விநாயக் லோகானி
விநாயக் லோகானி Vinayak Lohani | |
|---|---|
 குழந்தைகளுடன் விநாயக் | |
| பிறப்பு | 12 ஏப்ரல் 1978 போபால், மத்தியப் பிரதேசம் |
| தேசியம் |  இந்தியா |
| குடியுரிமை | இந்தியா |
| கல்வி | தொழில்நுட்பவியல் இளையர், முதுகலை வணிக மேலாண்மை |
| படித்த கல்வி நிறுவனங்கள் | இந்திய தொழில்நுட்பக் கழகம் கரக்பூர், இந்திய மேலாண்மை கழகம் கொல்கத்தா |
| அறியப்படுவது | பரிவார் என்ற தொண்டு நிறுவனத்தின் நிறுவனர், சமூகச் செயல்பாட்டாளர் |
| விருதுகள் | பத்மசிறீ (2025) |
விநாயக் லோகோனி (Vinayak Lohani) மேற்கு வங்காளத்தைத் தளமாகக் கொண்ட பரிவார் என்ற மனிதாபிமான நிறுவனத்தின் நிறுவனர் ஆவார்.[1] இராமகிருஷ்ணர் மற்றும் விவேகானந்தர் போன்றவர்களின் ஆன்மீக மற்றும் மனிதநேய இலட்சியங்களால் ஈர்க்கப்பட்ட விநாயக், விவேகானந்தர் கற்பித்தபடி 'மனிதனில் உள்ள தெய்வீகத்திற்கு' சேவை செய்வதில் தனது முழு வாழ்க்கையையும் அர்ப்பணிக்க முடிவு செய்தார்.[2][3]
இளமை வாழ்க்கை
[தொகு]விநாயக் லோகானி மத்தியப் பிரதேசத்தின் போபாலில் பிறந்தார். அங்கேயே தனது பள்ளிப்படிப்பை முடித்தார். இவரது குடும்ப வம்சாவளியினர் உத்தராகண்டம் மாநிலத்தின் குமாவுன் பகுதியயின் அல்மோரா மாவட்டத்தைச் சேர்ந்தவர்கள். கரக்பூர், இந்திய தொழில்நுட்பக் கழகத்தில் பயின்ற இவர் பின்னர் ஒரு வருடம் இன்ஃபோசிஸ் நிறுவனத்தில் பணியாற்றினார். 2001 ஆம் ஆண்டில், முதுகலை வணிக மேலாண்மை படிப்பைத் தொடர கொல்கத்தாவின் இந்திய மேலாண்மை கழகத்தில் சேர்ந்தார்.[4][5]
தொழில் வாழ்க்கை
[தொகு]கொல்கத்தாவில், படிப்பை முடித்த பிறகு, ஒரு சிறிய வாடகை கட்டிடத்தில் வெறும் 3 குழந்தைகளுடன், போதிய நிதி ஆதாரங்கள் இல்லாத நிலையில், 2003 ஆம் ஆண்டின் பிற்பகுதியில் வறிய மற்றும் ஆதரவற்ற பின்னணியைச் சேர்ந்த குழந்தைகளுக்கு உதவுவதற்காக பரிவார் என்ற அமைப்பைத் தொடங்கினார்.[6][7] 2004 ஆம் ஆண்டின் இறுதியில், பரிவார் தனது சொந்த நிலத்தை வாங்கி, அதன் முதல் வளாகமான பரிவார் ஆசிரமத்தை உருவாக்கியது. 2011 ஆம் ஆண்டில், பரிவார் சிறுவர்களுக்கும் சிறுமிகளுக்கும் தனித்தனி வளாகங்களைக் கொண்டதாக விரிவுபடுத்தப்பட்டது. டிசம்பர் 2023 நிலவரப்படி, பரிவாரில் 1900 க்கும் மேற்பட்ட குழந்தைகள் (பெண்கள் மற்றும் சிறுவர்கள்) உள்ளனர். இது மேற்கு வங்காளத்தில் வறிய அடுக்குகளைச் சேர்ந்த குழந்தைகளுக்கான மிகப்பெரிய மற்றும் உயர்தர குடியிருப்பு திட்டமாகும்.
