வேட்டைக்கார ஆந்தை
| வேட்டைக்கார ஆந்தை | |
|---|---|
| |
| வேட்டைக்கார ஆந்தை, புகெட், தாய்லாந்து | |
| உயிரியல் வகைப்பாடு | |
| திணை: | விலங்கு |
| தொகுதி: | முதுகுநாணி |
| வகுப்பு: | பறவை |
| வரிசை: | இசுட்ரைசிபோர்மெசு |
| குடும்பம்: | இசுட்ரைசிடே |
| பேரினம்: | நினோக்சு |
| இனம்: | நி. இசுடுலேடா |
| இருசொற் பெயரீடு | |
| நினோக்சு இசுடுலேடா (இசுடாம்போர்ட் ராப்லிசு, 1822) | |
வேட்டைக்கார ஆந்தை (Brown hawk-owl)(நினோக்சு இசுடுலேடா) என்பது ஒருவகை ஆந்தை ஆகும். இப்பறவை தெற்கு ஆசியாவின் இந்தியா, இலங்கை மேற்கு, கிழக்கு இந்தோனேசியா, தெற்கு சீனா போன்ற பகுதிகளில் காணப்படுகிறது. . வேட்டைக்கார ஆந்தை வெப்பமண்டலத்தில் வாழக்கூடிய பறவை ஆகும். இது நன்கு மரங்களடர்ந்த காடு மற்றும் காடு போன்ற பகுதிகளில் வசிக்கிறது. இது மரப்பொந்துகளில் மூன்று முதல் ஐந்து முட்டைகள் இடும்.
வேட்டைக்கார ஆந்தைகள் நடுத்தர அளவுகொண்டவை (32 செ.மீ,) ஆகும்.
இந்த வகை ஆந்தை இனங்கள் பெரும்பாலும் இரவு நேரங்களில் வெளிவருகின்றன. இது பெரிய பூச்சிகள், தவளைகள், பல்லிகள், சிறிய பறவைகள், எலிகள் போன்றவற்றை வேட்டையாடி உண்கிறது. கூச்ச சுபாவம் மிக்க இந்தப் பறவையின் குரல் விசித்திரமானது. ஒவ்வொரு முறையும் வேறுவேறு குரல்களில் ஒலி எழுப்பக்கூடியது. அதனால் இதை அடையாளம் காண்பதில் சிக்கல் உள்ளது.
வகைப்பாட்டியல்[தொகு]
பழுப்பு பாறு ஆந்தையினை 1822-ல் இசுடாம்போர்ட் ராபில்ஸால் சுமத்ராவில் இசுடிரிக்சு இசுகுடுலாட்டா என்ற விலங்கியல் பெயரினைக் கொண்டு தான் சேகரித்த மாதிரியிலிருந்து முறையாக விவரித்தார்.[2] குறிப்பிட்ட அடைமொழியானது இலத்தீன் சொல்லான scutulatus என்பதிலிருந்து எடுக்கப்பட்டது. இதன் பொருள் "வைர வடிவமானது" என்பதாகும்.[3] வேட்டைக்கார ஆந்தையானது 1837ஆம் ஆண்டில் இங்கிலாந்து இயற்கை ஆர்வலர் பிரையன் ஹொக்டன் ஹோட்சன் என்பவரால் அறிமுகப்படுத்தப்பட்ட நினோக்சு பேரினத்தில் வைக்கப்பட்டுள்ளது.[4][5] ஒன்பது துணையினங்கள் இச்சிற்றினத்தின் கீழ் அங்கீகரிக்கப்பட்டுள்ளன. அவை:[5]
- நி. இ. இலுகுப்ரிசு (திக்கெல், 1833) - வடக்கு, வடகிழக்கு, மத்திய இந்தியா மற்றும் நேபாளம்
- நி. இ. பர்மேனிகா ஹியூம், 1876 – வடகிழக்கு இந்தியா முதல் தெற்கு சீனா, இந்தோசீனா மற்றும் தாய்லாந்து
- நி. இ. கிர்சுதா (தெம்மின்க், 1824) - தென் இந்தியா மற்றும் இலங்கை
- நி. இ. ஐசோலேடா பாகெர், 1926 – கார் நிக்கோபார்
- நி. இ. ரெக்சுபிமெண்டி அப்துல்லாலி, 1979 – பெரும் நிக்கோபார் தீவு
- நி. இ. இசுடுலேடா (ரப்பீல்சு, 1822) – மலாய் தீபகற்பம், ரியாவ் தீவுக்கூட்டம், சுமாத்திரா மற்றும் பாங்கா தீவு
- நி. இ. ஜாவனென்சிசு இசுட்ரெசுமேன், 1928 - மேற்கு சாவகம்
- நி. இ. போர்னென்சிசு (போனபார்டே, 1850) - போர்னியோ மற்றும் வடக்கு நதுனா தீவுகள்
- நி. இ. பலாவனென்சி ரிப்லி & ராபர், 1962 - பலவான் (மேற்கு பிலிப்பீன்சு)
மேலும் படங்கள்[தொகு]
மேற்கு வங்காளம், டார்ஜிலிங் மாவட்டத்தின் சாம்சிங்கில்-வேட்டைக்கார ஆந்தை
மேற்கு வங்காளம், டார்ஜிலிங் மாவட்டத்தின் சாம்சிங்கில்-வேட்டைக்கார ஆந்தை
கேரளா இந்தியாவில்
_at_Samsing,_Duars,_West_Bengal_W_IMG_5936.jpg)
_at_Samsing,_Duars,_West_Bengal_W_IMG_5932.jpg)
மேற்கோள்கள்[தொகு]
- ↑ பன்னாட்டு பறவை வாழ்க்கை (2012). "Ninox scutulata". பன்னாட்டு இயற்கைப் பாதுகாப்புச் சங்கத்தின் செம்பட்டியல் பதிப்பு 2013.2. பன்னாட்டு இயற்கைப் பாதுகாப்புச் சங்கம். 26 November 2013 அன்று பார்க்கப்பட்டது.
- ↑ Stamford Raffles (1822). "Second part of the descriptive catalogue of a zoological collection made in the Island of Sumatra and its vicinity". Transactions of the Linnean Society of London 13: 277-340 [280]. https://www.biodiversitylibrary.org/page/755026.
- ↑ Jobling, James A. (2010). The Helm Dictionary of Scientific Bird Names. London: Christopher Helm. பக். 352. பன்னாட்டுத் தரப்புத்தக எண்:978-1-4081-2501-4.
- ↑ Hodgson, Brian Houghton (1837). "Indication of a new genus belonging to the Strigine family, with description of the new species and type". Madras Journal of Literature and Science 5: 23-25. https://www.biodiversitylibrary.org/page/46442146.
- ↑ 5.0 5.1 Gill, Frank; Donsker, David; Rasmussen, Pamela, eds. (January 2021). "Owls". IOC World Bird List Version 11.1. International Ornithologists' Union. 20 May 2021 அன்று பார்க்கப்பட்டது.
வெளி இணைப்புகள்[தொகு]
- Photos, audio and video of brown hawk-owl from Cornell Lab of Ornithology's Macaulay Library
