வேத்தியல்

வேத்தியல் என்னும் துறையைச் சேர்ந்த பாடல்கள் புறநானூற்றுத் தொகுப்பில் இரண்டு உள்ளன. இந்தத் துறை புறநானூற்றில் கரந்தைத்திணையில் வருகிறது.

இலக்கியம்

• வெள்ளாட்டுத் தாடி மயிர் போலத் தன் படைவீரர்களாகிய இளையர் பலர் இருக்கும்போது அரசன் தான் முன்னேறிப் போரிட்டுப் பகைவர் வாளால் உயிர் துரந்திருக்கிறான். அவனைக் காலில்லாக் கட்டிலில்(பாடையில்) கிடத்தித் தூய வெள்ளாடை போர்த்திச் சிறப்புச் செய்யுங்கள். ஔவையார் சொலுகிறார்.
• துடி முழக்கியும், ஒப்பாரிப் பெண்களும் வெள்ளாடை போர்த்திக் கிடக்கும் மாயவன் போன்ற அரசனைக் கழுகுகள் தின்னாமல் காப்பாற்றட்டும். நான் விளரிப்பண் பாடி நரியை ஓட்டுகிறேன் என்கிறார் புலவர் நெடுங்கழுத்துப் பரணர்

இலக்கணம்

தொல்காப்பியம் இதனைச் சீர் சால் வேந்தன் சிறப்பு எடுத்து உரைத்தல் எனக் குறிப்பிடுகிறது.

புறநானூறு வேத்தியல் எனக் குறிப்பிடும் துறையைப் புறப்பொருள் வெண்பாமாலை வேத்தியல் மலிபு எனக் குறிப்பிடுகிறது. இதற்கு எடுத்துக்காட்டாகத் தரப்பட்டுள்ள பாடல் அரசன் தன் ஆட்சிக் குடையில் பெறும் செல்வத்தை விட பகைவர் வாளால் உயிர் துறந்த செல்வம் மேலானது என்று கூறுகிறது.