வைரம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
Diamond
Rough diamond.jpg
வைரத்தின் எண்முக முக்கோண வடிவம். இதன் பளபளக்கும் ஒளி முகங்கள் இந்த படிகம் ஒரு முதன்மை தொகுதியில் இருந்து வந்தது என்று தெரிவிக்கின்றன.
பொதுவானாவை
பகுப்பு பூர்வீக கனிமங்கள்
வேதி வாய்பாடு C
இனங்காணல்
மோலார் நிறை 12.01 கி/மோல்
நிறம் பொதுவாக, மஞ்சள், பழுப்பு அல்லது நிறமற்ற சாம்பல். சில நேரம் நீலம், பச்சை, கருப்பு, வெள்ளை, இளஞ்சிவப்பு, ஊதா, ஆரஞ்சு, ஊதா மற்றும் சிவப்பு.
படிக இயல்பு எண்முக முக்கோணகம்
படிக அமைப்பு சம அளவு, Hexoctahedral (கனசதுரம் (படிக முறை))
பிளப்பு 111 (நான்கு திசைகளிலும் பூரணமானது)
முறிவு சங்கு போன்ற
மோவின் அளவுகோல் வலிமை 10
கீற்றுவண்ணம் நிறமற்றது
ஒளிஊடுருவும் தன்மை ஒளிபுகும் பொருளிலிருந்து ஒளி கசியும் பொருளாக.
ஒப்படர்த்தி 3.52±0.01
அடர்த்தி 3.5–3.53 கி/செமீ3
Polish luster Adamantine
ஒளியியல் பண்புகள் Isotropic
ஒளிவிலகல் எண் 2.418 (500 நமீ இல்)
இரட்டை ஒளிவிலகல் எதுவும் இல்லை
பலதிசை வண்ணப்படிகமை எதுவும் இல்லை
Dispersion 0.044
உருகுநிலை அழுத்தம் சார்ந்து
மேற்கோள்கள் [1][2]

வைரம் (Diamond) என்பது படிக நிலையில் உள்ள கரிமம். பட்டை தீட்டிய வைரம் ஒளியை அழகோங்க சிதறச் செய்வதால் நகையணிகள், ஆபரணங்களில் பயன்படுத்தப்படுகின்றது. வைரம் நவரத்தினங்களுள் ஒன்றாகும். இயற்கையில் காணப்படும் யாவற்றினும் மிகவயிரம் (வயிரம்=உறுதி) நிறைந்த பொருள் இதுவாகும். ஒரு பொருளின் உறுதியை அளக்கும் அளவீட்டு முறையாகிய மோவின் உறுதி எண் முறையில் வைரத்தின் உறுதி எண் 10 ஆகும். இவ்வுறுதியின் அடிப்படியிலேயே வைரத்திற்கு தமிழ்ப் பெயரும் அமைந்துள்ளது. வயிரம் என்பதில் இருந்து வைரம் என்னும் சொல் உண்டானது. இதன் மிகுகடினத்தன்மை காரணமாக தொழிலகங்களில் அறுத்தல் போன்ற பணிகளுக்குப் பயன்படுத்தப்படுகின்றது. கண்ணாடி போன்ற பொருள்களை வேண்டிய அளவு வெட்ட வைரம் பதித்த கீறும் கருவி பரவலாகப் பயன்படுகின்றது. அறிவியல் அறிஞர்கள் பல்வேறு முறைகளில் செயற்கையாகவும் வைரம் செய்து காட்டியுள்ளனர். இவைகள்தாம் பெரும்பாலும் தொழிலகக் கருவிகளில் பயன்படுகின்றன. ஆபிரிக்கக் கண்டத்தின் மத்திய மற்றும் தெற்குப் பகுதிகளிலேயே வைரம் பெருமளவிற் காணப்படுகிறது. கனடா, இந்தியா, பிரேசில், ரஷ்யா, ஆஸ்திரேலியா போன்ற நாடுகளிலும் வைரம் கிடைக்கிறது. ஆண்டுதோறும் ஏறத்தாழ 130 மில்லியன் காரட் (26,000 கிலோ கிராம்) வைரம் அகழந்தெடுக்கப்படுகிறது.