2016-17 இல், பரிவார் மத்தியப் பிரதேசத்திலும் தனது பணிகளைத் தொடங்கியது. இது தேர்ந்தெடுக்கப்பட்ட வறிய பழங்குடி மற்றும் கிராமப்புற பகுதிகளில் உள்ள குழந்தைகளுக்காக 'ஸ்ரீ ராமகிருஷ்ண விவேகானந்தா சேவா குடிர்' என்று அழைக்கப்படும் 679 ஊட்டச்சத்து உணவு மற்றும் கல்வி மையங்களை 15 மாவட்டங்களில் 40,000 க்கும் மேற்பட்ட குழந்தைகளுக்கு சேவை செய்கிறது. மத்தியப் பிரதேசத்தின் தேவாஸ், செஹோர் மற்றும் மண்ட்லா மாவட்டங்களில் 2 குடியிருப்புப் பள்ளிகளையும் 2 விடுதிகளையும் பரிவார் நடத்தி வருகிறது. மாநிலத்தின் பல்வேறு பழங்குடிப் பகுதிகளைச் சேர்ந்த 1250 சிறுவர்களும் சிறுமிகளும் இந்த வளாகங்களில் வசித்து வருகின்றனர். இவை தவிர, பரிவார் 24 மாவட்டங்களில் ஏராளமான இலவச 24 * 7 மருத்து சேவை வாகனங்களையும், மத்தியப் பிரதேசத்தின் 7 பழங்குடிப் பகுதிகளில் பல நடமாடும் சுகாதார மருத்துவமனைகளையும் நடத்துகிறது. இந்த அமைப்பின் கீழ் டிசம்பர் 2023 வரை 1 மில்லியனுக்கும் அதிகமான நோயாளிகளுக்கு சேவை வழங்கப்பட்டுள்ளது.பார்வையை மீட்டெடுக்கும் திட்டத்தின் கீழ், பரிவார் 30 மாதங்களில் பல கண் மருத்துவமனைகளுடன் இணைந்து 3800 க்கும் மேற்பட்ட முகாம்களை ஏற்பாடு செய்துள்ளது. இதன் கீழ் 5 லட்சத்துக்கும் மேற்பட்ட நோயாளிகள் பயன் பெற்றுள்ளனர். மேலும், 56 ஆயிரம் இலவச கண் அறுவை சிகிச்சைகள் செய்யப்பட்டுள்ளன.
விருதுகளும் கௌரவங்களும்
[தொகு]- 2011 ஆம் ஆண்டு குடியரசுத் தலைவர் மாளிகையில் இந்தியக் குடியரசுத் தலைவரால் வழங்கப்பட்ட தேசிய குழந்தைகள் நல விருது [7]
- 2011 ஆம் ஆண்டில் இந்தியாவின் முன்னாள் குடியரசுத் தலைவர் ஆ. ப. ஜெ. அப்துல் கலாம் அவர்களிடமிருந்து இளம் சாதனையாளர்களுக்கான இந்தியாவின் முதன்மையான விருது சன்ஸ்கிருதி விருது.[5][7][8][9]
- சுகாதாரம் மற்றும் ஊட்டச்சத்து பிரிவில் மத்தியப் பிரதேச அரசால் வழங்கப்படும் மத்தியப் பிரதேச கௌரவ் சம்மான் என்ற விருது மாநில ஆளுநர் மற்றும் முதலமைச்சரால் நவம்பர், 2022 இல் வழங்கப்பட்டது.
- சிஎன்என்-ஐபிஎன் ஆண்டின் இளம் இந்தியத் தலைவர் விருது 2012.[7][10]
- கொல்கத்தாவின் இந்திய மேலாண்மை கழகத்தின் புகழ்பெற்ற முன்னாள் மாணவர் விருது (8000 முன்னாள் மாணவர்களில் 9 பேரில் ஒருவர்) [5][7][11]
- கரக்பூரின் இந்திய தொழில்நுட்பக் கழகத்தின் 'புகழ்பெற்ற முன்னாள் மாணவர் விருது' (2014 ஆம் ஆண்டில் வழங்கப்பட்ட விருது வரலாற்றில் மிக இளைய பெறுநர்).
