வைத்யேஸ்வரன் ராஜாராமன்
வைத்தியேஸ்வரன் ராஜாராமன் | |
|---|---|
 | |
| பிறப்பு | 8 செப்டம்பர் 1933 ஈரோடு, சென்னை மாகாணம், பிரிட்டிஷ் இந்தியா (தற்போது தமிழ்நாடு, இந்தியா) |
| இறப்பு | 8 நவம்பர் 2025 (அகவை 92) பெங்களூரு, கர்நாடகா, இந்தியா |
| படித்த கல்வி நிறுவனங்கள் | செயிண்ட் ஸ்டீபன் கல்லூரி, டெல்லி டெல்லி பல்கலைக்கழகம் எம்.ஐ.டி (MIT) ஐ.ஐ.எஸ்.சி (IISc) பெங்களூரு விஸ்கான்சின்-மாடிசன் பல்கலைக்கழகம் |
| பணி | கணினி அறிவியலாளர் கல்வியாளர் எழுத்தாளர் |
| செயற்பாட்டுக் காலம் | 1961 முதல் |
| அறியப்படுவது | கணினி அறிவியல் கல்வி மற்றும் இலக்கியம் |
| விருதுகள் | பத்ம பூஷண் சாந்தி ஸ்வரூப் பட்நாகர் விருது ஓம் பிரகாஷ் பாசின் விருது ஹோமி பாபா விருது ஐ.ஐ.எஸ்.சி (IISc) ருஸ்தம் சாக்ஸி விருது இந்திய தேசிய பொறியியல் அகாடமி (INAE) வாழ்நாள் பங்களிப்பு விருது ஐ.ஐ.எஸ்.சி (IISc) சிறப்புமிக்க முன்னாள் மாணவர் விருது இந்திய கணினி சங்கம் (CSI) வாழ்நாள் சாதனையாளர் விருது |
வைத்யேஸ்வரன் ராஜாராமன் (8 செப்டம்பர் 1933 – 8 நவம்பர் 2025) இந்தியாவில் கணினி அறிவியல் கல்வித் துறையில் முன்னோடி முயற்சிகளை மேற்கொண்டதற்காக அறியப்பட்ட ஓர் இந்தியக் கணினி அறிவியலாளர், கல்வியாளர் ,எழுத்தாளர் ஆவார்.[1][2] இந்தியாவில் கணினி அறிவியலுக்கான முதல் கல்வித் திட்டத்தை நிறுவிய பெருமை இவரையே சாரும்; 1965-இல் கான்பூர் இந்தியத் தொழில்நுட்பக் கழகத்தில் இத்திட்டத்தைத் தொடங்க இவர் உதவினார்.[3]இந்தியாவின் அனைத்து அறிவியல் கல்விக்கழகங்களிலும் தேர்ந்தெடுக்கப்பட்ட உறுப்பினராக இருந்த இவர், இளம் அறிவியலாளர்களுக்கான அறிவியல் தொழில்நுட்பத் துறையின் மிக உயரிய விருதான 'சாந்தி ஸ்வரூப் பட்நாகர் விருது' , 'ஓம் பிரகாஷ் பாசின் விருது', 'ஹோமி பாபா பரிசு' உள்ளிட்ட பல கௌரவங்களைப் பெற்றவர். அறிவியலுக்கு இவர் ஆற்றிய பங்களிப்பிற்காக, 1998-ஆம் ஆண்டில் இந்திய அரசு இவருக்கு நாட்டின் மூன்றாவது உயரிய குடிமக்கள் விருதான 'பத்ம பூஷண்' விருதை வழங்கி கௌரவித்தது.[4]
விருதுகள் மற்றும் கௌரவங்கள்
[தொகு]முடிவு அட்டவணைகளின் பயன்பாட்டை மேம்படுத்துவதில் ஆற்றிய பங்களிப்பு , கணினி அறிவியலில் மேற்கொண்ட முன்னோடிப் பணிகளுக்காக, இளம் விஞ்ஞானிகளுக்கான இந்தியாவின் மிக உயரிய அறிவியல் , தொழில்நுட்ப விருதான 'சாந்தி ஸ்வரூப் பட்நாகர் விருது' 1976-இல் ராஜாராமனுக்கு வழங்கப்பட்டது.[5] இதனைத் தொடர்ந்து, 1984-இல் 'ஹோமி பாபா விருது' , 1988-இல் 'இந்திய தொழில்நுட்பக் கல்விச் சங்கத்தின் கற்பித்தலில் சிறந்து விளங்குபவருக்கான விருது' ஆகியவை இவருக்கு வழங்கப்பட்டன.[6] 1993-ஆம் ஆண்டில், 'ஸ்ரீ ஓம் பிரகாஷ் பாசின் அறக்கட்டளையின் ஓம் பிரகாஷ் பாசின் விருது'[7] , 'இந்திய அறிவியல் நிறுவனத்தின் ருஸ்தம் சாக்ஸி விருது'[8] ஆகியவற்றை இவர் பெற்றார். 