வரலாறு[தொகு]

வைரங்கள் முதலில் இந்தியாவில் கண்டறிந்து தோண்டி எடுக்கப்பட்டதாக கருதப்படுகிறது. வைரக்கல்லின் வண்டல் படிவு பென்னாறு, கிருஷ்ணா மற்றும் கோதாவரி ஆற்று படுகைகளில் பல நூற்றாண்டுகளுக்கு முன்பு (குறைந்தது 3,000 ஆண்டுகள்)இருந்ததாக அறியப்படுகிறது. [3]

வைரங்கள் பண்டைய இந்தியாவில் மத சின்னமாக பயன்படுத்தியதை அடுத்து ராசிக்கல்லாக கருதப்படுகிறது. வேலைப்பாட்டு கருவிகளில் அவற்றின் பயன்பாடு ஆரம்பகால மனித வரலாற்றில் இருந்தே இருக்கிறது. [4][5] அதிகரித்த தேவை, மேம்படுத்தப்பட்ட பட்டை தீட்டும் முறை மற்றும் பாலிஷ் நுட்பங்கள், உலக பொருளாதாரத்தில் வளர்ச்சி, புதுமையான மற்றும் வெற்றிகரமான விளம்பர பிரச்சாரங்களினால் வைரத்தின் புகழ் 19 ஆம் நூற்றாண்டு முதல் உயர்ந்துள்ளது. [6]

1772 ஆம் ஆண்டில், அந்தோனி லெவாய்சர் ஆக்சிஜன் உள்ள சூழலில் உள்ள ஒரு வைர கல்லின் மீது சூரிய கதிர்களை ஒரு லென்ஸ் பயன்படுத்தி விழ செய்து, கார்பன் டை ஆக்சைடு மட்டுமே உருவாவதை காட்டி வைரமும் ஒரு வகை கார்பன் தான் என்று நிரூபித்தார். பின்னர் 1797 இல் , ஸ்மித்ஸன் டெனன்ட் மீண்டும் அந்த சோதனையை விரிவுபடுத்தினார். வைரம் மற்றும் கிராஃபைட்டை எரியும் போது அவை ஒரே அளவு வாயு வெளியிடும் என்றதை விளக்கி இந்த பொருட்களின் இரசாயன சமானத்தை நிறுவினார்.[7]

இன்று வைரங்களின் மிக பிரபலமான பயன்பாடு அலங்காரம். பழங்காலத்தில் இருந்தே இவ்வாறு பயன்படுத்தப்பட்டு வருகிறது. வெள்ளை ஒளியை சிதறல் அடைய செய்து நிறமாலை வண்ணங்களை வெளிப்படுத்துவது வைரத்தின் முதன்மை பண்பாகும். வைரத்தின் பொதுவான நான்கு பண்புகள் காரட், வெட்டு, நிறம், மற்றும் தெளிவு ஆகும் [8] ஒரு பெரிய, குறைபாடற்ற வைரம் பாரகான் என அறியப்படுகிறது. .

இயல்பு[தொகு]

கார்பனின் கட்ட விளக்கப்படம்
வைரம் மற்றும் கிராஃபைட் கார்பனின் இரண்டு புறவேற்றுமைத்திரிவுகள் ஆகும். அதே தனிமத்தின் தூய வடிவம், ஆனால் அமைப்பு வேறுபடுகிறது

வைரம் விதிவிலக்கான பண்புகளை கொண்டிருப்பதால் அதற்கு பல பயன்கள் உண்டு. குறிப்பிடத்தக்கவை அதன் தீவிர கடினத்தன்மை மற்றும் வெப்ப கடத்தும் தன்மை (900–2,320 W·m−1·K−1) , [9] அத்துடன் பரந்த பட்டை இடைவெளி மற்றும் உயர் ஒளி சிதைவு .[10] 1700 செல்சியஸ் (1973 கெல்வின் / 3583 F}}) க்கு மேல் வெற்றிடம் அல்லது ஆக்சிஜன் இல்லாத சூழலில் , வைரம் கிராஃபைட்டாக மாறுகிறது ; இயற்கையில் வைரத்தின் அடர்த்தி 3.15g/cm3 இருந்து 3.53 g/cm3 வரை இருக்கும். தூய வைரத்தின் அடர்த்தி 3.52 g/cm3 இருக்க வேண்டும். [1] வைரத்தில் உள்ள கார்பன் அணுக்களின் இரசாயன பிணைப்பு கிராஃபைட்டை விட பலவீனமாக உள்ளது. கிராஃபைட்டில், அணுக்கள் ஒன்றன் மீது ஒன்று எளிதாக சரிய முடியும். அதனால் அதன் ஒட்டுமொத்த கட்டமைப்பு பலவீனமாக உள்ளது. அதேசமயம் வைரம் ஒரு நெகிழ்வற்ற முப்பரிமாண அணி அமையப்பெற்றுள்ளது. [11]

