வெரோனிகா காம்ப்பெல் பிரௌன்
.svg){kind=small}
வெரோனிகா காம்ப்பெல் பிரவுன் (Veronica Campbell Brown) (பிறப்பு 15 மே 1982) ஜமேக்காவைச் சேர்ந்த ஓர் ஓய்வு பெற்ற தடகள விரைவோட்ட வீரராவார். இவர் 100 மற்றும் 200 மீட்டரில் நிபுணத்துவம் பெற்றவர்.[2] எட்டு முறை ஒலிம்பிக் பதக்கம் வென்ற இவர், 1976 மற்றும் 1980 ஒலிம்பிக்கில் ஜெர்மனியின் பார்பெல் வோக்கலுக்குப் பிறகு, 2016 மற்றும் 2020 ஒலிம்பிக்கில் சக நாட்டுப் பெண்மணி எலைன் தாம்சன்-ஹெரா முன்பு, தொடர்ச்சியாக இரண்டு ஒலிம்பிக் 200 மீ நிகழ்வுகளை வென்ற வரலாற்றில் மூன்று பெண்களில் இரண்டாவது ஆவார்.[3] இளைஞர், இளையோர் மற்றும் மூத்தோர் மட்டங்களில் உலக வாகையாளர் பட்டங்களை வென்ற பதினொரு விளையாட்டு வீரர்களில் (வலேரி ஆடம்ஸ், உசைன் போல்ட், ஆர்மண்ட் துப்லாண்டிஸ், ஜாக் பிரீடாக், யெலேனா ஐசின்பாயேவா, கிரானி ஜேம்ஸ், பெய்த் கிப்யேகன், ஜானா பிட்மேன், டானி சாமுவேல்ஸ் மற்றும் டேவிட் ஸ்டோர்லஸ் ஆகியோருடன்) கேம்பெல்-பிரௌனும் ஒருவர்.
இவர் 100 மீட்டரில் 10.76 வினாடிகளிலும், 200 மீட்டரில் 21.74 வினாடிகளிலும் தனது தனிப்பட்ட சாதனைகளைக் கொண்டுள்ளார். இவர் 2007 உலக தடகள போட்டிகளில் 100 மீட்டரில் தங்கப் பதக்கம் வென்றுள்ளார். மேலும், 2011 உலக தடகளப் போட்டியில் 200 மீட்டர் தங்கப் பதக்கம் வென்றுள்ளார். 60 மீட்டருக்கு மேல், உலக தடகள அமைப்பு நடத்தும் உலக உள்ளரங்க வாகையாளர் போட்டியில் இரண்டு முறை வாகை சூடியுள்ளார்.
இளமை வாழ்க்கை
[தொகு]
காம்ப்பெல் 1982 மே 15 அன்று ஜமேக்காவின் தெரேலோனியில் உள்ள கிளார்க்ஸ் டவுனில் செசில் காம்ப்பெல் மற்றும் பமீலா பெய்லி ஆகியோருக்கு பிறந்தார்.[4] இவருக்கு ஐந்து சகோதரர்கள் மற்றும் நான்கு சகோதரிகள் உள்ளனர், மேலும் அமெரிக்காவில் ஆர்கன்சாஸ் பல்கலைக்கழகத்தில் உயர் கல்வியைத் தொடர்வதற்கு முன்பு கிளாரெண்டனில் உள்ள திராய் பள்ளி மற்றும் வெரே டெக்னிகல் உயர்நிலைப் பள்ளியில் தனது ஆரம்பக் கல்வியைப் பயின்றார்.
தடகளம்
[தொகு]1999 ஆம் ஆண்டில், சர்வதேச தடகள கூட்டமைப்புகள் சங்கம் நடத்திய உலக இளைஞர் தடகளப் போட்டியில் 100 மீ. மற்றும் 4 x 100 மீ தொடரோட்டம் ஆகிய இரண்டிலும் தங்கப் பதக்கங்களை வென்றார். அடுத்த ஆண்டு, உலக இளையோர் தடகளப் போட்டியில் விரைவோட்டத்தில் முதலிடம் பிடித்த பெண் ஆனார். 100 மீட்டரை 11.12 வினாடிகளிலும், (இது அந்த நேரத்தில் ஒரு சாதனையாக இருந்தது) 200 மீட்டரை 22.87 வினாடிகளிலும் கடந்தார். 2000 ஒலிம்பிக் போட்டிகளில், வெள்ளிப் பதக்கம் வென்ற 4 x 100 மீட்டர் ரிலே அணியில் இரண்டாவதாக ஓடினார். 2001 ஆம் ஆண்டில், 2001 கரிஃப்டா விளையாட்டுகளின் மிகச்சிறந்த தடகள வீரருக்கான ஆஸ்டின் சீலி கோப்பையை இவர் பெற்றார்.[5][6] அந்த ஆண்டு, இளையோர் (யு-20) பிரிவில் 3 தங்கப் பதக்கங்களை (100 மீ, 200 மீ, மற்றும் 4 × 100 மீ தொடரோட்டம்) வென்றார்.
சொந்த வாழ்க்கை
[தொகு]2007 ஆம் ஆண்டில், காம்ப்பெல் சக ஜமேக்கா தொடரோட்ட வீரரும் ஆர்கன்சாஸ் பல்கலைக்கழக முன்னாள் மாணவருமான ஓமர் பிரவுன் என்பவரை மணந்தார். தனது பெயரை காம்ப்பெல்-பிரௌன் என்று மாற்றிக் கொண்டார். இவர்கள் தற்போது புளோரிடாவின் கிளர்மோண்டில் வசித்து பயிற்சி பெறுகிறார்கள். 2009 ஆம் ஆண்டின் பிற்பகுதியில் ஐக்கிய நாடுகள் கல்வி, அறிவியல், பண்பாட்டு நிறுவனத்தின்நல்லெண்ணத் தூதராக நியமிக்கப்பட்ட இவர், விளையாட்டில் பாலின சமத்துவத்தை மேம்படுத்த இந்த பாத்திரத்தைப் பயன்படுத்துவதாகக் கூறினார்.
மேற்கோள்கள்
[தொகு]- ↑ 1.0 1.1 "IAAF: Veronica CAMPBELL-BROWN - Profile". iaaf.org. Archived from the original on 19 March 2020. Retrieved 12 March 2009.
- ↑ "Athlete Biography: CAMPBELL-BROWN Veronica". Beijing2008.cn. The Beijing Organizing Committee for the Games of the XXIX Olympiad. Archived from the original on 2008-08-25. Retrieved 30 August 2008.
- ↑ "2008 SUMMER OLYMPICS : Campbell-Brown wins 200-meter gold in Beijing - Veronica Campbell Brown - Zimbio". Archived from the original on 5 October 2012. Retrieved 23 August 2008.
- ↑ "LIFE - TIME". Archived from the original on 7 October 2014 – via time.com.
- ↑ Carifta Games Magazine, Part 2 (PDF), Carifta Games 2011, archived from the original (PDF) on 25 April 2012, retrieved 12 October 2011
- ↑ Carifta Games Magazine, Part 3 (PDF), Carifta Games 2011, archived from the original (PDF) on 25 April 2012, retrieved 12 October 2011
வெளி இணைப்புகள்
[தொகு]
- Official Website
- வெரோனிகா காம்ப்பெல் பிரௌன் உலகத் தடகள அமைப்பில்
- IAAF "Focus on Athletes" article
- Veronica Campbell Photos
| ஆளுமைக் கட்டுப்பாடு: மக்கள் |
|---|