1998-ஆம் ஆண்டில், இந்திய அரசு குடியரசு தின கௌரவப் பட்டியலில் அவரைச் சேர்த்து, 'பத்ம பூஷண்' எனும் குடிமக்கள் விருதை வழங்கிச் சிறப்பித்தது. 2005-இல் 'இந்திய தேசிய பொறியியல் அகாடமி' இவரை 'பொறியியல் துறையில் வாழ்நாள் பங்களிப்பு விருது' வழங்கி கௌரவித்தது[9]; மேலும் 2014-இல் 'இந்திய அறிவியல் நிறுவனத்தின் சிறந்த முன்னாள் மாணவர் விருது' இவருக்கு வழங்கப்பட்டது.[10] 'இந்திய தேசிய அறிவியல் அகாடமியின் எஸ்.எச். ஜாஹீர் பதக்கம்' (1998) உள்ளிட்ட பல சிறப்பு விருதுச் சொற்பொழிவுகளை இவர் ஆற்றியுள்ளார்; அத்துடன் 'கணினிச் சங்கம்', 'டேட்டாகுவெஸ்ட் ',[11] 'இந்திய அமைப்புகள் சங்கம் ' ஆகியவற்றின் 'வாழ்நாள் சாதனையாளர் விருதுகளையும்' இவர் பெற்றுள்ளார்.[12]
மேற்கோள்கள்
[தொகு]- ↑ Balasubramanian, D. (20 February 2013). "Sixty years of IT in India". The Hindu. http://www.thehindu.com/sci-tech/science/sixty-years-of-it-in-india/article4435223.ece.
- ↑ "Professor Vaidyeswaran Rajaraman on IT History Society". IT History Society. 2016. Retrieved 24 May 2016.
- ↑ "Indian Fellow". Indian National Science Academy. 2016. Retrieved 24 May 2016.
- ↑ "Padma Awards" (PDF). Ministry of Home Affairs, Government of India. 2016. Archived from the original (PDF) on 15 October 2015. Retrieved 3 January 2016.
- ↑ "SSB Prize". Council of Scientific and Industrial Research. 2016. Retrieved 25 May 2016.
- ↑ "Indian Fellow". Indian National Science Academy. 2016. Retrieved 24 May 2016.
- ↑ "Om Prakash Bhasin Award". Shri Om Prakash Bhasin Foundation. 2016. Archived from the original on 20 February 2023. Retrieved 25 May 2016.
- ↑ "Padma Awards" (PDF). Ministry of Home Affairs, Government of India. 2016. Archived from the original (PDF) on 15 October 2015. Retrieved 3 January 2016.
- ↑ "Recipients of Life Time Contribution Award in Engineering". Indian National Academy of Engineering. 2016. Retrieved 24 May 2016.
- ↑ "News". Indian Institute of Science. August 2014. Retrieved 25 May 2016.
- ↑ "Dataquest Awards". 24 September 2009.
- ↑ "Professor Vaidyeswaran Rajaraman on IT History Society". IT History Society. 2016. Retrieved 24 May 2016.
- இந்தியக் கல்வியாளர்கள்
- இந்தியப் பொறியியலாளர்கள்
- இந்திய அறிவியல், பயனறிவியல்சார் பரிசுகள்
- இந்திய அறிவியலாளர்கள்
- மாசாச்சுசெட்டு தொழில்நுட்பக் கழக முன்னாள் மாணவர்கள்
- தொழில் வாரியாக தமிழ்நாடு மக்கள்
- பத்ம பூசண் விருது பெற்றவர்கள்
- சாந்தி ஸ்வரூப் பட்நாகர் விருது பெற்றவர்கள்
- இந்தியாவில் அறிவியலும் தொழினுட்பமும்
- தமிழ்நாட்டில் அறிவியலும் தொழினுட்பமும்