தீ நுண்மம்

கட்டற்ற கலைக்களஞ்சியமான விக்கிப்பீடியாவில் இருந்து.
(வைரசுகள் இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
தீ நுண்மம்
Human Immunodeficency Virus - stylized rendering.jpg
எச்.ஐ.வி தீநுண்மம்
Virus classification
குழு: I–VII
Groups

I: dsDNA viruses
II: ssDNA viruses
III: dsRNA viruses
IV: (+)ssRNA viruses
V: (-)ssRNA viruses
VI: ssRNA-RT viruses
VII: dsDNA-RT viruses

தீ நுண்மம் அல்லது நச்சுயிரி, அல்லது நச்சுநுண்மம், அல்லது வைரசு (virus) என்பது வளர்சிதைமாற்றச் சடத்தன்மை கொண்ட, மிக நுண்ணிய (20-300nm விட்டமுடைய), தாம் வாழும் ஓம்புயிர்களின் உயிரணுக்களில் மட்டுமே தம்மைப் பெருக்கிக்கொள்ளக்கூடிய, ஆர்.என்.ஏ அல்லது டி.என்.ஏ யைச் சுற்றி ஒரு புரத உறையைக் கொண்ட ஒரு நுண்ணுயிர் ஆகும்.[1]. தீ நுண்மங்களிடம் இனப்பெருக்கம் செய்வதற்கான நுண்ணுறுப்பு கட்டமைப்பும் இல்லாததால், அவற்றால் தாமாக இனப்பெருக்கம் செய்ய முடியாதவை என்பதனால், இவை உயிரற்றவை என்ற கருத்தும் முன்வைக்கப்படுகிறது[2]. இன்னொரு உயிரினத்தின் உயிரணுக்களைத் தாக்கி, அவற்றின் பொறிமுறையைப் பயன்படுத்தி அவை தம்மைப் பெருக்கிக் கொள்கின்றன[3]. சில நுண்ணியலாளர்கள் தீ நுண்மத்தை ஒரு நுண்ணுயிர் என அழைத்தபோதிலும், அவை உயிரற்றவையாக இருப்பதனாலும், வேறு உயிரினங்களில் நோயை ஏற்படுத்துவதனாலும், வேறு சிலர் இதனை நோய்த் தொற்றுக் காரணி என்றே குறிப்பிடுகின்றனர்.[4]

இவை தாவரங்கள், விலங்குகள், பாக்டீரியாக்கள், ஆர்க்கியாக்கள் என அனைத்து வகை உயிரினங்களிலும் தொற்று ஏற்படுத்தும் வல்லமை உள்ளது.[5] வைரசு என்ற சொல் மெய்க்கருவுயிரியைத் தாக்கும் துகள்களைக் குறிக்கும். நிலைக்கருவிலிகளைத் தாக்கும் துகள்களை நுண்ணுயிர் தின்னி என்று அழைக்கிறோம்.

அமைப்பு[தொகு]

வைரசு என்ற இலத்தீன் சொல்லுக்கு நஞ்சு, நச்சுப்பொருள் என்று பொருள். வைரசுகளை ஒரு வாழும் உயிரினம் என சொல்ல முடியாது, ஏனெனில் இவை வெளிப்புறத்தில் இருக்கும் வரை ஓர் உயிரற்ற பொருளாகவே (inert) இருக்கும், ஆனால் தக்கவோர் உயிரினத்தின் உள்ளே புகுந்தவுடன் பல்கிப் பெருகும் தன்மை உடையது. பொதுவாக அனைத்து தீ நுண்மங்களும் (வைரசுகளும்) ஒரு மரபணு பொருளையும் (டி.என்.ஏ அல்லது ஆர்.என்.ஏ ) அதனைச் சுற்றி புரத உறையாலான (coat protein) ஒரு கூடும் (capsid) இருக்கும். சில தீநுண்மங்களில் முள் (Spikes) போன்ற அமைப்பும் உள்ளன. இவை கிளைக்கோ புரதங்களாக ஆக்கப்பட்டு இருக்கும்.

