி உதவியையும் பெற்றுள்ளார்.[5] ஸ்ரீவள்ளி பாமிடிபதிக்கு பீனிக்ஸ் குழுமம், லட்ச்யா ஸ்போர்ட்ஸ் எடெல்கிவ் அறக்கட்டளை ஆகியவை ஆதரவாளர்களாக உள்ளன.

விளையாட்டுப் பயணம்

[தொகு]

2025 ஆம் ஆண்டு ஏப்ரல் மாதத்தில், புனேயில் உள்ள பலேவாடி விளையாட்டு வளாகத்தில் நடைபெற்ற பில்லி ஜீன் கிங் கோப்பை ஆசியா–ஓஷனியா குழு–1 போட்டியில், இந்திய மகளிர் மூத்தநிலை அணிக்காக ஸ்ரீவள்ளி பாமிடிபதி முதன்முறையாக களமிறங்கினார். அந்தத் தொடரில் இவர் விளையாடிய ஐந்து ஒற்றையர் ஆட்டங்களிலும் வெற்றி பெற்று சிறப்பான சாதனை படைத்தார். அவற்றில் மூன்று வெற்றிகள் தன்னை விட உயர்ந்த தரவரிசை கொண்ட வீராங்கனைகளுக்கு எதிராகப் பெறப்பட்டவை. இந்திய அணி அந்தப் போட்டியின் பிளே-ஆஃப் சுற்றுக்கு முன்னேறுவதிலும் இவரது பங்களிப்பு முக்கியமானதாக இருந்தது.[6][7] முதல் நாளில் நியூசிலாந்தின் ஐஷி தாஸை 6–1, 6–1 என்ற செட் கணக்கில் தோற்கடித்தார். பின்னர் தாய்லாந்தின் லான்லானா தராருடீயை 6–2, 6–4 என்ற கணக்கில் வென்றார். ஹாங்காங் அணிக்கு எதிரான தனது போட்டிகளிலும் வெற்றி பெற்றார்.[8] 2025 ஏப்ரல் 11 அன்று, சீன தைபேயைச் சேர்ந்த உலக தரவரிசையில் 207வது இடத்தில் இருந்த ஜோஆனா கார்லண்டை 6–2, 7–6 (7–3) என்ற கணக்கில் 2 மணி நேரம் 38 நிமிடங்கள் நீண்ட ஆட்டத்தில் வீழ்த்தினார்.[9][10] தனது ஐந்தாவது மற்றும் கடைசி ஆட்டத்தில், 2025 ஏப்ரல் 12 அன்று தென் கொரியாவின் சோஹ்யூன் பார்கை 5–7, 6–3, 7–6 (7–5) என்ற செட் கணக்கில் 2 மணி நேரம் 52 நிமிடங்கள் போராடி வென்றார்.[11][12][13] 2024 ஆம் ஆண்டு பிப்ரவரியில் நடைபெற்ற டபிள்யூ.டி.ஏ. மும்பை ஓபன் போட்டியில் பங்கேற்றார். அதே ஆண்டு மார்ச் மாதத்தில், மருத்துவமனையில் இருந்து வெளியேறிய சில மணி நேரங்களுக்குப் பிறகே இந்தூரில் நடைபெற்ற ஐ.டி.எஃப். போட்டியின் இறுதிப் போட்டியில் விளையாடினார்.[14] 2024 டிசம்பரில், மகாராஷ்டிர மாநிலத்தின் சோலாப்பூரில் நடைபெற்ற ஓயாசிஸ் சோலாப்பூர் ஓபன் மகளிர் ஐ.டி.எஃப். டென்னிசு போட்டியில் பட்டம் வென்றார். இறுதிப் போட்டியில் தாய்லாந்தின் தாம்சைவாட் பி-யை 7–5, 6–3 என்ற கணக்கில் தோற்கடித்தார்.[15][16][17] 2023 ஆம் ஆண்டு தனது முதல் தேசிய மூத்தநிலை பட்டத்தை வென்று, ஃபெனெஸ்டா ஓபன் தேசிய டென்னிசு சாம்பியன்ஷிப் 2023 பட்டத்தை கைப்பற்றினார். அதே ஆண்டு நவம்பரில், பெங்களூருவில் நடைபெற்ற பவுரிங் இன்ஸ்டிட்யூட் ஐ.டி.எஃப். மகளிர் உலக டென்னிசு சுற்றுப்போட்டி இறுதியில் வெற்றி பெற்று தனது முதல் ஐ.டி.எஃப். பட்டத்தையும் வென்றார்.[18]