- இராமகிருஷ்ண இயக்கத்தின் பண்பாட்டு நிறுவனம் சார்பில் வழங்கப்படும் சுவாமி இரங்கநாதானந்தர் நினைவு மனிதாபிமான விருது 2014 வழங்கப்பட்டது.[12]
- உத்தராகண்டம் முதலமைச்சர் அவர்களால் 2015 ஆம் ஆண்டுக்கான சுவாமி ராமா மனிதாபிமான விருது வழங்கப்பட்டது.
- விவேகானந்த சேவா சம்மான் விருது 2015 மேற்கு வங்க ஆளுநர் அவர்களால் வழங்கப்பட்டது.
- பாவ்ராவ் தேவ்ராஸ் சேவா சம்மன் விருது 2015 இலக்னோவில் உத்தரப்பிரதேச ஆளுநரால் வழங்கப்பட்டது.
- 2014 இல், கொல்கத்தாவின் டெலிகிராப் கல்வி அறக்கட்டளை தனது 'சிறப்பு மரியாதை'யை அளித்தது.[13][14]
- 2015இல் இந்திய அரசில் நான்காவதாக குடிமக்களுக்கு வழங்கப்பெறும் பத்மசிறீ விருது வழங்கப்பட்டது [15]
மேற்கோள்கள்
[தொகு]- ↑ "Tehelka - The People's Paper". Archive.tehelka.com. 2004-11-20. Archived from the original on 5 November 2013. Retrieved 2013-11-05.
- ↑ "Soulless Traffick Shown The Palm | Vinayak Lohani". Outlookindia.com. 2004-02-09. Retrieved 2013-11-05.
- ↑ "The Beauty Of Illuminated Things | Vinayak Lohani". Outlookindia.com. Retrieved 2013-11-05.
- ↑ "BLOGS/Beyond the Numbers-The Power of One". Forbes India. http://forbesindia.com/blog/beyond-the-numbers/the-power-of-one/.
- 1 2 3 "About Parivaar and its Founder Vinayak Lohani". http://www.arpanfoundation.org/our_projects/parivaar.asp.
- ↑ "About the Founder". Parivaar. http://parivaar.org/about/the-founder/.
- 1 2 3 4 5 "National Child Welfare Award for 2011". Sociovigil. 11 January 2013 இம் மூலத்தில் இருந்து 5 November 2013 அன்று. பரணிடப்பட்டது.. https://web.archive.org/web/20131105055650/http://sociovigil.in/vinayak-lohani-and-his-parivaar/.
- ↑ "Sanskriti Award for 2011 held in New Delhi". http://articles.timesofindia.indiatimes.com/2011-11-25/delhi/30438006_1_sanskriti-awards-awards-committee-social-achievement.
- ↑ "Sanskriti Award for 2011 Conferred". Hindustan Times. http://www.hindustantimes.com/india-news/newdelhi/sanskriti-awards-for-2011-conferred/article1-771049.aspx.
- ↑ "Young Indian Leaders". IBN. http://ibnlive.in.com/youngindian2012/winners3.php.
- ↑ "IIMC Distinguished Alumnus 2011 Awardees". IIMC. http://alumnilive.iimcal.ac.in/about/golden-jubilee/events/2011-awardees-iim-calcutta.
- ↑ "Ranganathananda Award". sriramakrishna.org. http://sriramakrishna.org/admin/download_item/_download_2bd218c9a3afd381b359bb556446f0b4136dd9d5.pdf.
- ↑ "Calcutta Story". Telegraphindia.com. http://www.telegraphindia.com/1140901/jsp/calcutta/story_18786820.jsp#.VEEO_fmSzt4.
- ↑ "vinayak-lohani-wins-telegraph-education-foundation's-certificate-honour". alumnilive.iimcal.ac.in. https://alumnilive.iimcal.ac.in/vinayak-lohani-wins-telegraph-education-foundation%E2%80%99s-certificate-honour.
- ↑ "Mamata Shankar, Pt Tejendra Narayan among 9 Padma awardees from Bengal". The Times of India. https://timesofindia.indiatimes.com/city/kolkata/mamata-shankar-pt-tejendra-narayan-among-9-padma-awardees-from-bengal/articleshow/117559588.cms.