பரவுதல்[தொகு]

தீநுண்மங்கள் பூச்சிகளாலும் (இவை பரப்பி என்னும் பொருள் கொண்ட நோய்க்காவி என அழைக்கப்படும்), காற்றின், நீர், குருதிப் பரிமாற்றம் மூலம் பரவும். ஆட்கொல்லி நோயான எயிட்ஸ் மற்றும் பாதுகாப்பற்ற உடல் உறவு, தூய்மை இல்லாத ஊசிகள் மூலமும் பரவுகிறது. வெறி நாய்க்கடி நோய் (ராபீசு) நாய், பூனைகள் சில நேரங்களில் எலிகள் மூலமும் பரவ வாய்ப்புள்ளது. அண்மையில் வவ்வால்கள் மூலமும் ராபீசு பரவ வாய்ப்புள்ளதாக எச்சரிக்கை விடப்பட்டுள்ளது.

வகைப்பாட்டியல்[தொகு]

வைரசுகளை அவை தாக்கும் உயிரினம், மரபு இழை, மரபு இழைகளின் செயலாக்கம் (based on the transcription) பொறுத்து பல வகைகளாக பிரிக்கலாம்.

தாக்கும் உயிர்களை பொறுத்து[தொகு]

மரபு இழைகளை பொறுத்து[தொகு]

டி.என்.ஏ வைரசுகள்[தொகு]

டி.என்.ஏ யின் இழை வடிவத்தைப் பொறுத்து, இவை மேலும் இரு பிரிவுகளாக பிரிக்கப்படுகின்றன.

ஓரிழை டி.என்.ஏ வைரசுகள் (ssDNA virus)[தொகு]
ஈரிழை டி.என்.ஏ வைரசுகள் (dsDNA virus)[தொகு]

எ.கா: மையோ வைரசு.

ஆர்.என்.எ வைரசுகள்[தொகு]

இவைகளும் ஒரிழையகவோ அல்லது ஈரிழையாக இருக்கின்றன.

ஓரிழை ஆர்.என்.எ வைரசுகள்[தொகு]

எ.கா: ரெட்ரோ வைரசு, போலியோ வைரசு, போட்டி வைரசு (poty virus)

ஈரிழை வைரசுகள்[தொகு]

ரியோ வைரசு, ரோட வைரசு, என ஆர்.என்.எ வைரசுகள் பகுக்கப்படுகிறது.

மரபு இழைகளின் செயலாக்கத்தைப் பொறுத்து[தொகு]

மரபு இழைகளின் செயல்படும் செயல்களைப் பொறுத்து வைரசுகள் நேர்மறை (+), எதிர்மறை (-) இழை வைரசுகளாக பிரிக்கப்படுகிறது. பொதுவாக இவைகள் ஓரிழை ஆர்.என்.எ வைரசுகளுக்கு பொருந்தும்.

சில வைரசுகள் (Ex. poty virus) தாவரங்களிலோ அல்லது விலங்குகளில் உட்சென்றவுடன் , வைரசின் ஓரிழை ஆர்.என்.எ நேரடியகாக மரபணுக்களை (direct expression) வெளிப்படுத்தும். இவகையான வைரசுகளுக்கு நேர்மறை (+) இழை வைரசு என அழைக்கப்படும்.

எதிர்மறையான (-) இழை வைரசுகள் (பாரமிக்சோ வைரசு இவைகள் அம்மை நோயெய் உண்டாக்குகின்றன) , தாவரகளிலோ அல்லது விலங்குகளில் உள்சென்றவுடன் நேரிடைய்காக தனது மரபணுவை வெளிபடுத்த முடியாது. இவைகளின் எதிர்மறை (Complementary strand) ஆர்.என்.எ நேர்மறை (virion strand) இழையாக மாற்றப்பட்டு, புரதமாக மாற்றப்படுகிறது.

மேற்கோள்கள்[தொகு]

  1. "Virus". பார்த்த நாள் ஏப்ரல் 21, 2017.
  2. "Viruses". USCB Science Line. பார்த்த நாள் ஏப்ரல் 21, 2017.
  3. "Viruses: Structure, Function, and Uses". Molecular Cell Biology. 4th edition. பார்த்த நாள் ஏப்ரல் 21, 2017.
  4. "Viruses: An Introduction". Medical News Today. Healthline Media. பார்த்த நாள் ஏப்ரல் 21, 2017.
  5. "Viruses". Encyclopedia Of Life. பார்த்த நாள் ஏப்ரல் 21, 2017.

அருஞ்சொற்பொருள்[தொகு]

  • கட்டுப்பட்ட கலத்துள் உயிருறிஞ்சி - Obligate intracellular parasite
  • நுண்ணுயிர் தின்னி - Bacteriophage
"https://ta.wikipedia.org/w/index.php?title=தீ_நுண்மம்&oldid=2260771" இருந்து மீள்விக்கப்பட்டது