கடினத்தன்மை[தொகு]

ஒரு பொருளின் கடினத்தன்மை அதன் அரிப்பு எதிர்ப்பு தன்மையை கொண்டு வரையறுக்கப்படுகிறது. கடினத்தன்மையின் அளவுக்கோலான மோவின் அளவுகோலில், வைரம் 10 ( மிகவும் கடினமான பொருள் ) [12] என குறிப்பிடப்படுகிறது. வைரத்தின் கடினத்தன்மை பழங்காலத்தில் இருந்தே அறியப்படுகிறது.

வைரத்தின் கடினத்தன்மை அதன் தூய்மை, படிக பூரணம், நோக்குநிலை ஆகியவற்றை பொறுத்தது. ஒரு சில வகை வைரங்களை போரான் நைட்ரைடு போன்ற பிற பொருட்களை கொண்டு வெட்ட முடியும். ஆனால் கடினமான வைரங்களை மற்ற வைரம் மற்றும் நானோகிரிஸ்டலின் வைர கூட்டின் மூலமே வெட்ட முடியும்.

மின் கடத்து திறன்[தொகு]

வைரத்திற்கு பல சிறப்பு பயன்பாடுகள் உள்ளன அல்லது குறைகடத்தியாக பயன்படுத்துவது உட்பட சில புது பயன்பாடுகள் உருவாக்கப்பட்டு வருகின்றன. சில நீல வைரங்கள் இயற்கை குறைக்கடத்திகளாக செயல்படுகின்றன. [13] மாறாக வைரங்கள் சிறந்த மின்காப்புப்பொருள்களாகும். இந்த கடத்தும் திறன் மற்றும் நீல நிறம் போரான் அசுத்தத்தால் ஏற்படுகிறது.

கணிசமான கடத்துதிறன் இரசாயன ஆவி படிதல் முறையில் தயாரிக்கப்பட்ட வைரத்தில் காணப்படுகிறது. இந்த கடத்துதிறன் மேற்பரப்பில் பரப்பு ஹைட்ரஜன் தொடர்பான இனங்கள் ஈர்க்கப்படுவதால் ஏற்படுகிறது. அது வெம்மென் அல்லது பிற மேற்பரப்பு சிகிச்சைகள் மூலம் நீக்க முடியும் . [14][15]

மேற்பரப்பு இயல்பு[தொகு]

வைரத்தின் மேற்பரப்பை நீர் ஈரமாக்க முடியாது, ஆனால் எளிதாக எண்ணெயால் ஈரமாக்க முடியும். இந்த இயல்பு செயற்கை வைரங்கள் செய்யும் போது எண்ணெய் பயன்படுத்தி வைரத்தை பெறுவதற்கு பயன்படுத்த முடியும். வைர பரப்புகளில் சில அயனிகளால் வேதியியல் மாற்றம் ஏற்படும் போது [16] அது மனித உடல் வெப்பநிலையில் நீர் பனியின் பல அடுக்குகளை உறுதிப்படுத்த முடியும். [17]

இரசாயன உறுதி[தொகு]

வைரம் அதிகமாக எதிர்வினை புரிபவை அல்ல. அறை வெப்பநிலையில் வைரங்கள் வலுவான அமிலங்கள் மற்றும் காரங்கள் உள்ளிட்ட எந்த இரசாயன மறுதுணைப்பொருட்களோடும் வினைபுரிவது இல்லை. ஒரு வைர மேற்பரப்பில் ஒரு சில ஆக்ஸிஜனேற்றிகளால் அதிக வெப்பநிலையில் ( 1,000 ° C கீழே ) ஒரு சிறிய மாற்றம் நிகழலாம். எனவே, அமிலங்கள் மற்றும் bases செயற்கை வைரங்கள் சுத்தப்படுத்த பயன்படுத்த முடியும் .[16]