மேற்கோள்கள்

[தொகு]
  1. ↑ "Shrivalli Bhamidipaty | Player Stats & More – WTA Official". Women's Tennis Association (in ஆங்கிலம்). Retrieved 2025-04-14.
  2. ↑ "From Hyderabad, emerges another promising Indian Tennis Star: The Shrivalli Bhamidipaty story - Indian Tennis Daily". indiantennisdaily.com (in அமெரிக்க ஆங்கிலம்). 2023-12-03. Retrieved 2025-04-14.
  3. ↑ "City tennis player wins her first-ever ITF singles title". The Hindu (in ஆங்கிலம்). 2017-07-24. Retrieved 2025-11-25.
  4. ↑ "Accidental tennis star Shrivalli on a winning streak". The Indian Express (in ஆங்கிலம்). 2025-04-12. Retrieved 2025-04-14.
  5. ↑ Subrahmanyam, V. V. (2023-10-14). "Rashmika focused on the present, wants to keep things simple" (in en-IN). The Hindu. https://www.thehindu.com/sport/tennis/tennis/article67420659.ece.
  6. ↑ Sinha, Aditi (2025-04-13). "Billie Jean King Cup: Shrivalli emerges as India's hero in Pune". thebridge.in (in ஆங்கிலம்). Retrieved 2025-04-14.
  7. ↑ "Inspired Shrivalli Helps India Pip South Korea 2-1, Qualify For Billie Jean King Cup Playoffs". Outlook India (in ஆங்கிலம்). 2025-04-13. Retrieved 2025-04-14.
  8. ↑ "Shrivalli Bhamidipaty – 3 wins from 3 matches in Billie Jean King Cup matches at Pune". The Indian Express (in ஆங்கிலம்). 2025-04-11. Retrieved 2025-04-14.
  9. ↑ Today, Telangana (2025-04-12). "Shrivalli and Vaidehi lead India to a 2-1 victory against Chinese Taipei in Billie Jean King Cup". Telangana Today (in ஆங்கிலம்). Retrieved 2025-04-14.
  10. ↑ IANS (2025-04-12). "BJK Cup 2025: Vaidehi, Shrivalli help India down Chinese Taipei; close in on a playoff spot". The Statesman (in ஆங்கிலம்). Retrieved 2025-04-14.
  11. ↑ "Shrivalli Rashmikaa Bhamidipaty live scores, results, fixtures | Flashscore.in / Tennis". www.flashscore.in (in Indian English). Retrieved 2025-04-14.
  12. ↑ "Billie Jean Cup 2025: Team India Seal Historic Playoffs Berth With Win Over Korea As Shrivalli Bhamidipaty Shines | Sports News". News18 (in ஆங்கிலம்). Retrieved 2025-04-14.
  13. ↑ Srinivasan, Kamesh (2025-04-12). "Billie Jean King Cup: Indian team qualifies for Playoffs for the first time since 2020-21". Sportstar (in ஆங்கிலம்). Retrieved 2025-04-14.
  14. ↑ "Shrivalli Bhamidipaty jumps from hospital bed to tennis court in ITF Indore final" (in en-us). Hindustan Times. 2024-03-17 இம் மூலத்தில் இருந்து 2025-02-06 அன்று. பரணிடப்பட்டது.. https://web.archive.org/web/20250206140753/https://www.hindustantimes.com/sports/tennis/shrivalli-bhamidipaty-jumps-from-hospital-bed-to-tennis-court-in-itf-indore-final-101710696707884.html.
  15. ↑ "Tennis: ITF W35 Solapur Women live score, results, fixtures | Flashscore.in". www.flashscore.in (in Indian English). Retrieved 2025-04-14.
  16. ↑ "Rashmikaa wins Oasis Solapur Open Women's ITF $25K Tennis Tournament". Telangana Today (in ஆங்கிலம்). 2024-12-15. Retrieved 2025-04-14.
  17. ↑ "Shrivalli wins singles title at Oasis Solapur Open MSLTA – SDLTA $ 25K ITF Womens Tennis". mslta.org. 20 December 2024. Retrieved 2025-04-14.
  18. ↑ "Rashmikaa wins maiden ITF title". The Times of India. 2023-11-27. https://timesofindia.indiatimes.com/articleshow/105522647.cms?utm_source=contentofinterest&utm_medium=text&utm_campaign=cppst.

வெளி இணைப்புகள்

[தொகு]
"https://ta.wikipedia.org/w/index.php?title=ஸ்ரீவள்ளி_பாமிடிபதி&oldid=4564744" இலிருந்து மீள்விக்கப்பட்டது