வெண்தலை இருவாய்ச்சி
| வெண்தலை இருவாய்ச்சி | |
|---|---|
 | |
| ஆண் | |
| உயிரியல் வகைப்பாடு | |
| உலகம்: | |
| திணை: | |
| தொகுதி: | |
| வகுப்பு: | |
| வரிசை: | புசெரோடிபார்மிசு |
| குடும்பம்: | |
| பேரினம்: | பெரெனிகோர்னிசு |
| இனம்: | பெ. கோமேடசு |
| வேறு பெயர்கள் | |
| |
வெண்தலை இருவாய்ச்சி (White-crowned hornbill-பெரெனிகோர்னிசு கோமேடசு) என்பது இருவாய்ச்சி சிற்றினம் ஆகும். இது நீண்ட-தலை இருவாய்ச்சி என்றும் அழைக்கப்படுகிறது.
வகைப்பாட்டியல்
[தொகு]வெண்தலை இருவாய்ச்சி பெரெனிகோர்னிசு பேரினத்தின் கீழ் உள்ள ஒரே ஒரு சிற்றினம் ஆகும். இருப்பினும் அரிதாகவே வெண்மார்பளவு இருவாய்ச்சியும் இந்த பேரினத்தில் சேர்க்கப்பட்டுள்ளது.[3]
விளக்கம்
[தொகு]பெரெனிகோர்னிசு கோமேடசு என்பது ஒரு பெரிய அளவில் வளரக்கூடிய இருவாய்ச்சி ஆகும். இது 83-102 செமீ நீளமுடையது. இதன் எடை 1.3-1.5 கிலோ வரை இருக்கும். பெண் பறவைகள் ஆண் பறவைகளை விட சிறியவை. இறகுகள் கருப்பு, வெள்ளை நிறத்திலும் தலை, கழுத்து, மார்பகம், வால் வெள்ளை நிறத்திலும் இருக்கும். மீதமுள்ள இறகுகள் கருப்பு நிறத்தில் இருக்கும். இதன் முகட்டில் வெள்ளை இறகுகளைக் கொண்டுள்ளது. இதனால் இதற்குப் பொதுவான பெயர் இடப்பட்டது. கண்ணுக்கும் அலகுக்கும் இடையேயும் தொண்டையிலும் அடர் நீல நிற தோல் உள்ளது. அலகு முக்கியமாக கருப்பு நிறத்தில், மஞ்சள் நிற அடித்தளத்துடன் உள்ளது. பெரும்பாலான இருவாய்ச்சிகளைப் போலவே, இதன் பணத்தாளின் மேல் கருப்பு நிறத்தில் ஒரு காஸ்க் உள்ளது. பெண் கருப்பு கழுத்து, கீழ் பகுதிகளைக் கொண்டுள்ளது.
உணவு
[தொகு]இந்தப் பறவைகள் ஒரு குறிப்பிட்ட பிராந்தியத்தில் வாழ்கின்றன. இங்கு காணப்படும் பல்வேறு பழங்கள், பல்லி, கணுக்காலி, இளம் உயிரிகளை உணவாகக் கொள்கின்றன.[4]
பரவல்
[தொகு]பெ. கோமேடசு சிற்றினம் மலாய் தீபகற்பம், சுமாத்திரா, போர்னியோ உள்ளிட்ட நாடுகளில் காணப்படுகிறது.
வாழிடம்
[தொகு]இந்த பறவை பொதுவாக 900 மீட்டருக்கும் குறைவான உயரத்தில் காணப்படும் உயரம் குறைந்த மற்றும் நடுத்தர மழைக்காடுகளில் வாழ்கிறது. இது பழங்கள், எண்ணெய்-பனை, இரப்பர் தோட்டங்களிலும் காணப்படுகிறது. இது வாழிட இழப்பால் அச்சுறுத்தப்படுகிறது.
நடத்தை
[தொகு]பெண் ஒரு மரத் துளையில் இரண்டு வெள்ளை நிற முட்டைகளை இடுகிறது. இதன் பின்னர் கூட்டின் நுழைவாயிலை எச்சங்கள், குப்பை, சேற்றால் அடைத்து முத்திரையிடுகிறது. ஆண், பிற பெரிய, இளம் பறவைகள் அடங்கிய ஒரு கூட்டுறவு குழுவை உருவாக்கி, இனப்பெருக்கம் செய்யும் பெண், குஞ்சுகளுக்கு குறுகிய துளை வழியாக உணவளிக்கின்றன. குஞ்சுகள் பறக்க இயலும் காலம் வரும் பொழுது, பெண் "சுவரை" உடைத்து குஞ்சுகளை கூட்டை விட்டு வெளியேற்றுகின்றன.[4]
அச்சுறுத்தல்கள்
[தொகு]வெண்தலை இருவாய்ச்சிப் பறவை சார்ந்திருக்கும் வன வாழ்விடம் சமீபத்திய ஆண்டுகளில் பெரிதும் குறைந்து வருகிறது. இதன் காரணமாக, இச்சிற்றினம் 2018ஆம் ஆண்டில் பன்னாட்டு இயற்கைப் பாதுகாப்புச் சங்கத்தின் செம்பட்டியலில் அச்சுறு நிலையை அண்மித்த இனம் என்ற நிலையிலிருந்து அருகிய இனமாக பட்டியலிடப்பட்டது.
மேற்கோள்கள்
[தொகு]- ↑ BirdLife International (2018). "Berenicornis comatus". IUCN Red List of Threatened Species 2018: e.T22682507A132272549. doi:10.2305/IUCN.UK.2018-2.RLTS.T22682507A132272549.en. https://www.iucnredlist.org/species/22682507/132272549. பார்த்த நாள்: 15 November 2021.
- ↑ "Appendices | CITES". cites.org. Retrieved 2022-01-14.
- ↑ Clements, J. F. 2007.
- 1 2 "Arkive.org". Archived from the original on 2014-05-18. Retrieved 2012-10-09.