வெள்ளாறு (தெற்கு)

கட்டற்ற கலைக்களஞ்சியமான விக்கிப்பீடியாவில் இருந்து.

வெள்ளாறு (South Vellar) புதுக்கோட்டை மாவட்டம், திருச்சி மாவட்டம் போன்ற பகுதிகளில் ஓடும் சிற்றாறாகும். திருச்சி மாவட்டம், மணப்பாறை தாலுகா, துவரங்குறிச்சியிலிருந்து 20 கி.மீ வடமேற்கேவுள்ள குமரிக்கட்டை வனப்பகுதிகளில் உற்பத்தியாகிறது. வேம்பனூர் நீர்த்தேக்கத்திலிருந்து வரும் உபரிநீரையும் சேர்த்துக் கொண்டு 137 கிமீ தூரம் ஓடி மணமேல்குடி தாலுகா, மும்பாலை கிராமத்தின் அருகே வங்கக்கடலில் சேர்கிறது.[1][2] நெருங்கிக்குடியாறு மற்றும் குண்டாறு இதன் துணையாறுகளாகும். புதுக்கோட்டை திருமயம் வட்டத்திலிருந்து 30 கி.மீ ஓடி கும்மன்குடி அருகே நெருங்கிக்குடியாறு வெள்ளாற்றுடன் சேர்கிறது. புதுக்கோட்டை, கவிநாடு பெரிய நீர்த்தேக்கத்திலிருந்து 7.50 கி.மீ ஓடி கடயக்குடியில் குண்டாறு இவ்வாற்றுடன் சேர்கிறது. தமிழக நதிநீர் இணைப்புத் திட்டத்தின்படி காவிரியுடன் இந்த ஆற்றை இணைக்க திட்டமிடப்பட்டுள்ளது.

இவற்றையும் பார்க்க[தொகு]

மேற்கோள்கள்[தொகு]

  1. "இந்திய திட்டக்குழு" (PDF). 2012-05-16 அன்று மூலம் (PDF) பரணிடப்பட்டது. 2012-05-07 அன்று பார்க்கப்பட்டது.
  2. "ஒருங்கிணைந்த வேளாண் மேம்பாடு மற்றும் நீர் மேலாண்மை" (PDF). 2016-11-19 அன்று மூலம் (PDF) பரணிடப்பட்டது. 2012-05-07 அன்று பார்க்கப்பட்டது.
"https://ta.wikipedia.org/w/index.php?title=வெள்ளாறு_(தெற்கு)&oldid=3588213" இருந்து மீள்விக்கப்பட்டது