வெளி இணைப்புகள்[தொகு]

மேற்கோள்கள்[தொகு]

  1. 1.0 1.1 "Diamond". Mindat. பார்த்த நாள் 2013-திசம்பர்-26.
  2. "Diamond". WebMineral. பார்த்த நாள் 2013-திசம்பர்-26.
  3. Hershey, W. (1940). The Book of Diamonds. New York: Hearthside Press. பக். 22–28. ISBN 1-4179-7715-9. http://books.google.com/?id=35eij1e1al8C&pg=PA23. 
  4. மூத்த பிளினி (2004). Natural History: A Selection. Penguin Books. p. 371. ISBN 0-14-044413-0. 
  5. "Chinese made first use of diamond". BBC News. 2005-05-17. http://news.bbc.co.uk/2/hi/science/nature/4555235.stm. பார்த்த நாள்: 2013-திசம்பர்-26. 
  6. Epstein, E.J. (1982). "Have You Ever Tried To Sell a Diamond?". The Atlantic. பார்த்த நாள் 2013-திசம்பர்-26.
  7. Hazen, R. M (1999). The diamond makers. Cambridge University Press. பக். 7–10. ISBN 0-521-65474-2. http://books.google.com/?id=fNJQok6N9_MC&pg=PA7. 
  8. Hesse, R. W. (2007). Jewelrymaking through history. Greenwood Publishing Group. p. 42. ISBN 0-313-33507-9. http://books.google.com/?id=DIWEi5Hg93gC&pg=PA42. 
  9. Wei, L.; Kuo, P. K.; Thomas, R. L.; Anthony, T.; Banholzer, W. (1993). "Thermal conductivity of isotopically modified single crystal diamond". Physical Review Letters 70 (24): 3764–3767. doi:10.1103/PhysRevLett.70.3764. பப்மெட் 10053956. Bibcode1993PhRvL..70.3764W. 
  10. Walker, J. (1979). "Optical absorption and luminescence in diamond". Reports on Progress in Physics 42 (10): 1605–1659. doi:10.1088/0034-4885/42/10/001. Bibcode1979RPPh...42.1605W. 
  11. Gray, Theodore (September 2009). "Gone in a Flash". Popular Science: 70. http://www.popsci.com/diy/article/2009-08/burn-diamonds-torch-and-liquid-oxygen. 
  12. Read, P. G. (2005). Gemmology. Butterworth-Heinemann. பக். 49–50. ISBN 0-7506-6449-5. http://books.google.com/?id=t-OQO3Wk-JsC&pg=PA49. 
  13. Collins, A.T. (1993). "The Optical and Electronic Properties of Semiconducting Diamond". Philosophical Transactions of the Royal Society A 342 (1664): 233–244. doi:10.1098/rsta.1993.0017. Bibcode1993RSPTA.342..233C. 
  14. Landstrass, M.I.; Ravi, K.V. (1989). "Resistivity of chemical vapor deposited diamond films". Applied Physics Letters 55 (10): 975–977. doi:10.1063/1.101694. Bibcode1989ApPhL..55..975L. 
  15. Zhang, W.; Ristein, J.; Ley, L. (2008). "Hydrogen-terminated diamond electrodes. II. Redox activity". Physical Review E 78 (4): 041603. doi:10.1103/PhysRevE.78.041603. Bibcode2008PhRvE..78d1603Z. 
  16. 16.0 16.1 "Basic Properties of Diamond". DiamondBladeSelect.com.
  17. Wissner-Gross, A. D.; Kaxiras, E. (2007). "Diamond stabilization of ice multilayers at human body temperature". Physical Review E 76: 020501. http://www.alexwg.org/link?url=http%3A%2F%2Fwww.alexwg.org%2Fpublications%2FPhysRevERapidComm_76-020501.pdf. 

"http://ta.wikipedia.org/w/index.php?title=வைரம்&oldid=1582970" இருந்து மீள்விக்கப்பட்டது